Lushika 9:2 - BIBLIYA NTAGATIFU OMU MASHI

² Libà ishanja linene, banabà balî-balî ba-Anakimu. Obayishi, wayumvîrhe babaderha, mpu: «Ndi wakahagalika ba-Anakimu?»

Lushika 9:2 ပူးပေါင်းရင်းမြစ်များ

Ayubu 11:10

Erhi akapàmuka mpu akola ashwêka igulu n’okulisambisa, ndi ciru wankamurhanga?

Lubungo 9:11

Abakurungu bayabirwa okubêra embere za Mûsa erhi ago mahurhe garhuma, bulya abakurungu n’Abanya-Mîsiri boshi bàli bayunjwîre mahurhe.

Daniyeli 11:16

“Owali murhabalîre âjira kuli ye oku analonzize, na ntâye wacîshomya okumurhanga. Aj’iyûbaka omu karhî k’ecihugo anacishande nk’o­ku analonzize”.

Daniyeli 8:4

Nanacibona eyôla ngandabuzi yarhangira okutumirha n’agôla mahembe olunda lw’ebuzikira-zûba n’olunda lw’emwênè n’olunda lw’emukondwè. Ntà yindi nsimba yadesire mpu yankayihima na ntà muntu wankadesire mpu akola agend’ilikûza eyôla nsimba; eyôla ngandabuzi yakagijira oku enalonzize, yanaja yayûshûka omu buhashe bwâyo.

Amosi 2:9

N’obwo naherêrekezagya Abamoriti embere zâbo, omujunja gwâbo gwàli nk’ogw’enshûngurhi n’emisî yâbo nka ya mwabira-njovu. Naherêrekeza amalehe gâge enyanya, n’emizî yâge idako.

Nahumu 1:6

Obukali bwâge wâni! Ndi wankabulindira? Ndi wankafukunya amango adârhabîre? Obudârhi bwâge kwo buyâka nka muliro, n’amabuye ganashanguke embere zâge.

Mibalè 13:22

Basôka omu Nêgebu, bahika cingana e Hebroni, emunda Akimani, Sheshayi na Talmayi, bene Anaki bayûbakaga. Hebroni ayûbakagwa myâka nda embere lya Sowani w’e Mîsiri.

Mibalè 13:28

“Ci olubaga luyûbaka ecôla cihugo luli ludârhi, n’ebishagala byâbo biri bizibuzibu na binene bwenêne; ciru rhwanashimanyiremwo bene Anaki”.

Mibalè 13:33

“Ciru rhwabwinemwo balya bantu banene-banene, bene Anaki, bulya bûko bw’abantu bahamu bwenêne: rhwàli embere zâbo n’omu masù gâbo, nka mahanzi.”»

Lushika 1:28

Mpu yo ngahi eyo rhwasôkera? Bene wîrhu barhutwîre omurhima ene baderha, erhi: luli lubaga luzibu na lunji kurhulusha, erhi emirhundu yâbo eri miyûbakire buzibu-zibu n’ebyôgo byâyo bisokîre omu nkuba karhî, erhi ciru rhwanabwineyo Anakimu».

Lushika 2:21

lubaga lunene, lunji na lwa bantu balîrî aka Ba-Anakimi. Nyamubâho abahungumula omu masù ga Bene-Amoni, abo Bene-Amoni babahiva banayûbaka ecihugo câbo.

Lushika 7:24

Akufumbika n’abâmi bâbo, oherêrekcze amazîno gâbo hanôla idako ly’amalunga harhajire owaderha mpu ahagaza embere zâwe, kuhika boshi obamalîre.

Yozwe 11:21

Muli ago mango gonênè, Yozwè anaciyimuka, anacimalîra bene Anaki bayûbakaga omu ntondo, abayûbakaga e Hebroni, abayûbakaga e Debiri n’ab’e Anabi; amalîra abâli oku ntondo ya Yûda yoshi n’abâli oku ntondo y’Israheli yoshi. Yozwè abaherêrekeza n’engo zâbo zoshi.

Yozwe 11:22

Harhasigalaga Anakimi ciru n’omuguma omu cihugo ca bene Israheli coshi, bacisigîre aha Gaza, aha Gati n’aha Ashdodi honênè.

Yozwe 15:14

Kalebu anacihulusamwo bene Anaki oku banali basharhu, Sheshayi, Ahimani na Talmayi, boshi iburha ly’Anaki.