Lwimbo 5:1 - BIBLIYA NTAGATIFU OMU MASHI

¹ Namâjà omu busâne bwâni, wâni mwâli wîrhu, mukazi wâni; nkola ndwîrhe nahumbûla obukù bwâni n’amashahi gâni, ndwîrhe nalya omuke gwâni n’obûci bwâni, ndwîrhe nanywa idivayi lyâni n’amarhà gâni. Cinyweri bîra bâni, munywe mulaluke, barhonyi bâni.

Lwimbo 5:1 ပူးပေါင်းရင်းမြစ်များ

Murhondêro 37:25

Oku bundi babwârhala mpu bayikule; oku bayinamula amasù, balangîra omuzinzi gw’Abaismaeliti barhengaga e Galadi. Engamiya zâbo zàli zidwîrhe ecizibwe, obukù n’amanukato, babihêkaga e Mîsiri.

Ennanga 147:11

Nnâmahanga ashagaluka erhi abamurhînya barhumire erhi abacìkuhagira obwinjà bwâge bàrhuma.

Ennanga 16:3

Abimâna bali omu cihugo, bo Nnâmahanga arhonya.

Migani 24:13

Okazirya oku bûci mwâna wâni, bulya bubà bwinjà, n’ebigukulu hy’obûci hirhahimwa kununa omu kanwa.

Migani 9:5

erhi: «yisha olye oku mugati gwâni, onywe n’oku irivayi nakandaga».

Muhanûzi 2:5

Njira amasâne n’emirhi y’amalehe, ntà mulehe ntahiragamwo.

Lwimbo 1:13

Omuzigirwa wâni hiri hirhù hya bukù, hidekerire aha karhî k’amabêre gombi.

Lwimbo 4:16

Yimuka, kaboho-boho k’ekulî. Yimuka, kaboho-boho k’emahanga, shungurhira omu busâne bwâni, buyenge amavurha minjà! Omuzigirwa wâni ajè omu busâne bwâge, ayumve obununu bw’amalehe gamuli.

Lwimbo 4:8

Nj’eno orhenge e Libano, mukazi wâni, nj’eno orhenge e Libano, ja omu nyumpa. Oyimange oku ntondo ya Amana olole bwandagala, n’oku ntondo ya Seniri na Hermoni, lukunda lwa ngoromora ntondo za bakapiri.

Lwimbo 6:11

Nayandagalira omu busâni bw’amalehe nti ndole oku emburho yamera omu lubanda, nti ndole oku emizâbîbu yashabuka nti ndole erhi emirehe ekola yâyâsa.

Lwimbo 6:2

Omuzigirwa wâni ayandagalîre omu busâne bwâge, omu mivungiro yahumula bwinjà, kulonza mpu ayâbulire obusò bwâge omu busâne, anahumbûle obwâso bwa Lisi.

Lwimbo 8:1

Ocibâga mushinja wîrhu, olya wayonkaga ibêre lya nyâmà! Singa amango nkubuganyire embuga nanakuhôbera abandi barhanangaye.

Lwimbo 8:13

Nâwe wabêra omu masâne, abirhu badwîrhe bakuyumva. Nâni, obè nka walinyumvîsa! izù lyâwe!

Izaya 23:18

Ci obu­nguke bwâge n’oluhembo lwâge byakayîsh’irherekêrwa Nyakasane: birhakalundikwa birhakanabîkwa muhako, ci obuyunguke bwâge bwakuhâbwa balya bayôrha babà emalanga ga Nyakasane, lyo babona eci balya bayigurhe n’emyambalo y’obulimbi.

Izaya 5:1

Nkola nayimbira omwîra wâni olwimbo, lwo lwimbo omuzigirwa wâni ayimbiraga olukoma lwâge lw’emizâbîbu. Omuzigirwa wâni ali agwêrhe olukoma lwâge lw’emizâbîbu oku mwandagalo gw’entondo eyêra bwenêne.

Izaya 51:3

Nêci, Nyakasane ababalîre Siyoni, ababalîre ebigûkà byâge byoshi. Irungu lyâge alijira aka Edeni, n’idaho lyûmu alihindula ishwa lya Nyakasane. Bâbonamwo obushagaluke n’amasîma; bâkaz’ivugiramwo omunkwa n’okuzihiramwo ennanga.

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Izaya 58:11

Nyakasane ânakaz’ikushokolera ngasi mango ânakuyiguse omu irungu; anakomeza amavuha gâwe, obè nk’ishwa lidômerîrwe na nk’iriba lirhahubamwo mîshi.

Izaya 61:11

Nêci, kulya idaho lifunûnukamwo emburho na kulya ishwa limeramwo emburho, kwo Nyakasane Nyamubâho ameza obushinganyanya n’obukuze embere z’amashanja.

Izaya 65:13

Co cirhumire aderha ntyâla Nyakasane Nyamubâho; Alà oku abarhumisi bâni bâbona eci balya oku mw’oyo mwâhungumuka n’ishali! Alà oku abarhumisi bâni bâbona eci banywa oku mw’oyo mwafà n’enyôrha! Alà oku abarhumisi bâni bahama n’omwîshingo oku mw’oyo enshonyi zammubumba!

Izaya 66:14

Mwabona okwôla, omurhima gwinyu guyunjule mwishingo; amavuha ginyu, nka kula olubala luyâsa, kwo nago gayâsa. Okuboko kwa Nyakasane kwamanyisibwa omu barhumisi bâge, n’obukunizi bwâge omu bashombanyi bâge.

Mateyo 25:40

Mwâmi naye ayish’ibashuza, ababwîre, erhi: «Okuli, mmubwîre, ngasi kantu mwajirîre muguma muli abà balumuna bâni barhôrhô, niene mwakajirîre».

Luka 12:4

Mwe bîra bâni, mmubwîzire nti murhayôbohaga abantu bayîrha omubiri, n’enyuma ly’aho babule ecibankashub’ijira.

Yowane 3:29

“Ogwêrhe omuhya erhi muhya-mulume; ci omwîra w’omuhya-mulume, omuyimangira n’okumuyumva, anasîme akayumva izù ly’omu­ hya-mulume”. “Ogwo gwo mwishingo gwâni, na buno gukola guli mwimâna”.

Ebijiro 11:29

Obwo, abaganda banacihiga mpu ngasi muguma, nk’oku anahashire, arhumire bene wâbo b’e Yudeya oburhabâle.

Befezi 5:18

Murhahîra mukalaluka amamvu, bulya ly’iriba ly’eby’enshonyi; ci muyunjule Mûka Mutagatîfu.

Mafulûlo 22:17

Mûka n’Omuhya bàdesire, mpu: «Yisha!» Oyumvîrhe naye aderhe, erhi: «Yisha!» N’oli nyôrha ayishe, n’olonzize ayanke amîshi g’obuzîne buzira kugagula.

Bacîranuzi 14:11

Ci ebwa kubà bakazâgimurhînya, banacirhôla bâna ba misole makumi asharhu mpu babêre naye.

Bacîranuzi 14:20

Oyo mukà Samusoni ayankwa n’omwâna wali mushongwe wâge.