Lushika 7:21 - BIBLIYA NTAGATIFU OMU MASHI

²¹ Orhadirhimanaga embere zâbo, bulya Nyamubâho, Nyamuzinda wâwe ali ekarhî kâwe. Ye Nyamuzinda mukulu n’owokuyôbohwa.

Lushika 7:21 ပူးပေါင်းရင်းမြစ်များ

2 Nganîro 32:8

Ye, ayîshirirhabâlwa n’okuboko kw’abantu, ci rhwono Nyamubâho yêne ye warhuhêka omu kulwa kwîrhu». Olubaga lwacîkubagira bwenêne ebyôla binwa bya Yezekiyahu mwâmi w’e Buyahudi.

Nehemiya 1:5

Nakaz’iderha, nti: «Mâshi Nyakasane Nyamuzinda w’empingu, Nyakasane ne wêne oli mukulu na w’okurhînywa, wêne olanga endagâno n’obwonjo emwa balya bakukunda n’okushimba amarhegeko gâwe.

Nehemiya 4:14

“Aha mwankanayumva babûhira omushekera, munayishe mweshi aha burhambi bwîrhu, Nyamuzinda wîrhu arhulwîra”.

Nehemiya 9:32

Na bunôla mâshi Yâgirwa Nyakasane Nyamuzinda wîrhu, we Nyamuzinda mukulu, Ogala-byoshi na wa kujugumya, we olanga endagâno yâwe bwinjà, orhalolaga ebintu bya busha busha, aga malumwa goshi garhujirekwo, rhwenene, abâmi bîrhu, abarhambo bîrhu, abadâhwa bîrhu, abalêbi bîrhu, ababusi bîrhu, n’olubaga lwâwe lwoshi kurhenga oku bâmi b’e Sîriya kuhika mwa zino nsiku.

Ennanga 27:1

Lwa Daudi. Nyakasane ye kamole ye na kucira kwâni: ndi naciyôboha? Nyakasane ye lwâkiro lwâni: ndi wampiramwo ecikango?

Ennanga 46:11

Lekeragi aho: mumanye oku niene nie Nyamuzinda, nie nkulire amashanja nie nkulire n’igulu.

Ennanga 46:5

Enyîshi-nyîshi zo ziyinjihya olugo lwa Nyamuzinda, zo zishagalusa ecirâlo citagatîfu c’Ow’Enyanya bwenêne.

Ennanga 46:6

Nnâmahanga ali omu karhî k’olugo lwâge, lurhâhuligane, Nnâmahanga yêne aluhalira kurhenga sêzi lukula arhanda.

Ennanga 46:7

Amashanja gajà aho gàcihuma omw’isù, amâmi gàgeramwo omusisi, Lêro izù lyâge lyàkungula, igulu lyàhwera aha nshi.

Ennanga 47:2

Mwe mashanja mweshi, mukome akagasha mucîtakîre Nyamuzinda n’enshagadu.

Ennanga 68:35

«Mucîlange oku buhashe bwa Nyamuzinda!» Obwâmi bwâge omu Israheli bumolekîre, n’obuhashe bwâge omu bitù.

Ennanga 89:8

Omu ndêko y’abatagatîfu, Nyamuzinda arhajìbwa omw’irhwe,

Ennanga 95:3

Bulya nêci Nyamwagirwa ali Nyamuzinda mukulu, anali Mwâmi okulîre banyamuzinda boshi.

Lubungo 29:45

Nabêra ekarhî ka Bene-Israheli, na mbè Nyamuzinda wâbo.

Daniyeli 9:4

Nanacishenga Nyamubâho Nyamuzinda wâni, nahûna obwonjo naderha nti: «Mâshi yâgirwa Nyakasane Nyamuzinda mukulu, we obikirira endagâno n’obwonjo oku bantu bakuzigira n’abashimba amarhegeko gâwe.

Mibalè 13:9

omu bûko bwa Benyamini, Palti, mwene Rafu,

Mibalè 14:14

Boshi bayishi oku w’oyu Nyamubâho, ôbà ekarhî k’olu lubaga; oku onakazicîyêrekana emwâbo busù oku busù, w’oyu Nyamubâho; bayishi oku ecitù câwe cibà enyanya zâbo, bayishi oku onakazigenda embere zâbo mûshi omu nkingi y’omuliro.

Mibalè 14:42

Murhasôkeraga eyôla bulya Nyamubâho arhali ekarhî kinyu! Mumanye mwene mwarhuma mugendihimwa n’abashombanyi binyu.

