Lwimbo 2:14 - BIBLIYA NTAGATIFU OMU MASHI

¹⁴ Ngûkù yâni nfulike omu migâku y’olukunda, omu ngobe y’amabâle, nyêreka obusù bwâwe, nyumvîsa izù lyâwe, bulyâla omulenge ojira gurhajira wundi, n’iranga lyâwe kwo na kwo.

Lwimbo 2:14 ပူးပေါင်းရင်းမြစ်များ

Ayubu 9:16

N’erhi nakamuyâkûza akashuza, ntacîkêbirwi oku ankayumvîrhiza izù lyâni!

Ennanga 110:3

Mpu: «Kurhenga okuburhwa kwâwe oli n’obukulu omu bulangashane bw’obutagatìfu: niene nakuburhaga embere z’omucêracêra nka lumè.»

Ennanga 22:3

Yâgirwa Nyamuzinda wâni, namâlaka omulenge mûshi, orhananyumvîrhîzi, nnandwîrhe nalira budufu, orhanatwa ihuzihuzi.

Ennanga 45:11

Mwâli wâni yumva nkubwîre, alole bwinjà onarhege okurhwiri; orhacikengêraga ab’emwinyu, orhacikengêraga n’enyumpa ya sho.

Ennanga 45:12

Wâbona oku mwâmi àyâgalwa n’iranga lyâwe: ye kola nnawinyu; omushige bwinjà.

Ennanga 50:23

Ye nsîmîsa omuntu obâga enterekêro y’okunkuza, n’omuntu oshimba enjira nnungêdu ye nayêreka oku Nyamuzinda kuciza aciza.»

Ennanga 68:13

Abâmi n’abalwî bâbo bàkûla idârhi, bàyâka. Embuguma zàsigala ekâ zagabâna ebi abalwî bàshokôlaga.

Ennanga 74:19

Engûkù yâwe omanyâge wankayihâ lubakâ, n’omûka gwa bambali bâwe orhaguyibagiraga bujayo!

Lubungo 3:6

Ashubiderha, erhi: «Nie Nyamuzinda wa sho, Nyamuzinda w’Abrahamu, Nyamuzinda w’Izaki, Nyamuzinda wa Yakôbo.» Mûsa acîhundikira obusù, bulya ali ayôbohire okulolakwo Nyamuzinda.

Migani 15:8

Kuli Nyakasane enterekêro y’enkola-maligo, bishwêka, ci omusengero gw’entagengwa bwenêne agurhonya.

Lwimbo 1:15

-Alà nka wayinjiha, Muzigirwa wâni, alà nka wayinjiha! Amasù gâwe ziri ngûkù

Lwimbo 1:5

Ndi mwîru ci ndi mwinjà, wâni mwe banyere b’e Yeruzalemu, kwo ndi aka amahêma g’e Kedari, aka ebihando by’e Shalma.

Lwimbo 1:8

Akabà orhamanyiri wâni namwinja w’abakazi boshi, okulikire enshando z’obusò onayabulire abâna-hene bâwe entambi z’ebwa bigala by’abangere.

Lwimbo 5:2

Ngwîshîre ci omurhima gwâni guzîne. Namâyumva Muzigirwa wâni akomomba oku lumvi: Nyigulira mâshi mwâli wîrhu, mukazi wâni, mâshi ngûkù yâni, mâshi Mwinjà-Muzira-ishembo. Kali irhwe linyunjwire lumè, emviri zinyunjwire mirhonyi ya budufu.

Lwimbo 8:13

Nâwe wabêra omu masâne, abirhu badwîrhe bakuyumva. Nâni, obè nka walinyumvîsa! izù lyâwe!

Izaya 2:21

bâcîjire omu nkunda z’enyâla n’omu myongobana y’amabuye erhi bwôba bwa Nyakasane n’obw’omulazo gw’irenge lyâge burhuma, amango anayimuke mpu ageze igulu mw’omusisi.

Izaya 51:3

Nêci, Nyakasane ababalîre Siyoni, ababalîre ebigûkà byâge byoshi. Irungu lyâge alijira aka Edeni, n’idaho lyûmu alihindula ishwa lya Nyakasane. Bâbonamwo obushagaluke n’amasîma; bâkaz’ivugiramwo omunkwa n’okuzihiramwo ennanga.

