Lushika 8:11 - BIBLIYA NTAGATIFU OMU MASHI

¹¹ Orhahîraga okayibagira Nyamubâho, Nyamuzinda wâwe, omu kubula bwashimba ebinwa byâge, amarhegeko gâge n’engeso zâge nkurhegesire ene.

Lushika 8:11 ပူးပေါင်းရင်းမြစ်များ

Ennanga 103:2

Murhima gwâni, kuza Nyamuzinda, ntà nshobôlo yâge oyibagirage.

Ennanga 106:21

Bayibagira Nnâmahanga wabacizagya, Nnâmahanga owabajiriraga ebisômerîne e Mîsiri!

Migani 1:32

Bulya obuhûrha bw’omuhwinja bunamuyîrhe, n’oburhashîbirira bw’ebingolo-ngolo bunabihezè.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Izaya 51:13

Wayibagîre Nyakasane wakulemaga, owabungulaga amalunga anasimika igulu; wakayôrha wa juguma omulegerege gwoshi erhi bukali bw’okakurhindibuza burhuma, bulya ko ali nk’odwîrhe wacirheganya okukuherêrekeza. Ci ngahigi buli obukunizi bw’olya odwîrhe akulibuza?

Yeremiya 23:27

Nkabaga izîno lyâni balonzize okuyîbagiza oluba­ga lwâni n’ebilôrho byâbo, ngasi muguma ajà abwîra owâbo, nka kulyâla b’îshe bayîbagiraga izîno lyâni erhi Baali orhuma.

Ben Levi 13:48

gukabà gundi mwambalo erhi ciru bulingiti bwa môya erhi bwa nondwè, gubè gwa luhù, erhi kandi kantu kajiragwa n’oluhù,

Malakiya 4:4

Mukengêre ebi mwambali wâni Mûsa àyigîrizize, mushimbe munabîkirire amarhegeko n’amahano namuhâga oku ntondo ya Horebu, nti abwîre olubaga lw’Israheli lwoshi.

Mibalè 15:39

Mwabà ntyo n’obushemberêre; omu kubulolakwo, mwanakengêra galya marhegeko ga Nyamubâho goshi lyo mugashimba; mumanye mwankakulikira enyifinjo z’emirhima yinyu erhi ez’amasù ginyu gakazimukululira ebwa kujira kubî.

Lushika 11:32

Mulange munashimbe amarhegeko goshi n’engeso muhugûlîre ene.

Lushika 4:1

Wâni Israheli, yumvagya amarhegeko n’engeso nakuyigîriza ene: kuderha nti mugashimbe lyo mulama munahike muli cirya cihugo Nyamubâho, Nyamuzinda wa basho amuhà mpu muciyanke cibè cinyu.

Lushika 4:5

Ka murhabwîni nioyu ndwîrhe namuyigîriza amarhegeko n’engeso nk’oku Nyamubâho, Nyamuzinda anarhegekaga, kuderha mpu mugashimbe hano muhika omu cihugo mwajiyanka.

Lushika 4:9

Ci kwône omanyage wakayibagira ebi binjà amasù gâwe gabwîne omanyage harhajiraga ciru n’olusiku luguma lw’akalamo kâwe waleka ebyo binjà byakurhenga oku murhima, ci kwône obiyigirize bagala bâwe n’abinjikulu bâwe erhikwo.

Lushika 6:11

omu nyumpa ziyunjwîre binjà bya ngasi lubero, arhanali we waziyunjuzagyabyo, hôfi n’amaliba orhali aha gahumbagwa, hôfi n’emizâbîbu n’emizêti orhali aha karhwêragwa, amango wabà wamalya wamanayigurha,

Lushika 7:11

Olangage ebinwa n’amarhegeko n’engeso zâni nkurhegesire ene, onazishimbage.

Lushika 8:14

omanye omuhimbo gwakanakuja emurhima. Ago mango omanye wakayibagira Nyamubâho, Nyamuzinda wâwe wakurhenzagya omu cihugo c’e Mîsiri, omu nyumpa y’obujà.

Bacîranuzi 3:7

Bene Israheli banacikulikiza okukazijira ebiri bigalugalu omu masù ga Nyakasane, bayibagira Nyakasane, Nyamuzinda wâbo, bakazikolera abazimu, ba Bali na ba Ashera.