Lwimbo 8:5 - BIBLIYA NTAGATIFU OMU MASHI

⁵ Mwa ndi ola wayinamuka arhenga omu irungu ayegemîre Omuzigirwa wâge? Ho nakutuliraga aha murhi gw’epomi, halya nyoko ayankiraga izîmi lyâwe honênè, halyâla ayankiraga izîmi omuzîre wakuburhaga.

Lwimbo 8:5 ပူးပေါင်းရင်းမြစ်များ

2 Nganîro 32:8

Ye, ayîshirirhabâlwa n’okuboko kw’abantu, ci rhwono Nyamubâho yêne ye warhuhêka omu kulwa kwîrhu». Olubaga lwacîkubagira bwenêne ebyôla binwa bya Yezekiyahu mwâmi w’e Buyahudi.

Ennanga 63:8

Bulya nêci washubire mufungizi wâni, n’omu byûbi byâwe nuno ndwîrhe nacîshingira.

Ennanga 63:9

Omurhima gwâni gukwishwekìrekwo; n’okulyo kwâwe kwo nyegemîre

Lwimbo 2:3

-Kwo ali nka mulehe ekarhî k’emirhi y’omu busâne, omuzigirwa wâni omu karhî k’abânarhabana. Ntamîre omu cizunguzungu câge nacîfinjaga, n’irehe lyâge liri linunu omu kanwa kâni.

Lwimbo 3:11

Mwe banyere b’e Siyoni mukanye mubone: Mwâmi Salomoni ayambîrhe ishungwè nnina amuyambikaga olusiku lw’obuhya bwâge, olusiku lw’obusîme bw’omurhima gwâge.

Lwimbo 3:4

Ene mbà namâbarhaluka, namabugâna olyâla omurhima gwâni guzigira. Namâmugwârha ntanacimulîke, kuhika nmuhise omu nyumpa ya nyâmà, omu mw’olya muzîre wamburhaga.

Lwimbo 3:6

Lêro cici cira casôka omu irungu nka mugî mulî-mulî, nka mûka mudûrhu gwa bukù, obubâni n’amalâshi g’ekulî goshi!

Lwimbo 4:8

Nj’eno orhenge e Libano, mukazi wâni, nj’eno orhenge e Libano, ja omu nyumpa. Oyimange oku ntondo ya Amana olole bwandagala, n’oku ntondo ya Seniri na Hermoni, lukunda lwa ngoromora ntondo za bakapiri.

Lwimbo 6:10

mpu : «ye ndi oyo oyishire nka mucêra-cêra, mwinjà nka mwêzi. Ayisha amoleka nk’izûba, mudârhi nka ngabo za balwî».

Lwimbo 8:1

Ocibâga mushinja wîrhu, olya wayonkaga ibêre lya nyâmà! Singa amango nkubuganyire embuga nanakuhôbera abandi barhanangaye.

Izaya 36:6

“Alà oku ocîkubagire Mîsiri, lula lusheke lushenyusire lurhula n’okuyâgaza enfune za ngasi oluyegemeza. Kwo ali ntyo Faraoni mwâmi w’e Mîsiri, mwâmi w’e Mîsiri, kuli ngasi boshi bacîmwikubagira”.

Izaya 40:3

Izù lidwîrhe lyayâkûza: «Omu irungu murheganyize Nyakasane enjira! Omu bulambo muyumanyize Nyamuzinda wîrhu omulimbwa!

Izaya 43:19

Alà oku nkola najira akantu kahyâhya, ciru na mîra karhangîre okubà; ka murhacikabona? Nêci, nâtw’enjira omw’irungu, mpîre n’enyîshi omu bulambo.

Yeremiya 2:2

«Ogende, oyakûlize ebi binwa omu kurhwiri kwa Yeruzalemu. Ntya kwo Nyakasane adesire: Namâkengêra oku wantonyagya erhi ociri murhò, oku wanzigiraga amango nakâgikusheba, wakazinshimba omu irungu, omu ishwa lirhajâmwo mburho.

Hozeya 12:4

Kurhenga omu nda ya nnina asigula mukulu wâge, erhi àbà musole, àlwîsa Nyamuzinda.

Mikeyo 3:11

Abarhambo bamwo barhatwa lubanja buzira kuhongerwa, abajinji bamwo barhayigîriza buzira kuhâbwa luhembo; abalêbi bamwo balêbere ensaranga. Kurharhuma barhashegema Nyamuzinda bakaziderha mpu: «Ka Nyamuzinda arhali ekarhî kîrhu? Obuhanya burharhurhindekwo!»

Yowane 13:23

Muguma w’omu baganda bâge, olya Yezu azigiraga, àli oku cîbo ashegemize irhwe oku cifuba ca Yezu.

Barom 7:4

Ninyu kwo na kwo, bene wîrhu: mwafîre, mwarhenzibwa omu lukoba lw’amarhegeko erhi mubiri gwa Kristu gurhuma, mpu mubè ba wundi, olya wafûkaga omu bafîre, mpu lyo rhukafulukiza Nnâmahanga.

Bagalasiya 4:19

Rhwâna rhwâni, ndwîrhe nayumva amalumwa g’okushub’immuburha, kuhika Kristu akomere omu mirhima yinyu.

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

Mafulûlo 12:6

Nyamukazi yêhe ayâkira omu irungu, ashanga Nyamuzinda amurheganyîzemwo aha abêra, mpu bamuhêreho eci alya nsiku cihumbi na magana abiri na makumi gali-ndarhu.