Lwimbo 3:1 - BIBLIYA NTAGATIFU OMU MASHI

¹ Aha ngwîshîre, budufu, namàlonzagya omuzigirwa w’omurhima gwâni, namâlonzagya ci lêrhaga!

Lwimbo 3:1 ပူးပေါင်းရင်းမြစ်များ

Ennanga 22:2

Yâgirwa Nyamuzinda, Nyamuzinda wâni, kurhi wandekêrîre? Oli kuli n’omusengero n’omulenge gw’izù lyâni.

Ennanga 4:4

Ci mumanye bwinjà oku Nyamuzinda àjirîre omurhonyi wâge ecirhangâzo, nkamulakira, Nyakasane anayumve izù lyâni.

Ennanga 6:6

Bulya ntâye ofîre wankacikuyibuka ndi wankakukuza kurheng’e kuzimu?

Lwimbo 1:7

Mbwîraga mâshi Muzigirwa w’omurhima gwâni: ngahi wayâbulira obusò? Ngahi waziyahula hano zirhenga omu izîko? Lyo ntagija nageragera nka cirala emunda amasò g’abinyu gayabukire.

Lwimbo 5:6

Nti nayigulira Muzigirwa wâni, kusiga agalusire arhaciboneka! Okugenda kwâge kwarhuma narhibuka omurhima. Namulonzize ci ntacimubwîne, namuhamagîre ci arhacishuzize.

Lwimbo 5:8

Banyere b’e Yeruzalemu, mwe mukasinga, bici mwabwîra Muzigirwa wâni mukamubona? Nalwâzire endwâla y’obuzigire

Izaya 26:9

Omurhima gwâni we gucîfînja budufu, n’omûka gundimwo we gulongereza. Bulya amango otwîra igulu emmanja, lyo abantu b’en’igulu bamanya obushinganyanya.

Izaya 55:6

Mulongereze Nyakasane oku aciri aboneka, mumushenge oku aciri hôfi.

Luka 13:24

Anacibashuza, erhi: «Mucîsêze okugerera omu muhango mufù­nda; bulya, mmubwîre, banji bayish’ilonza okugera barhanahashe.

Yowane 11:29

Mariya erhi ayumva okwo, anacibaduka ho na halya, ajà emunda Yezu àli.

Yowane 21:17

Amudôsa obwa kasharhu, erhi: «Simoni, mwene Yowane, k’onzigira?» Petro alumwa erhi ayumva amudôsa kasharhu, erhi «K’onzigira?» Anacimubwîra, erhi: «Yâgirwa, oyishi byoshi, orhahabiri oku nkuzigira». Yezu amubwîra, erhi: «Yabula ebibuzi byâni».

1 Petro 1:8

Mumuzigira murhanasâg’imulolakwo; mumuyêmêra n’obwo murhasâg’imubona, n’omwîshingo gwinyu gurhankaderhwa gunayunjwîre irenge,