Mafulûlo 11:15 - BIBLIYA NTAGATIFU OMU MASHI

¹⁵ Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 11:15 ပူးပေါင်းရင်းမြစ်များ

Ennanga 110:4

Nyakasane acîgashire arhanatwe omu kanwa kâge: «Oli mudâhwa w’ensiku n’amango kulya kwa Melkisedeki.»

Ennanga 146:10

Nyamuzinda analange abakenyi, Ye lamira enfûzi n’abakana. Ci enjira z’abanya-byâha anaziyêrekeze erushâyo. Nyamubâho ali Mwâmi, arhegeka emyâka erhaganjwa, wâni Siyoni, Nnâmahanga ali wâwe ensiku zoshi.

Ennanga 2:2

Abâmi b’igulu bamâhuluza engoma, nabo abaluzi bamâja ihano mpu bagomere Nnâmahanga n’omwîshogwa wâge.

Ennanga 72:11

N’abâmi b’igulu lyoshi bamuharâmya, amashanja goshi gâmukolere.

Ennanga 82:8

Nnâmahanga, yimuka otwîre igulu olubanja, bulyâla amashanja goshi we Nnago.

Ennanga 86:9

Amashanja walemaga goshi, gayisha gakuharâmye, Nyamwagirwa, ganamanyise izîno lyâwe.

Lubungo 15:18

Nyakasane aganze anagandaze ensiku n’amango.

Izaya 27:13

Olwo lusiku, omu mushekera munene, na balya bâli baherîre omu cihugo c'Asîriya n’abàli bashandabîne omu cihugo c’e Mîsiri bâyîsha, bâkaz’iharâmya Nyakasane oku ntondo yâge ntagatîfu y’e Yeruzalemu.

Izaya 44:23

Muband’empundu, mwe malunga, bulya Nyakasane akozire akirumè! Mukome kagasha, mwe nyenga z’ekuzimu! Mubande orhubûli, mwe ntondo, ninyu mwe mizirhu n’emirhi emmubâmwo! Bulya Nyakasane ayôkwîre Yakôbo, ayêrekîne irenge lyâge omu Israheli.

Izaya 55:5

Alà oku wahamagala ishanja orhayishi, n’ishanja lirhakuyishi lyakulibirhira erhi Nyakasane Nyamuzinda wâwe orhuma, Mutagatîfu w’Israheli, ye wakuhîre irenge.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 16:19

Nyamuzinda, we buzibu we n’ibuye ncîfulikaho, nyâkiraho amango mpanyagîre! Amashanja gayîsha emunda oli kurhenga ebwa kafende k’igulu gaderhe mpu: balarha bya bunywesi bayîmiremwo, bya busha birhajira mukolo muci.

Ezekiyeli 37:25

Babere omu cihugo nahâga mwambali wâni Yakôbo, n’omu b’îshe wâbo bayûbakaga, babêramwo boshi n’abâna bâbo, ciru n’abâna bâbo ensiku zoshi na mwambali wâni Daudi âbà ye mwâmi ensiku zoshi.

Ezekiyeli 47:5

Anacipîma gandi makano cihumbi, lêro lwâbà lwîshi, lu­lyâla ntacihashaga okuyikira ebwa kubà amîshi gàli gamâbira; kwàli kukwânîne okuyôga, ntâye wankacihashire okuluyikira kwônene.

Daniyeli 7:14

Banacimuhà amâmi, amahashe, irenge n’oburhegesi, amashanja goshi n’ebihugo byoshi, n’abantu b’endimi zoshi bakazimurhumikira. O­bwâmi bwâge bwabà bw’ensiku n’amango, bwâmi burhakayûrha, bwâmi burhakakûlwa ciru n’amango maguma.

Daniyeli 7:18

ci kwônene abatagatîfu b’Ow’Enyanya bwenêne, bo hanahâbwe obwâmi banabuyôrhane ensiku n’amango, n’amango g’amango.»

Daniyeli 7:22

kuhika olya mushosi alinda ayisha, aha abatagatîfu obushinganyanya bw’Ow’Enyanya n’amango galinda gahika aga abatagatîfu bahâbagwamwo obwâmi.

Daniyeli 7:27

Obwâmi, obuhashe n’amarhegesi goshi ganayishihâbwa olubaga lw’abatagatîfu b’Ow’Enyanya bwenêne; obwôla bwâmi bwâbà bw’ensiku n’amango n’agandi mârni goshi gâbushiga ganaburhumikire.

Hozeya 2:23

Mw’olwo lusiku, - kanwa ka Nyamuzinda, - nâshuza omu mpingu, nabo bashuze omu igulu.

Abudiya 1:21

Bânayinamuke nka ntwâli, oku ntondo ya Siyoni, mpu batwîre entondo ya Ezau olubanja, na Nyakasane âyishigandâza.

Mikeyo 4:7

Ebikunagizi byo najiramwo omusigala, n’ebikagwa nabijira ishanja liguma lya misî. N’ago mango Nyamuzinda abà mwâmi wâbo oku ntondo ya Siyoni, kurhenga buno kuhika ensiku n’amango.

