Mafulûlo 1:14 - BIBLIYA NTAGATIFU OMU MASHI

¹⁴ Irhwe lyâge n’emviri zâge erhi biri byêru nka bwôya bwa cibuzi cêru, nka kula olubula luyôrha; amasù gâge erhi gali nka ngulumira ya muliro;

Mafulûlo 1:14 ပူးပေါင်းရင်းမြစ်များ

Daniyeli 10:6

Omubiri gwâge gwàli guyôsire nk’ibuye ly’enziga n’obusù bwâge bwakazimo­leka nka mulinga gucesîbwe, n’olubî lw’ebinwa byâge lwayôrha nka lubî lwa bantu mwandu.

Daniyeli 7:9

Nanakulikiza okulola, banaciyisha badwîrhe entebe bazihira ahôla, Omushosi anaciyisha atamala. Omwambalo gwâge gwàli mwêru nka lubula n’emviri z’oku irhwe lyâge zàli zishushire amwôya g’ecibuzi gashushire bwinjinjà. Entebe yâge yakazirhengamwo engulumira z’omuliro, yanali nyinyi egwêrhe emizizi edukumbusire n’omuliro.

Mateyo 28:3

Erhi ashushire omulazo, n’enyambalo yâge eri myêru nka lubula.

Mafulûlo 19:12

Amasù gâge ngulumira ya muliro, n’irhwe lyâge lirikwo mashungwè manjimanji, izîno lyâge liri liyandike, ci ntâye oliyishi aha nyuma lyâge yêne.

Mafulûlo 2:18

Malahika w’Ekleziya y’e Tiyatira omuyandikire, erhi: «Kwo adesire ntyâla Mugala wa Nyamuzinda, olya ogwêrhe amasù gali nka ngulumira ya muliro, n’amagulu gashushire amarhale».