Izaya 6:5

Nanaciderha obwo, nti: «Namâjâkwo obuhanya! Lêro namâhera! Bulya ndi muntu wa kanwa kazinzire, olubaga mbâmwo luli lwa kanwa kazinzire. n’amasù gâni ganabul’isinza­ kwo Mwâmi Nyamuzinda w’Emirhwe!»

Izaya 60:8

Bo bahi bala bayisha bayêrera emalunga nka bitù, bajà babalala nka ngûkù ziyêrekîre ebwa nyôgo zâbo?

Yeremiya 48:28

Rhengi omu bishagala, mujihanda omu nyâla, mwe bantu b’e Mowabu! Muyig’engûkù yo engendiyûbakira olwôgo lwâyo oku munwa gw’entuli.

Yeremiya 49:16

Wakagiyôbohya abantu boshi, wakazicîkebwa mpu oli mukulu bwenêne kubalusha cikwône kurheba wakagicîrheba. We bêra omu lwâla­ lw’amabuye, wâmanana oku masongerwe g’entondo, ciru akabà wajirimanika olwôgo lwâwe enyanya bwenêne nka lw’ikozi, nâkubungulula eyo munda». Kwo Nyakasane adesire ntyo.

Ezekiyeli 7:16

Abankaderha mpu bayâka bakola bayâkira oku ntondo, nka ngûkù zarhenga omu rhubanda, nâyish’ibanigûliza eyôla munda boshi, ngasi muguma erhi mabî gâge garhuma.

Daniyeli 9:7

Yâgirwa Nyakasane kuli we obushinganyanya, na kuli rhwe, obusù buyunjwîre nshonyi nk’oku onabwîne kuli rhwe ene. kwo binali oku bantu b’e Yûda, oku bantu b’e Yeruzalemu n’abà omu Israheli boshi, oku bantu bali hôfi n’abâli kuli muli birya bihugo wabakungushiraga erhi bugoma n’amabî bakujiriraga garhuma.

Abudiya 1:3

“Obucîbone bwâwe bwakurhebire, we bà omu lwâla, we jira amalunga cirâlo câwe, we derhera emurhima, erhi: Lêro ndi wakampira oku idaho?”

Mateyo 10:16

“Mubwîne oku mmurhumire nka bâna-buzi omu karhî ka bacihazi. Mubè bîrhonzi nka njoka na bîrhôhye nka ngûkù”».

Mateyo 3:16

Erhi Yezu ayûs’ibatizibwa, arhenga omu lwîshi. Aho honênè, amalunga gayîguka: anacibona Omûka gwa Nyamuzinda gwamuyandagalira omu nshusho y’engûkù, yamujakwo.

Befezi 5:27

Bulya alonzagya Ekleziya yâge ebè cirangashana, erhagwêrhi izâbyo, erhi migunye-migunye, nîsi erhi bindi bya bene ebyo, ci ntagatîfu na nyêru-kwêru.

Bakolosi 1:22

lêro bunôla ashubir’immujira bîra bâge omu mubiri gw’Omugala, erhi afà, mpu lyo mubonekana batagatîfu, bêru-kwêru na banwererwa omu masù gâge,

Bahabraniya 10:22

rhuyegerage n’omurhima gurhalimwo bulyâla omu buyêmêre bwimâna; emirhima yîrhu ecêsibwe ngasi bubî buyirimwo, n’emibiri yîrhu eshukwe n’amîshi gashongwîre.

Bahabraniya 4:16

Kuziga rhuyegere n’obulangâlire entebe y’obwonjo, lyo rhubêrwa lukogo rhunashobôle enshôkano y’oburhabâle bukwânîne.

1 Petro 3:4

ci kubè omu ndubi y’omurhima gwinyu, omu malimbo garhankahash’isherêra g’entimanya ziyunjwîre butûdu n’omurhûla; n’okwo kwo kujira akamalo omu masù ga Nyamuzinda.

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!

Mafulûlo 5:8

Erhi abà amâyanka ecitabu, zirya Nsimba ini na balya Bagula makumi abiri na bâni bacîkwêba oku idaho embere z’Omwâna-buzi, erhi bafumbasire ngasi muguma olulanga n’orhubêhè rhw’amasholo rhuyunjwîre mavurha ga mugavu; ezo zo nsengero z’abatagatîfu.