Lwimbo 5:2 - BIBLIYA NTAGATIFU OMU MASHI

² Ngwîshîre ci omurhima gwâni guzîne. Namâyumva Muzigirwa wâni akomomba oku lumvi: Nyigulira mâshi mwâli wîrhu, mukazi wâni, mâshi ngûkù yâni, mâshi Mwinjà-Muzira-ishembo. Kali irhwe linyunjwire lumè, emviri zinyunjwire mirhonyi ya budufu.

Lwimbo 5:2 ပူးပေါင်းရင်းမြစ်များ

Murhondêro 29:20

Yakôbo akaz’ikola mpu lyo bamuhà Rasheli; akola ntyo myâka nda, ci eyo myâka ayibona nka nsiku nsungunu bulya ali arhonyize Rasheli.

Ennanga 119:1

Bajira iragi ababâ omu njira nnungêdu, abashimbûlira irhegeko lya Nyakasane.

Ennanga 81:10

Irhondo orhahîraga okahandîsa wundi wundi nyamuzinda omu mwâwe, orhahîraga okagashâniza nyamuzinda w’embuga.

Migani 23:26

Mwâna wâni, yumva nkubwîre; amasù gâwe gayêrekere amahano nâkuhà:

Lwimbo 1:16

-Nka wayinjiha Muzigirwa wâni, nka wanuna wâni! Encingo yîrhu ishamba.

Lwimbo 2:10

Muzigirwa wâni amâlengeza izù amanyakûza, erhi: «J’eno, Musîmwa wâni. Namwinja wâni, yisha».

Lwimbo 2:14

Ngûkù yâni nfulike omu migâku y’olukunda, omu ngobe y’amabâle, nyêreka obusù bwâwe, nyumvîsa izù lyâwe, bulyâla omulenge ojira gurhajira wundi, n’iranga lyâwe kwo na kwo.

Lwimbo 2:8

Namâyumva Muzigirwa wâni; Nêci ye yishire; ayisha ahama oku ntondo, ayisha ashembuka orhurhondo.

Lwimbo 3:1

Aha ngwîshîre, budufu, namàlonzagya omuzigirwa w’omurhima gwâni, namâlonzagya ci lêrhaga!

Lwimbo 4:7

Wamâyinjiha, mushâna, Musîmwa wâni, we «Nt’izâbyo».

Lwimbo 4:9

Ci wamampêka omurhima mâshi mwâli wîrhu, mukazi wâni, wamampêka omurhima n’amasù ogwêrhe, n’igerha likuli omu igosi ciru lyône!

Lwimbo 5:11

Irhwe lyâge lya masholo gacîre bwenêne, emviri zâge, mashami ga mirhanda, nyîru-nyîru aka hungwe.

Lwimbo 5:6

Nti nayigulira Muzigirwa wâni, kusiga agalusire arhaciboneka! Okugenda kwâge kwarhuma narhibuka omurhima. Namulonzize ci ntacimubwîne, namuhamagîre ci arhacishuzize.

Lwimbo 6:9

Engûkù yâni eri nguma. Muguma-obûla-ishembo ali muguma nie nnaye. Ali wago-wago omu mwâbo, murhonyi w’omuzîre wamuburhaga Abahya bamubwîne bàmusîma. Abagoli n’abakazi baherula bamuyûnamira

Lwimbo 7:9

Nanaciderha nti narhangishonera oku murhanda, nyankekwo bihadu nka binga. Amabêre gâwe gabè nka nsisi za muzâbîbu, n’obwehe bw’omûka gwâwe buhumule nk’irehe linjà;

Lwimbo 8:7

Amîshi galuge kurhi, garhazimiza buzigire, nanga obuzigire burhahêkwa na lwîshi. Owahâna ebiri omu mwâge byoshi mpu agule enzigi, kagayo kwône akayungukamwo.

Izaya 50:6

Abanshurhaga nabarhezire ebirhugo, n’abangûgulaga obwânwa nabarhega amarhama. Ababakag’injâcira n’abakâg’intwîra ebusù ntaderhaga nti nabayâsa amalanga gâni.

Izaya 52:14

Nka kulya banji barhemukaga erhi bamubona, bulya obusù bwâge burhaciri nka bwa muntu n’enshusho yâge erhaciri nka ya mwene-Adamu,

Daniyeli 8:18

Oku anacidwîrhe andesa nieshi nahirima n’entemu, narhimba ak’amalanga oku idaho; ci ampumakwo, anashubinyîmanza ahôla nanali.

Zakariya 4:1

Malahika walirhumirwe okunderheza ayish’insîsimula nka kula batula omuntu omu îrò.

Mateyo 7:8

Bulya ngasi ohûna, anahâbwe; na ngasi olonza, anarhôle; n’okomamba oku lumvi, anayigulirwe.

Mateyo 8:17

Na ntyo akanwa k’omulêbi Izaya kayunjula, bulya àli erhi adesire, mpu: Ayansire obuzamba bwîrhu anabarhula endwâla zîrhu.

Marko 1:35

Erhi kuca, azûka sêzi mucêracêra, akanya acîjira aharhali bantu, aj’ishengeraho.

Luka 22:44

Omu kugogomerwa n’oburhè, ashenga, alushîsa, n’entubano yâge yâbà nka ntonyi za mukò zàkâg’irhogera oku idaho.

Luka 6:12

Mw’ezo nsiku, arheremera oku ntondo, aj’ishenga; alâla ashenga Nyamuzinda obudufu bwoshi.

Luka 9:32

Petro n’abâbo erhi bazidohîrwe n’îrò. Erhi basinsimuka, babona irenge lyâge, na balya bantu bo­mbî bayimanzire bo naye.

Yowane 10:4

Nka bikola biri emuhanda, anabilongolera nnabyo, n’ebibuzi binamuyishe omu nyuma, bulya biyishi izù lyâge.

Bagalasiya 2:20

arhanaciri nie nzîne, ci Kristu ye ozîne, muli nie. N’obûla buzîne ngwêrhe buno omu mubiri, buli buzîne ngwêrhe omu kuyêmêra Mugala wa Nyamuzinda wanzigiraga anacihâna erhi nie ntuma.

Befezi 5:14

Co cirhuma baderha, mpu: «Tulûka, weri îrò, zûka omu bafù, Kristu âkumolekera».

Mafulûlo 14:4

Abôla bo balya barhacîhemulaga n’abakazi: bâli bala­mbà. Bo bakulikira Omwâna-buzi ngasi aha anajîre hoshi. Bo balya bashomôlwîrwe omu karhî k’abandi bantu, bacîshogwa mpu babè mwâka muhyâhya gurhûzirwe Nyamuzinda bo n’Omwâna-buzi.

Mafulûlo 3:20

Alà oku nyimanzire aha lumvi, nandwîrhe nakomamba. Hakajira owayumva izù lyâni akananyigulira, nanajà omu mwâge, bijingo ndîremwo haguma naye, naye alîre haguma nâni.

Mafulûlo 3:4

Ci kwônene aha Sardi ogwêrheho bantu baguma barhazinzagya emyambalo yâbo. Abo, nêci, bayish’igenda haguma nâni omu myambalo myêru, bulya bakukwânîne.