Lwimbo 4:6 - BIBLIYA NTAGATIFU OMU MASHI

⁶ Oku emboho y’obuce erhacishungûrha, n’oku omwizimya gurhacihirigirha, nâbà najà oku ntondo y’obukù n’oku ntondo y’obubâni.

Lwimbo 4:6 ပူးပေါင်းရင်းမြစ်များ

Ennanga 66:15

Nterekêro za bibuzi bitwedu nakurhûla, haguma n’omusingu gwa luganda-buzè: mpanzi nakubàgira haguma n’empene z’ebihebe.

Lubungo 20:24

Oyîsh’inyubakira oluhêrero lw’obudaka wakârherekêrakwo embâgwa n’enterekêro zâwe z’omurhûla, ebibuzi n’enkafu zâwe na ngasi bantu nânamanyise izîno lyâni, nâyisha ah’oli nkugishe.

Lubungo 30:8

N’amango Aroni akola ayâsa orhumole câjîngwè, analutumbûkizakwo enshangi, eri nshangi ya nsiku n’amango embere za Nyakasane, kurhenga oku iburha kujà oku lindi.

Lubungo 37:29

Ajira amavurha matagatîfu gw’okushîga abadâhwa, n’omugavu gulimwo enshangi gwahûmula bwinjà, mukolo gwa muvanganya mulenga.

Lwimbo 2:17

Oku emboho y’obuce erhacishungûrha, n’oku omwizimya gurhacihirigirha, ogaluke… Muzigirwa wâni obè nka kashafu nka mutwîra gwa kashafu omu ntondo z’Ecihango.

Lwimbo 3:6

Lêro cici cira casôka omu irungu nka mugî mulî-mulî, nka mûka mudûrhu gwa bukù, obubâni n’amalâshi g’ekulî goshi!

Lwimbo 4:14

Aha mirhi y’esindani yahûmula bwinjà, aha y’obukù n’eya amashahi, ebisheke n’e kinamomi, emirhi y’e Libano yoshi emirhi y’amanemane n’eya olowesi, na ngasi hyasi hihûmula bwinjà.

Lwimbo 8:14

Yâka, Muzigirwa wâni obè nka kashafu, nka mutwîra gwa kashafu kalume, oyâkire oku ntondo z’amalâshi!

Izaya 2:2

Kwânacibe, omu nsiku zayisha, entondo y’aka-Nyamuzinda yâhirwa enyanya y’ezindi ntondo, erhaluke orhurhondo rhwoshi. Amashanja goshi gayish’ikâshubûkira emunda eri.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Malakiya 4:2

Ci kuli mwe, murhînya izîno lyâni, izûba ly’obushinganyanya lyâbasha, limmulerhere obucire. Mwâyishijà mwâhama n’omwîshingo nka manina ga mitwirà.

Luka 1:78

omu lukogo lw’omurhima gwa Nyamuzinda wîrhu lwarhulerhera Izûba lyarhenga enyanya,

2 Petro 1:19

Ntyo rhusêzire kulusha oku kanwa k’abalêbi, kunali kwinjà mukalole nka kamole kamoleka ahantu hali omwizimya, kuhika lukula arhande n’enyenyêzi y’esêzi elangashane omu mirhima yinyu.

1 Yowane 2:8

Ci liri n’irhegeko lihyâhya mmuyandikîre, -n’okwôla kubonekîne muli ye na muli mwe, - bulya omwizimya gwahirigisire, n’obumoleke bw’okuli bukola budwîrhe bwamoleka.

Mafulûlo 22:16

Niene Yezu nie narhumaga Malahika wâni nti ammubwîre ebyo binwa biyêrekîre ezo Ekleziya. Niono ndi muzî ndi na bûko bwa Daudi; nie nyenyêzi y’esêzi yalangashana.

Mafulûlo 5:8

Erhi abà amâyanka ecitabu, zirya Nsimba ini na balya Bagula makumi abiri na bâni bacîkwêba oku idaho embere z’Omwâna-buzi, erhi bafumbasire ngasi muguma olulanga n’orhubêhè rhw’amasholo rhuyunjwîre mavurha ga mugavu; ezo zo nsengero z’abatagatîfu.