Zakariya 14:9

Naye Nyakasane ânabè mwâmi muno igulu lyoshi. Mw’ago mango mwânayôrhe Nyamubâho muguma, n’izîno lyâge liguma.

Zakariya 2:11

Mwe bantu b’e Yeruzalemu mwalulizibagwa e Babiloni, muyâke dubaduba.»

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Mateyo 24:31

Obwo anarhuma bamalahika bâge n’omushekera gw’izù linene, bashûbûze abarhôle bâge b’empande ini z’igulu, kurhenga emalunga bwenêne kuhika ah’igulu lihekîre.

Mateyo 6:13

Orhanarhuhiraga omu mashumi, ci orhulîkûze oku Mubî.

Luka 1:33

âyîma omu nyumpa ya Yakôbo emyâka n’emyâka, n’obwâmi bwâge burhakayûrha».

Luka 15:10

“Kwo n’okwo, mmubwîre, hayish’ibà obushagaluke emwa bamalahika ba Nyamuzinda oku munya-byâha muguma ocîyunjuzize”».

Luka 15:6

“Erhi ahika eka, anayâkûza abîra n’abalungu bâge, ababwîre, erhi”: “Musîme haguma nâni, bulya ecibuzi câni, càli cihezire, nacibwîne!”

Ebijiro 4:26

Abâmi b’en’igulu bahuluzize engoma, nabo abaluzi bajizire ihano haguma mpu balwîse Nnâmahanga na Kristu wâge.

Bahabraniya 1:8

Abwîra Omugala, erhi: Entebe yâwe y’obwâmi, ewe Nyamuzinda, eri y’emyâka n’e­myâka, n’akarhi kâwe k’obwâmi kali ka bushinganyanya.

Mafulûlo 10:7

ci mpu e­nsiku banayumve Malahika wa kali nda abûha omu mushekera, erhi ihwe lya Nyamuzinda lyamâyunjula, nk’oku abwîraga bambali bâge abalêbi.

Mafulûlo 12:10

Nanaciyumva izù linene emalunga, mpu: «Lêro obucire, n’obuhashe, n’obwâmi bwa Nyamuzinda wîrhu, n’oburhegesi bwa Kristu wâge bwamâyisha! Bulya olya okaz’ishobeka bene wîrhu, olyâla wakazâg’ibashobeka bwacà bwayira emunda Nyamuzinda wîrhu ali, ajirage ajugucirwa!

Mafulûlo 15:4

Ndi orhankakurhînya, Nyakasane, akanakuza izîno lyâwe? Bulya wêne­ne we mwimâna, n’amashanja goshi gayish’iharâmya embere zâwe, ku­lya kubà akanwa kâwe kâjire kamanyibwa»

Mafulûlo 16:17

Naye Malahika wa kali-nda abulagira akabêhè kâge omu cirêre. Okuhandi izù linene lyarhenga omu ka-Nyamuzinda, aha ntebe, lyayisha, erhi: «Hoshi aho!»

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».

Mafulûlo 19:1

Aha nyuma ly’okwo, nayumva eliri nk’izù linene lya bantu mwandu ba­dwîrhe bayâkûza emalunga, mpu: «Aleluya! Obucire n’irenge n’obuhashe binali bya Nnawîrhu Nyamuzinda,

Mafulûlo 19:6

Nashub’iyumva eliri nk’izù lya bantu mwandu n’eliri nka nshalalo ya mîshi manji, n’eliri nka mukungulo gwa milazô, lyayisha, mpu: «Aleluya! Nêci, ye yîmire Nyakasane, Nnawîrhu Nyamuzinda, Nn’amahanga goshi.

Mafulûlo 20:4

Nabo­na n’entebe, n’abàli bazitamîrekwo bahâbwa obuhashe b’okutwa olubanja. Nabona n’emyûka ya balya batûbagwa amarhwe erhi buhamîrizi bwa Yezu n’akanwa ka Nyamuzinda birhuma, na ngasi boshi babulaga bwagashâniza olya w’eciryanyi n’enshusho yâge banabula bwahebwa ecimanyîso câge emalanga n’omu nfune. Banacishubiramwo omûka, bayîma haguma na Kristu myâka cihumbi.

Mafulûlo 8:12

Naye Malahika wa kani agubûhamwo erhi na mushekera. Ecihimbi ca kasharhu c’izûba cahukulwa, n’ecihimbi ca kasharhu c’omwêzi, n’ecihimbi ca kasharhu c’enyenyêzi kwo na kwo; na ntyo ebyo byâbyo bya kasharhu byashuba mwizimya, n’omûshi gwabula cihimbi ciguma ca kasharhu c’obumoleke bwâgwo, n’obudufu kwo na kuguma.

Mafulûlo 9:1

Okubundi Malahika wa karhanu abûha omu mushekera: nanacibona e­nyenyêzi yarhengaga emalunga erhogîre oku idaho. Bayihêreza olwigulo lw’enyenga y’ekuzimu.

Mafulûlo 9:13

Malahika wa kali-ndarhu naye agubûhamwo erhi na mushekera. Nanaciyumva izù lyahubuka aha marhwêrhwè anni g’olûsho lw’amasholo luli e­mbêre z’amasù ga Nyamuzinda.