Lushika 7:6 - BIBLIYA NTAGATIFU OMU MASHI

⁶ Bulyâla woyo, oli lubaga lwarherekîrwe Nyamubâho Nyamuzinda wâwe. We Nyamubâho Nyamuzinda wâwe àcîshozire mpu obè we lwâge lubaga omu mashanja goshi ganabà hano igulu.

Lushika 7:6 ပူးပေါင်းရင်းမြစ်များ

1 Bâm 3:8

Mwambali wâwe y’oyu omu karhî k’olubaga lwâwe, lubaga lurhamanyirwi omubalè, lurhankamany’igerwa erhi kuganjwa, bulya luli buvu.

Ezra 9:2

Kulya kubà bajir’isheberayo abakazi, kuli bo bônene n’oku bâna bâbo na ntyo olubaga lutagatîfu lwamacîshwêkera kuli ago mashanja g’ebyo bihugo n’amaboko g’abarhambo n’abatwî b’emmanja go gabire ga burhanzi omu kuhenya maligo ga bene ago.

Ennanga 114:2

Yûda lwashuba luhêro lwâge, Israheli bwashuba bwâmi bwâge.

Ennanga 135:4

Na bulyâla Nyakasane àcîshozire Yakôbo, Israheli gwo gwâge mwanya acîshozire.

Ennanga 50:5

Mpu: «mpamagaliri abemêzi bâni, mpamagaliri balya bànywânaga nâni bulya barherekêra.»

Lubungo 6:7

Nammuyankirira nka lubaga lwâni, nâni mbè Nyamuzinda winyu. Mwamanya oku nie Nyakasane, Nyamuzinda winyu, ommukûzire omu mikolo midârhi y’e Mîsiri.

Izaya 41:8

Ci woyo Israheli, murhumisi wâni, Yakôbo, mwîshogwa wâni, iburha ly’Abrahamu, mwîra wâni,

Izaya 41:9

we nagwârhaga kurhenga ebuzinda bw’igulu, nakuhamagala kurhenga omu bihugo by’ihanga, nakubwîra, nti: «Oli murhumisi wâni, nacikwîshozire, ntakulikiriraga!»

Izaya 6:13

N’erhi hankasigala cihimbi ciguma ca kali ikumi, nabo bânahungumuka! Ci nka kula omutudu n’omuhumbahumba bikatûbwa, ecigundu cinasigale, ntyo kwo ecigundu câyîsh’ibà mburho ntagatîfu.»

Izaya 62:12

Bâmikaz’iderhwa ‘Lubaga lutagatîfu’, ‘Abacungulagwa na Nyakasane’; nâwe wêne bâkâkuderha ‘Owakâg’ilongerizibwa’, ‘Lugo lukombêre’».

Yeremiya 2:3

“Israheli yali nterekwa ya Nyakasane, mburho ntanzisârûlwa, owakayirirekwo ali akwânîne ahonge: akâgirhibukirwa n’obuhanya, Kanwa ka Nyakasane”.

Ezekiyeli 20:5

Obabwîre, erhi: Ntyâla kwo adesire Nyakasane Nyamubâho. Olusiku nacîshogaga Israheli, nîsi erhi olusiku nalambuliraga okuboko ebwa obûko bw’enyumpa ya Yakôbo, nacîmanyisize kuli bwo omu cihugo c’e Mîsiri, nayinamulira okuboko kwâni kuli bwo naderha, nti: Nie Nyamubâho Nyamuzinda winyu.

Ben Levi 20:24

Co cirhumire mubwîzire oku mwe mukola mwayanka ecihugo câbo, nie nammuhaco cibè cinyu, ciri cihugo cihululamwo amarhà n’obûci! Nie Nyakasane, Nyamuzinda winyu wammuberûlaga ekarhî k’ago mashanja.

Ben Levi 20:26

Mubè bimâna embere zâni bulya ndi mwimâna, niono Nyakasane. Nâmmuberûla kuli ago mashanja lyo mubà bâni

Amosi 3:2

«Mwenene namanyire omu milala yoshi y’igulu, co cârhuma nammurhangula oku mabî ginyu goshi mwakozire.»

Malakiya 3:17

Nyakasane yêne okudesire, erhi: «Oku lusiku nteganyîze, bayîshiba buhirhi bwâni niene, nâbà wa lukogo kuli bo nka kulya omuntu alujira oku mwâna wâge omurhumikira».

Ebijiro 13:17

“Nyamuzinda w’olu lubaga lw’Israheli àcîshozire bashakulûza, olwo lubaga àluluza bwenêne erhi bali omu cihugo c’e Mîsiri. N’obuhashe bw’okuboko kwâge, àbarhenzayo”,

Barom 9:4

bo bene-Israheli: bo Nyamuzinda acîshozire mpu babè bâna bâge anayêrakane irenge lyâge muli bo; bo bahîrwe endagâno n’amarhegeko n’emigenzo y’okukolera Nyamuzinda n’eciragâne câge.

Lushika 14:2

Bulya woyo oli lubaga lwarhûzirwe Nyamubâho, Nyamuzinda wâwe, na Nyamubâho àcikwishozire omu gandi mashanja goshi gabà hanôla igulu, mpu obè ishanja lyâge.

Lushika 14:21

Murhankalya enyama z’omufîra. Wanayiha ecigolo ciri aha mwâwe ciyirye nîsi erhi oyigulize ow’embuga, bulya wêhe oli lubaga lwarhûzirwe Nyamubâho, Nyamuzinda wâwe. Orhahîraga okayendera omwânahene omu mahenehene ga nina.

Lushika 26:18

Naye Nyamubâho akukûziremwo aka kanwa, oku wâbà lubaga lwâge-lwâge, nka kulya anakubwîraga, casinga olange amarhegeko gâge goshi;

Lushika 26:19

naye anakulengeza olengerere enyanya ly’amashanja ajijire goshi, ogalushe lukengwa, izîno n’irenge onabè lubaga lwîshogwa lwa Nyamuzinda nka kulya yêne anakubwîraga.

Lushika 28:9

Nka kulyâla anacîgashaga yêne, Nyamuzinda akujira obè lubaga, nterekwa yâge, casinga olange amarhegeko ga Nyamubâho, Nyamuzinda wâwe onashimbe enjira zâge.

Lushika 33:3

We zigira bashakulûza, abatagatîfu boshi omu maboko gâwe banali, bali bafukamire aha magulu gâwe. Erhi bakûla omulindi erhi we badwîrhe

Lushika 4:20

Cikwône mwêhe, Nyamubâho àmuyansire amukûla omu luganda batulira ebyûma, e Mîsiri, mpu muhinduke lubaga mwanya gwâge nk’oku munali ene.

Lushika 4:37

Kubà ali azigîre basho, n’okubà acîshozire iburha lyâbo enyuma zâbo, kwarhumire akurhenza e Mîsiri anakuyêrekana okubâho kwâge n’obuhashe bwâge.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

2 Petro 2:5

akabà arhababaliraga abàli mîra, ci alanga Nûhu yênene, ye mujà-bugo w’obushinganyanya, bo na bandi bantu nda, okubundi anacilikira ecihonzi muli abo bantu babî;

2 Petro 2:9

kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja

1 Samweli 12:22

“Bulya arhankalekêrera oluhaga lwâge erhi izîno lyâge lirhuma, bulya Nyamubâho yênene ahîzire okumujira lubaga lwâge”.