Mafulûlo 12:1 - BIBLIYA NTAGATIFU OMU MASHI

¹ Okuhandi ecimanyîso cirhali cinyi caboneka emalunga; omukazi oyambîrhe izûba, n’omwêzi aha magulu gâge, n’ecimanè ca nyenyêzi ikumi n’ibiri omu irhwe lyâge.

Mafulûlo 12:1 ပူးပေါင်းရင်းမြစ်များ

2 Nganîro 32:31

Na Nyamuzinda arhaderhaga mpu amulikirira emw’abantu bakazâgirhumwa n’abanya buhashe b’e Babiloni mpu bayishimudôsa emyanzi ya cirya cisômerîne càbâga omu cihugo n’okumurhangula, lyo bamanya ebimubà omu murhima byoshi.

Ennanga 104:2

Ocîbwîsire obukulu n’obwinjà, ocîhundikîre obulangashane nka cirondo.

Ennanga 84:11

Kwo binali: omulegerege omuntu agezize omu mwâwe gwo mukulu oku yindi cihumbi, okubêra aha lusò lwa Nnâmahanga, kwo kukulu aha kubêra omu nyumpa y’abanya-byâha.

Lwimbo 6:10

mpu : «ye ndi oyo oyishire nka mucêra-cêra, mwinjà nka mwêzi. Ayisha amoleka nk’izûba, mudârhi nka ngabo za balwî».

Izaya 61:10

Ndwîrhe nacîshinga muli Nyakasane, omurhima gwâni gwamârhwangûka muli Nyamuzinda wâni, bulya anyambisize emyenda y’obucire, ampundikira ecishûli c’obushinganyanya, nka kula omuhya-mulume ayambala ishungwè, na nka kula omuhya ajagalira emyambalo yâge.

Izaya 62:3

Wâbà cimanè calangashana omu nfune za Nyakasane, ishungwè ly’obwâmi omu bulà bw’enfune za Nyamuzinda wâwe.

Zakariya 9:16

Nyakasane Nyamuzinda wâbo yêne wâbayôkola olwo lusiku; ayish’iyâbula olubaga lwâge n’igulu, bânashushe nka magerha marhunge ganali mashoneke.

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Mateyo 12:38

Lêro baguma omu bashamuka b’ihano n’omu Bafarizeyi bamubwîra, mpu: «Mwigîriza, rhwalonza orhuyêreke ecimanyîso».

Mateyo 24:30

Okuhandi ecimanyîso ca Mwene-omuntu canabonekana emalunga; n’amashanja g’en’igulu goshi ganabanda endûlù; go mango bâbona Mwene-omuntu ayishire omu bitù n’obuhashe n’irenge linji.

Marko 13:25

enyenyêzi zâmanuka oku nkuba n’eby’oku nkuba byâgeramwo omusisi.

Luka 21:11

“Hâbè omusisi munene gw’idaho, n’ecizombo n’ecâhirà byâbè hanji; hayish’ibà n’eby’okuyôbohya, n’emalunga yârhenge ebimanyîso binene”.

Luka 21:25

«Hayish’ibà ebimanyîso omu izûba n’omu mwêzi n’omu nyenyêzi; n’omu igulu amashanja gayish’ibà burhè ganayish’irhanya bayumva enyanja ekungula.

Yowane 3:29

“Ogwêrhe omuhya erhi muhya-mulume; ci omwîra w’omuhya-mulume, omuyimangira n’okumuyumva, anasîme akayumva izù ly’omu­ hya-mulume”. “Ogwo gwo mwishingo gwâni, na buno gukola guli mwimâna”.

Ebijiro 2:19

Nânajira ebirhangâzo era nyanya omu malunga n’ebisômerîne en’igulu: omukò, omuliro, n’amîshi gatumbûka.

Barom 13:14

mucihundikire Nyakasane Yezu Kristu, murhanacikâg’irhogoza omu­biri omu kushimba enyifinjo zâgwo.

Barom 3:22

Obwo bwimâna bwa Nyamuzinda buhâbwa abayêmêra Yezu Kristu. Buhâbwa abemêzi boshi, bulya ntà kanânà.

2 Bakorinti 11:2

Bulyâla okuyâgala munyâgîre kuli kuyâgalwa kwa Nyamuzinda. Kulya kubà nammuhîre mulume muguma yênene, nka mwâna w’obunyere orhashubig’ihumwakwo w’okuyêreka Kristu.

Bagalasiya 3:27

kulya kubà mwe mwabatizibwe muli Kristu mweshi, mwacîhundikîre Kristu.

Bagalasiya 4:26

Yeruzalemu w’enyanya yêhe arhali mujà, ye nyâmà.

Bagalasiya 6:14

Niehe, mâshi ntacifaga nalonzize obukuze omu kandi kantu ogurhali musalaba gwa Nnawîrhu Yezu Kristu, ye warhumaga igulu lyabambwa kuli nie, nâni nabambwa oku igulu!

Befezi 5:32

Liri ihwe likulu elyo: nalonza okuderha oku luli lwîganyo lwa Kristu n’Ekleziya.

Mafulûlo 1:20

Ihwe ly’enyenyêzi nda wabonaga omu kuboko kwâni kulyo n’ebinâra nda ly’eri: enyenyêzi nda bo bamalahika b’Ekleziya oku ziri nda, n’ebinâra nda zo Ekleziya nda.

Mafulûlo 11:19

Obwo aka-Nyamuzinda, kalya kabà omu mpingu, kanaciyiguka, n’omucîmba gw’endagâno yâge gwaboneka omu ka-Nyamuzinda kâge. Okubundi hanacibà orhumêmè, n’amazù, n’emilazô, igulu lyâgeramwo omusisi, n’olubula lwarhoga lwarhalusa.

Mafulûlo 12:3

N’ecindi cimanyîso caboneka emalunga; nkuba­-joka nnênênè eshushire isêsè, ya marhwe nda na mahembe ikumi, na mashungwè nda oku marhwe gâyo.

Mafulûlo 15:1

Nashub’ibona ecindi cimanyîso omu malunga, cimanyîso ciri ca kurha­ngâza- Bamalahika nda badwîrhe mahanya nda. Go gakolaga mazinda gayûsa omungo gwa Nyamuzinda gwoshi.

Mafulûlo 21:14

Ecôgo c’olwo lugo cidêkerîre kuli mabuye ikumi n’abiri, na kuli ago mabuye kuli amazîno ikumi n’abiri g’entumwa ikumi n’ibiri z’Omwâna-buzi.

Mafulûlo 21:23

Eco cishagala ntabulagîrire bw’izûba nîsi erhi bw’omwêzi byacimolekera, bulya irenge lya Nyamuzinda bwo bulangashane bwâco, n’Omwâna-buzi ko kamole kâco.