Lushika 8:16 - BIBLIYA NTAGATIFU OMU MASHI

¹⁶ Ye wakuyikulizagya omu irungu n’amâna, biryo basho barhayishi, kuderha mpu akujire mwîrhohye, mpu arhangikurhangula abulikujirira ebinja wâsima.

Lushika 8:16 ပူးပေါင်းရင်းမြစ်များ

Murhondêro 22:1

Enyuma z’aho, Nyamuzinda arhangula Abrahamu, amubwîra, erhi: «Abrahamu! Abrahamu!» Naye ashuza, erhi: «Ho ndi hano.»

2 Nganîro 32:31

Na Nyamuzinda arhaderhaga mpu amulikirira emw’abantu bakazâgirhumwa n’abanya buhashe b’e Babiloni mpu bayishimudôsa emyanzi ya cirya cisômerîne càbâga omu cihugo n’okumurhangula, lyo bamanya ebimubà omu murhima byoshi.

Ayubu 42:12

Nyakasane anacigisha ako kalamo kazinda ka Ayubu kulusha akarhanzi: ashwêka bibuzi bihumbi ikumi na binni, ngamiya bihumbi ndarhu, masô cihumbi ga nkâfu na ndogomi cihumbi.

Ennanga 119:68

Oyinjiha orhajîbwa omw’irhwe, onyigîrize nâni amarhegeko gâwe.

Lubungo 15:25

Mûsa anacilakira Nyakasane, naye Nyakasane àmuyêreka murhi muguma. Akweba ecihimbi cagwo omu mîshi, n’amîshi gàshuba minjà. Aho ho àbahêraga amarhegeko n’engeso bakaz’isimba. Aho ho àbarhanguliraga.

Lubungo 16:15

Erhi Bene-Israheli bàbona ebyo, bàdôsanya, mpu: «Mane hu?» (Byo bici ebi?). Bulya barhàli bamanyire biri bici. Mûsa ababwîra, erhi: «Gwo mugati gw’okulya Nyakasane ammuhîre ogwo».

Lubungo 16:31

Ebyo biryo, enyumpa y’Israheli yàbiyîrika izîno lya «Mâna.» Byàkâg’iyôrha nka mbeke, byàli byêru, byànagwêrhe obununu buli nka bwa bûci.

Lubungo 16:4

Nyakasane anacibwîra Mûsa, erhi: «Nkola nammuniekeza omugati gw’oku nkuba. Olubaga lwâkazihuluka, ngasi lusiku lurhôlogole ebiryo by’omulegerege, lyo ndurhangula, ndole erhi lwashimba amarhegeko gâni eri nanga.

Lubungo 20:20

Mûsa abwîra olubaga, erhi: «Murhayôbohaga! Bulya Nyamuzinda ayishire mpu amurhangule, lyo ecôbà câge cimmubâmwo, mulek’ikâgoma.»

Migani 17:3

Omuliro gurhangula amarhale, n’ecibêye amasholo. emirhima yôhe Nyakasane oyirhangula.

Daniyeli 11:35

Ba­guma omu bigîriza bâyish’irhiribuka, lyo bacêsibwa, barhangulwe banabè bêru-kwêru kuhika amango gahike, ebwa kubà hali amango gàjizirwe.

Barom 8:28

Kandi rhumanyire oku Nyamuzinda akolêsa byoshi oku minjà g’abamukunda, balya yêne ahamagîre oku bulonza bwâge.

2 Bakorinti 4:17

Bulya okwôla kulibuka hityungunu kwa hisanzi hitya kurhurheganyiza kulusha ngasi lugero omwandu gw’irenge ly’ensiku n’amango.

Lushika 13:3

cirya cimanyîso, erhi cirya cisômerîne cikaba nk’oku ànaderhaga, n’enyuma z’ahôla, akakubwîra erhi: «Rhucîshimbire abandi banyamuzinda, abà orhayishi, akanakubwîra mpu mubagashânize»,

Lushika 8:2

Okazikengera zirya njira zoshi Nyamubâho, Nyamuzinda wâwe akugezagyamwo omu irungu myâka makumi anni, mpu lyo akujira mwîrhohye, akurhangule anamanye eciri omu ndubi y’omurhima gwâwe: mpu alole erhi walanga erhi orhalange amarhegeko gâge.

Lushika 8:3

Akujizire mwîrhohye, akuyumvîsa ishali akuhà amanna walya n’obwo orhagayishi na basho barhagayishi; kulonza okukumanyîsa oku omuntu arhalama na mugati gwône, ci alama na ngasi hirhenga omu kanwa ka Nyamuzinda.

Yakôbo 1:12

Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.

1 Petro 1:7

na ntyo buyêmêre bwinyu - bugwêrhe ecitwîro kulusha amasholo barhangula obwinjà bwâgo omu muliro, n’obwo kusherêra gasherêra - buyish’ibà bukuze n’irenge linyu, bunarhume mwakengwa olusiku Yezu Kristu acîyêrekana.