Lushika 7:15 - BIBLIYA NTAGATIFU OMU MASHI

¹⁵ Nyamubâho akucinga oku ngasi bulwâla, arhakurhumire ciru n’obuguma muli galya mahanya wabwîne arhumira ab’e Mîsiri, ci abakushomba boshi, bo anagahengulirakwo.

Lushika 7:15 ပူးပေါင်းရင်းမြစ်များ

Ennanga 91:10

Okubî kurhakuhikeho, n’obuhanya burhayêrekere ah’oli.

Lubungo 15:26

Aderha, erhi: «Okàyumva bwinjà izù lya Nyakasane, Nyamuzinda wâwe, okâjira ebishingânîne omu masù gâge, okàyumva amarhegeko gâge, okâshimba amahano gâge goshi, ntakuyôhekwo ndwâla ciru n’enguma eri nk’ezi nayôhaga kuli Mîsiri, bulya nie Nyakasane wakufungira!»

Lubungo 23:25

“Okarhumikira Nyakasane Nyamuzinda wâwe, anagisha ebiryo byâwe n’amîshi gâwe, nnankucînge kuli ngasi ndwâla;”

Lubungo 9:11

Abakurungu bayabirwa okubêra embere za Mûsa erhi ago mahurhe garhuma, bulya abakurungu n’Abanya-Mîsiri boshi bàli bayunjwîre mahurhe.

Lushika 28:27

Nyamubâho akulikirakwo amahurhe g’e Mîsiri, emibuha-mibuha, amaherhe n’ebizimba orhafume.

Lushika 28:60

Akushubizakwo galya mahanya g’e Mîsiri, galya gakugezagyamwo omusisi, obone garhacikunanûkakwo.

Lushika 30:7

Nyamubâho, Nyamuzinda wâwe arhogeza aga mahanya goshi oku banzi bâwe na kuli balya bakushomba na kuli balya bakurhindibuzagya.