Lwimbo 8:11 - BIBLIYA NTAGATIFU OMU MASHI

¹¹ Salomoni âjiraga ishwa ly’emizâbîbu aha Baali-Hamoni. Alilangisa abalanzi, mpu ngasi muguma ayishimugalulira ebyafa by’amalehe: cihumbi ca magerha.

Lwimbo 8:11 ပူးပေါင်းရင်းမြစ်များ

Murhondêro 20:16

Abwîra Sara, erhi: «Obwîne oku mpîre mushinja winyu bikoroti cihumbi bya nfaranga. Okwôla kwakukûla enshonyi embere z’abà muli mweshi, na ntyo, ntà mwenda gwinyu nsigiremwo».

Muhanûzi 2:4

Najà omu by’obukulu, nayûbaka enyumpa nènênè, nahinga ishwa ly’emizâbîbu.

Lwimbo 1:6

Murhalolaga omubiri gwâni mwîru, izûba eryo lyambabaga? Bagala ba nyâmà abâla bandubiraga, banjira mulanzi wa mizâbîbu. Elyani ishwa ly’emizâbîbu ntalilangaga!

Lwimbo 2:3

-Kwo ali nka mulehe ekarhî k’emirhi y’omu busâne, omuzigirwa wâni omu karhî k’abânarhabana. Ntamîre omu cizunguzungu câge nacîfinjaga, n’irehe lyâge liri linunu omu kanwa kâni.

Lwimbo 7:12

Yisha Muzigirwa wâni, yisha rhujè omu mashwa! Mwo rhwajilâla omu bishagala,

Lwimbo 8:12

Eryani ishwa ly’emizâbîbu ndwîrhe nalilangîra: Wâni Salomoni ebihumbi by’amagerha byo byâwe, n’amagana abirhi g’abalanzi b’amalehe.

Izaya 7:23

Olwo lusiku, ngasi ishwa lyalimwo magulu cihumbi ca mizâbîbu gankafà ecihumbi c’ensaranga, lyahinduka marhadu na mishûgi.

Marko 12:1

Obwo arhondêra okubabwîra omu migani: «Muntu muguma anacihinga olukoma lw’emizâbîbu, aluyûbakira olugurhu, ahebamwo omukenzi, agwîkamwo omutungo; okubundi alusigira abahinzi, acîbalamira.