Mibalè 14:9

Ci kwônene murhahîra mukagomera Nyamubâho, murhanayôbohaga abantu abantu bali muli ecôla cihugo, bulya rhwabahungumula, owakazâgibalanga acîyegwîre kuli bo, na Nyamubâho ali haguma nîrhu, murhabayobôhe.»

Mibalè 16:3

Bashûbûzanya oku kulongôza Mûsa n’Aroni, banacibabwîra, mpu: «Rhwamarhama ninyu, bulya olubaga lwoshi, abantu boshi bali bimâna, na Nyamubâho ali ekarhî kâbo. Cankarhuma mweki mucikuza enyanya ly’olubaga lwa Nyamubâho?»

Mibalè 21:34

Nyamubâho anacibwîra Mûsa, erhi: «Orhamurhînyaga, bulya mmuhizire omu maboko gâwe, ye olubaga lwâwe lwoshi, n’ecihugo câge coshi. Omukolere amabî nka kulya wagakoleraga Sihoni, mwâmi w’Abanyamoriti, wayûbaka­ga aha Heseboni».

Mibalè 23:21

Ntabwîni bubî buci muli Yakôbo. Ntabwîni ntanya nci muli Israheli. Nyamubâho Nyamuzinda wâge ali naye, aha mwâge wanayumva ecihôgêro c’aha bwâmi.

Mibalè 9:20

Kwo na kuguma, erhi ecôla citù cankagezize nsiku nsungunu zône oku Ndâro: oku irhegeko lya Nyamubâho banagwîka ecihando, kandi oku irhegeko lya Nyamubâho bahandûle.

1 Bakorinti 14:25

ebifulisirwe omu murhima gwâge byanafulûlwa. Obwo anacîrhimba oku idaho, anayûbika obusù, aharâmye Nyamuzinda, anaderhe, erhi: «Okuli, Nnâmahanga ali ekarhî kinyu».

Lushika 1:21

Nti, k’orhabwîni oku Nyamubâho, Nyamuzinda wâwe okuhîre ecîra cihugo? Kanyà ociyanke nka kulya Nyamubâho, Nyamuzinda wa basho arhegesire, orharhînyaga, orhageragamwo musisi».

Lushika 10:17

Bulya Nyamubâho, Nyamuzinda wâwe ye Nyamuzinda wa banyamuzinda, ye Nyakasane wa banyakasane, ye Nyamuzinda olushire, Nyamuzinda muhimanyi na wa kurhînywa, arhajira kabôlo kuli ndi arhanalonza luhembo luci.

Lushika 20:1

Amango warhabâla mpu okola wajilwîsa abashombanyi bâwe, erhi wakabona enfarasi na ngâlè mwandu, na bantu banji kukulusha, orhayôbohaga bulya Nyamubâho, Nyamuzinda wâwe ali haguma nâwe, Ye wakuyinamulaga, akurhenza omu cihugo c’e Mîsiri.

Lushika 25:8

Ago mango, abagula ba lulya lugo banahamagala nyamulume bamushambâze; anayisha aderhe, erhi: «Ntalonzizi mmuyanke».

Lushika 31:17

“Olwo lusiku lwonênè omungo gwâni gwabadubukirakwo, nâbalekêrera nambafulike obusù bwâni. Bâlîbwa n’amagala: malibuko manji na maganya manji gâbarhindakwo; kwo aderha olwo lusiku”, erhi: “K’arhakanabà obûla Nyamuzinda wâni arhali omu karhî kâni kwo kurhumire agâla mahanya gantindakwo?”

Yozwe 3:10

«Lolagi eci mwamanyirakwo oku Nyamuzinda ozîne ali ekarhî kinyu n’oku akungusha loshi embere zinyu, Abanyakanani, Abahititi, Abahiviti, Abapereziti, Abagirgashiti, Abanyamoreni, n’Abayebuseni.

Yozwe 8:1

Nyakasane anacibwîra Yozwè, erhi: «Orhayôbohaga, orhanarhemukaga. Yanka engabo y’abalwî boshi, oyisôkane, orhabalire Ayi. Alà oku nakuhîre omwâmi w’e Ayi n’olubaga lwâge, olugo lwâge n’ecihugo câge.

1 Samweli 4:8

Rwamahwa lêro, indi wankacirhulîkûza omu maboko g’oyôla Nyandumà; k’arhali y’olya warhindibuzagya abanya-Mîsiri n’ebibande bya ngasi lubero.