Lwimbo 2:12 - BIBLIYA NTAGATIFU OMU MASHI

¹² Omu ishwa lîrhu emyâka ekola yayâsa. Amango g’enyimbo z’obusîme gahisire, enyimbo z’engûkù zidwîrhe zashakanya omu ishwa lîrhu.

Lwimbo 2:12 ပူးပေါင်းရင်းမြစ်များ

Murhondêro 15:9

Anacimushuza, erhi: «Kanyagya ondêrhere endaku ya myâka isharhu, empene ya myâka isharhu, engandabuzi ya myâka isharhu, orhôle n’empingà n’ecananyunyi c’engûkù».

Ennanga 74:19

Engûkù yâwe omanyâge wankayihâ lubakâ, n’omûka gwa bambali bâwe orhaguyibagiraga bujayo!

Ennanga 89:15

Okushinganyanya n’okurhalyalyanya, co ciriba entebe yâwe edêkerîrekwo. oburhonyi n’oburhabêsha bo baganda bakushokolîre.

Lwimbo 2:11

Lâba oku empondo yagezire, ensiku z’emidumbi zahwire, zagenzire.

Lwimbo 6:11

Nayandagalira omu busâni bw’amalehe nti ndole oku emburho yamera omu lubanda, nti ndole oku emizâbîbu yashabuka nti ndole erhi emirehe ekola yâyâsa.

Lwimbo 6:2

Omuzigirwa wâni ayandagalîre omu busâne bwâge, omu mivungiro yahumula bwinjà, kulonza mpu ayâbulire obusò bwâge omu busâne, anahumbûle obwâso bwa Lisi.

Izaya 55:12

Nêci, mwâgenda muyunjwire bushagaluke munaje nwayêrekwa enjira y’omurhûla; entondo n’orhurhondo byâkaz’immukomera kagasha, n’emirhi yoshi y’erubala ekûbize.

Yeremiya 8:7

Ciru na nyakadekere nk’ali emalunga, ayishi akasanzi kâge, Akafunzi, ehiremberembe n’omuhangâli, biyishi amango gâbyo g’okubunga. Olubaga lwâni lwôhe lurhishi obushinganyanya bwâni.

Bakolosi 3:16

Oluderho Lwa Kristu lusêre bwenêne omu mirhima yinyu. Mukaz’ilubwirizanya, munakaz’ihanûlana n’obushinganyanya. N’omurhima gwinyu gwoshi mukâyimbira Nnâmahanga ennanga, ebîtakîro n’enyimbo z’obunya-mûka, munakamuvuga omunkwa.