Mafulûlo 12:2 - BIBLIYA NTAGATIFU OMU MASHI

² Ali nda, adwîrhe ayâma erhi mikero erhuma n’amalumwa g’okuburha.

Mafulûlo 12:2 ပူးပေါင်းရင်းမြစ်များ

Izaya 26:17

Nka kula omukazi oli izîmi, erhi amango gâge g’okuburha gahika, ayâma erhi mikero erhuma, ntyôla kwo nîrhu rhwàli rhuyôsire embere zâwe, Yâgirwa Nyakasane!

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Izaya 54:1

Oband’empundu, we ngumba erhaburha; ohubulize, ocîshinge, we orharhulaga izîmi, bulya abâna b’omushombe-kazi bo bakola banji kulusha ab’ogwêrhe omulume, Nyakasane okudesire.

Izaya 66:6

Akashakanyo kali omu lugo, akahâye kali ebwa ka-Nyamuzinda: izù lya Nyakasane elyo, al’ihà abashombanyi bâge oluhembo lubakwânîne.

Mikeyo 4:9

Na buno, bicigi birhumire wayâma? K’emwâwe erhacibà mwâmi? K’abahanûzi bâwe bahezire obu wagwârhwa n’emikero nka mukazi walonziburha?

Mikeyo 5:3

Ayimanga, âkerêrheza obusò bwâge omu kukolêsa obuhashe bwa Nyaka­sane, omu kukolêsa obukuze bw’izîno lya Nyakasane Nyamuzinda wâge. Bâgandâza bulya akolaga âbà mukulu kuhika oku buzinda bw’igulu.

Mateyo 24:8

“Ebyo byoshi, gwo murhondêro gw’amalibuko”.

Yowane 16:21

“Omukazi, nk’ali hôfi h’okuburha, oburhè bunamugwârhe, bulya amango gâge gahisire; ci kwônene nk’amâyûs’iburha omwâna, arhacikengêra galya malibuko gâge, erhi kucîshinga kurhuma, bulya omuntu abusirwe en’igulu”.

Bagalasiya 4:19

Rhwâna rhwâni, ndwîrhe nayumva amalumwa g’okushub’immuburha, kuhika Kristu akomere omu mirhima yinyu.

Bagalasiya 4:27

Bulya kuyandisirwe, mpu: Oshagaluke we ngumba erhaburha; osîme onacîshinge we rhishi mikero; bulya abâna b’omusho­mbè-kazi bali banji kulusha ab’omurhonyi.

Mafulûlo 12:4

N’omucira gwâyo gwayisha gwabulula ecihimbi ca kasharhu c’enyenyêzi z’omu malunga, gwanazikwêba oku igulu. Erya nkuba-joka yayîmanga embere z’olya mukazi wali buburha, yalinga mpu hano abà amâburha emulye omwâna.