Lwimbo 1:3 - BIBLIYA NTAGATIFU OMU MASHI

³ Amavurha ocîshizire alà nka gahumula bwinjà! izîno lyâwe ciru lyône, mavurha gadubuka, co cirhuma abanyere bakusîma.

Lwimbo 1:3 ပူးပေါင်းရင်းမြစ်များ

Ennanga 133:2

Kwo kuli nka kula banadêkereza ensholo y’amavurha okw’irhwe, gahonere omu bwânwa, omu bwânwa bwa Aroni, gayandagalire omw’igosi ly’omushangi gwâge.

Ennanga 45:14

Mucîlange, mwâli wa mwâmi oyôla oyishire: mwinjà mwinjà! Emishangi ayambîrhe ya masholo.

Lubungo 33:12

Mûsa abwîra Nyakasane, erhi: «Alaga oku wamambwîra, erhi: Yinamulaga olubaga, ci orhammanyisizi ndi orhumire wagenda rhwe naye, n’obwo wênene waderhaga, erhi: “Nkumanyîre oku izîno lyâwe”, na kandi, erhi: “Ôbà murhonyi omu masù gâni”.

Lubungo 33:19

Nyakasane àmushuza, erhi: «Nageza aminjà gâni goshi embere zâwe, nnanyakulize izîno lya Nyakasane embere zâwe. Mbabalira oyu nnonzize okubabalira, nnambêra lukogo oyu nnonzize okubêra lukogo!»

Migani 27:9

Amavurha gabaya bwinjà kushagalusa gashagalusa omurhima, nakwo okujira omwîra nkana kunabombêze omurhima.

Muhanûzi 7:1

Izîno lyo likulu oku mavurha g’engulo ndârhi; n’olusiku lw’okufà lwo lukulu aha lusiku lw’okuburhwa.

Lwimbo 3:6

Lêro cici cira casôka omu irungu nka mugî mulî-mulî, nka mûka mudûrhu gwa bukù, obubâni n’amalâshi g’ekulî goshi!

Lwimbo 4:10

Alà nka kwasîmîsa okusîmwa nâwe, wâni mwâli wîrhu, mukazi wâni! Alà nka kwanuna okusîmwa nâwe… agandi mavurha gacîhambage!

Lwimbo 5:13

Amarhama gâge nka malingo ga mubono-bono, nka ntondo za bukù. Akanwa kâge nka bwâso bwa lisi, amavurha gayenga garhabamwo izâbyo.

Lwimbo 5:5

Nti nazûka, nti nyigulire Muzigirwa wâni, enfune zâni zamayunjula mavurha, eminwe yâni namârhonya mavurha mangu! oku kahamikizo k’olumvi.

Lwimbo 6:8

Abagoli bali makumi-gali ndarhu, abakazi baherula bali makumi gali munâni, n’abâna-nyere (barhaganjwa) mwandu.

Izaya 61:3

ndêrhere abâli aha Siyoni omwîshingo, mbayambise ecimanè ahâli h’oluvù, mbashîge amavurha g’obushagaluke ahâli h’omwambalo gw’emishîbo, mbayambise omwenda gw’olusiku lukulu ahâli h’omurhima gwarhanya. Bâyish’ikaderhwa mitudu y’obushinganyanya, ndimiro y’irenge lya Nyakasane.

Mateyo 25:1

Obwâmi bw’empingu bwayish’ishushana banyere ikumi barhôlaga orhumole rhwâbo mpu baj’ishimâna omuhya-mulume n’omuhya.

Yowane 12:3

Mariya anaciyanka enjebe y’amavurha g’omugavu gw’engulo ndârhi, arhondêra agashîga Yezu oku magulu anagahôrhola n’emviri zâge; enyumpa yoshi yayunjula kìsûnunu.

2 Bakorinti 11:2

Bulyâla okuyâgala munyâgîre kuli kuyâgalwa kwa Nyamuzinda. Kulya kubà nammuhîre mulume muguma yênene, nka mwâna w’obunyere orhashubig’ihumwakwo w’okuyêreka Kristu.

Bafilipi 4:18

Bunôla ngwêrhe ebikwânîne byoshi, ciru na kulusha. Ndi muhirhi kurhenga erhi Epafroditi ampisakwo entûlo yinyu, ogwo mugavu gw’akasununu kinjinja, eyo nterekêro Nnâmahanga ayankirira anasîmîswa nayo.

Mafulûlo 14:4

Abôla bo balya barhacîhemulaga n’abakazi: bâli bala­mbà. Bo bakulikira Omwâna-buzi ngasi aha anajîre hoshi. Bo balya bashomôlwîrwe omu karhî k’abandi bantu, bacîshogwa mpu babè mwâka muhyâhya gurhûzirwe Nyamuzinda bo n’Omwâna-buzi.