Mafulûlo 15:6 - BIBLIYA NTAGATIFU OMU MASHI

⁶ na balya Bamalahika nda bafumbasire amahanya nda hapamuka omu ngombe. Bali bayambîrhe emyambalo y’ecitâni yalangashana erhanali­ kwo izâbyo, bànali bazingîre omukaba gw’anasholo omu cifuba.

Mafulûlo 15:6 ပူးပေါင်းရင်းမြစ်များ

Daniyeli 10:5

Nanaciyinamula amasù nakaz’ilolêreza, hanaciyisha omuntu oya­mbîrhe ecishûli c’ecitâni anacikobesire n’omukaba gw’amasholo g’e Yufazi.

Luka 24:4

Erhi babà badwîrhe barhanya emurhima kuli okwo, babonekerwa na bantu babiri bayambîrhe emyambalo myêru ikungè.

Mafulûlo 1:13

n’ekarhî k’ebyo binâra nda by’amasholo, nabona oshushire Mwene-omuntu, erhi ayambîrhe ecishûli, azongîze n’omukaba gw’amasholo omu cifuba.

Mafulûlo 14:15

Owundi Malahika anacihuluka omu ka-Nyamuzinda, ayâkûza olyâla wali otamîre oku citù n’izù linene, erhi: «Lîka omugushu gwâwe, orheme, bulyâla amango g’okusârûla gahisire, kulya kubà omwâka gw’igulu gukola guyêzire».

Mafulûlo 14:17

Owundi Malahika ahuluka omu ka-Nyamuzinda k’omu mpingu, naye erhi afumbasire ehigushu hyôji.

Mafulûlo 15:1

Nashub’ibona ecindi cimanyîso omu malunga, cimanyîso ciri ca kurha­ngâza- Bamalahika nda badwîrhe mahanya nda. Go gakolaga mazinda gayûsa omungo gwa Nyamuzinda gwoshi.

Mafulûlo 19:8

bamuhîre mpu ayambale omwambalo mwinjinjà gw’ecitâni c’akêru, n’ogwo mwambalo gw’ecitâni byo birigi bijiro binjà by’abashinganyanya».