Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mafulûlo 14:10 - BIBLIYA NTAGATIFU OMU MASHI

10 oyo anywa oku idivayi ly’obukunizi bwa Nyamuzinda, lirya lihungulîrwe omu ka­bêhè k’omutula gwâge buzira ngushè; omuliro n’ecibiriti byâmulîkiza amagala omu masù ga Bamalahika batagatîfu n’omu masù g’Omwâna-buzi.

အခန်းကိုကြည့်ပါ။ ကော်ပီ




Mafulûlo 14:10
45 ပူးပေါင်းရင်းမြစ်များ  

Oku bundi Nyamubâho anacirhogeza enshâno y’ecibiriti n’omuliro kuli Sodomo na kuli Gomora.


Wanahashig’iyûbaka omu nyumpa yâge bulya erhaciri yâge, ecibiriti camâlashirwa aha mwâge.


Amasù gâge yêne gabone oku ahanyagala, anywe yênene oku bukunizi bwa Nyakasane!


Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.


Okaz’icîkubagira Nyakasane onakaz’ishimba enjira zâge, akuyôlolola olye igulu, osheke obona oku enkola-maligo zahungumuka.


Nyamuzinda kulikirira oku warhulikirîre wanarhuvunira amatumu, kuluba oku warhulubîre, orhugalukirage mâshi mâshi.


Okwo kwarhuma olubaga lwâni lwayêrekera emunda bali, n’amîshi bàganywa bàrhama, mpu:


Nyamuzinda ye mutwî w’emmanja: anayandagaze muguma, alengeze n’owundi.


Câba nâwe wêne wâcibonera; wâbona oku ababî bahembwa.


Murhangâle munarhemuke, mubè mihûrha munabule okukâbona; mubè balalwe, ci arhali ba mamvu, mujè mwandandabagana, ci arhali kubà mwanywîre,


Nêci, ennundo y’enshâli eri nteganye kurhenga mîra; erheganyizîbwe mâmi naye. Omu mwîna mulirî na mugali, enshâli mwandu z’okutwâna omuliro ziri nnunde. Omûka gwa Nyakasane, nka nshalalo ya cibiriti, gwahirakwo omuliro.


Enyîshi zâge zâhinduka bulembo, obudaka bwâge bwâhinduka cibiriti, n’ecihugo câge cihinduke bulembo budwîrhe bwadurha muliro.


Zilka, zûka, yimanga, wâni Yeruzalemu, we wanyweraga omu maboko ga Nyakasane akahe k’obukunizi bwâge, we wanywaga wanashongôza akabehe k’okudandabaganya!


Obabwîre, erhi kw’adesire ntya Nyakasane Nyamuzinda w’Emirhwe, Nyamuzinda w’Israheli: «Munywe, mulaluke, mushale! Mwakumba burhazûka hano mubona engôrho narhuma ekarhî kinyu».


Ntya kwo Nyakasane adesire: «Yumvi bwinjà: abà ntalirheganyize okunywa akabehe, bâkanywa. Nâwe, erhi ntâko nâbà, ntabè iga! Ntanzi la! Ako kabehe, wâkanywa bwinjà bwinjà!


“Nâbalalusa, abaluzi n’abashinganyanya bâge, abarhambo bâge, abajinji n’emirhwe-entwâli z’abalwî bâge, bayishigwîshira n’okujà îrò ly’ensiku n’amango, barhankacizûka bundi, kwo Mwâmi Mukulu oderhwa Nyakasane w’Emirhwe adesire”».


Osîmage onacîshinge, we munyere w’e Edomu, we yûbaka omu cihugo c’e Usi. Ci kwône nâwe akabehe k’omutula kâkuhikakwo, wâkanyweramwo onalaluke, kuhika oyambale obusha!


Ngasi muntu âbona oku niene Nyamubâho, nie nanaguyâsagya, gurhânazime.


“Nâyishimuhana n’endwâla y’ecihûsi n’okubulajika kw’omukò, nâmuniekeza enkuba y’ecihonzi, ey’olubula, nârhuma engulumira z’omuliro n’eza ecibiriti kuli ye n’oku bigamba byâge n’oku myandu y’embaga ziri boshi naye”.


Mwenene mucîbonesa ezo nshonyi ci lirhabà irenge: Ninyu munywâge munacîyêrekane bashugunu! Nyakasane ammusêza mushongôze aka­bene k’obukunizi bwâge. Irenge linyu lyahinduka nshonyi zinyu.


Yezu anacishuza, aderha, erhi: «Murhamanyiri ebi muhûnyire. Ka mwankahash’inywa omulengo nayîsh’inywa?» Banacimubwîra, mpu: «Rhwanahasha».


Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.


Erhi ashegûka, acîrhimba oku idaho, ashenga anaderha, erhi: «Larha akabà kwankahashikana, aka kabehe kangere kuli! Ci kwônene arhali nk’oku nalonza, ci nk’oku walonza wênene».


Ngasi yêshi wâbè nshonyi nie ntuma n’ebinwa byâni birhumire mw’eri iburha ly’obugonyi n’erya ebyâha, naye Mwene-omuntu ayish’imubêra nshonyi amango ayisha omu irenge ly’Îshe haguma na bamalahika batagatîfu».


omu omuvunyu gwâbyo gurhafà n’omuliro gurhazima.]


Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe».


“N’amashanja goshi kwo gaderha mpu cici cirhumire Nyamuzinda akolera eci cihugo ebiri ntya? Cici camujiraga oburhè bungana aho?”


n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge,


Sodomo na Gomora n’ebishagala by’eburhambi kwo na kwo: nabo bagwîra okuhusha n’okushimba ebiremwa birhali bya bwôrhere buguma n’obwâbo, bahinduka lwîganyo lw’obuhane bw’omuliro gw’ensiku n’amango.


Nsimba nguma mwo zirya ini yahà balya Bamalahika nda rhubêhè nda rhwa masholo rhuli ekakwi n’omutula gwa Nyamuzinda oyôrha azîne omu myâka n’emyâka.


Lulya lugo lunênênè lwaberekamwo mpande isharhu, n’ebishagala by’amashanja byacîdîrha oku idaho. Babiloni mukulu naye, Nyamuzinda, erhi: «Ntakuyibagire!» Amuhêreza akabêhè k’idivayi ly’omutula gw’obukunizi bwâge.


kulya kubà amashanja goshi ganywîre oku irivayi ly’omutula gw’okuhusha kwâge, n’abâmi b’igulu bamuhushirekwo, na bulya obulimbi bwâge burhajira lugero bwagazize abarhunzi b’igulu».


Mumujirire nk’oku ajiriraga abandi, mûmushubize kabiri kangana ebijiro byâge! Akabêhè agushiragamwo mumubumbireko kabiri!


Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi.


Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.


Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.


Okuhandi Walufù n’Okuzimu bakwêbwa omu cîna c’omuliro. Eco cîna c’omuliro lwo lufù lwa kabiri olwo.


Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