Lushika 5:32 - BIBLIYA NTAGATIFU OMU MASHI

³² Mulangage munakulikire nk’oku Nyamubâho, Nyamuzinda winyu ànamurhegekaga. Murhahabukire ekulyo erhi ekulembe.

Lushika 5:32 ပူးပေါင်းရင်းမြစ်များ

2 Bâm 17:37

Mushimbe akanwa, mushimbe obulonza bwâge, na galya marhegeko amuyandikiraga mukagashimba ngasi lusiku munacilange murhaharâmagya bazimu.

2 Bâm 21:8

Amagulu ga bene Israheli garhakacija gazungula eyi n’eyi omu bindi bihugo kuleka ecihugo nahâga ababusi bâbo, casinga bakâyôrha bajira nka kulya nanabarhegekaga, banakayôrha bashimba amarhegeko mwambali wâni Mûsa àbahâga».

2 Bâm 22:2

Akola okushingânîne omu masù ga Nyamubâho, ashimba loshi enjira y’îshe Daudi, arhageraga eburhambi, arhaderhaga mpu ankayihushira ôli ebwa kulyo ôli ebwa kumosho.

Ennanga 125:5

Abagera omu njira zikubire bôhe, Nyakasane abalibirhekwo, abageze omu njira nguma n’ababî. Omurhûla muli Israheli!

Ennanga 19:12

Naye mwambali wâwe go gamuyigîriza, kali kamalo kanene okugashimba.

Ennanga 80:19

Lêro rhurhakacikurhengakwo bundi, orhulange bagumagumà, rhuyîsh’icîtakîra izîno lyâwe,

Migani 3:2

Bulyâla nsiku byakuyûshûlira, n’emyâka y’akalamo n’omurhûla.

Migani 4:27

Orhadungiraga ekumosho erhi ekulyo, okugulu kwaze okuyâse obubî.

Izaya 30:21

Amarhwîri gâwe gânayumve baderha omu nyuma zâwe, mpu: «Eyi yo njira, muyishimbe, abè ebwa kulyo erhi ebwa kumosho!»

Ezekiyeli 20:19

Nie Nyamubâho Nyamuzinda winyu. Mushimbe amarhegeko gâni, mulange engeso zâni munazishimbûlire.

Ezekiyeli 37:24

Omurhumisi wâni Daudi âbà mwâmi wâbo, âbà yêne ye na lungere muguma wâbo boshi, bashimba engeso zâni, bâlanga amarhegeko gâni banagashimbe.

Lushika 11:32

Mulange munashimbe amarhegeko goshi n’engeso muhugûlîre ene.

Lushika 17:11

Kwo wanakola nk’oku bakuyêreka na nk’oku banatwîre olubanja, buzira kuhabukira ekulyo erhi ekulembe kw’akanwa bâkubwîra.

Lushika 17:20

Kuderha mpu alekicîbona enyanya za bene wâbo, aleke n’okucîyeguyla kuli ago marhegeko mpu agagera eburhambi, ekulyo erhi ekumosho. Na ntyo, ye n’abâna bâge, analama nsiku nyinji oku ntebe y’obwâmi omu karhî k’Israheli.

Lushika 24:8

Oku by’olushomyo, ocîhangâne oshimbe bwinjà onakulikire enyigîrizo z’abadâhwa Bene Levi, buzira kuzigera eburhambi. Oshimbe onakulikire ebi nabarhegesire.

Lushika 28:14

orhanahabukiraga ekulyo erhi ekumosho kw’ebi binwa nkurhegesire byoshi, okaderha mpu okala washimba abandi banyamuzinda n’okubagashâniza.

Lushika 29:8

Mulange ebinwa by’eyi ndagâno munabikulikire lyo muyôloloka omu mirimo yinyu yoshi.

Lushika 6:17

Oshimbe amarhegeko ga Nyamubâho, Nyamuzinda wâwe, na birya binwa na galya mahano àkuhâga.

Lushika 6:25

«Obushinganyanya bwîrhu bw’obu: okulanga bwinjà n’okushimba aga marhegeko goshi, embere za Nyamubâho, Nyamuzinda wîrhu, nk’oku yêne arhurhegesire.»

Lushika 6:3

Israheli, orhakarhangiyumva, okulanga n’okushimba ago marhegeko ly’obona omugisho onayôloloke nka kulya anaderhaga Nyamubâho, Nyamuzinda wa basho, hano ojà muli cirya cihugo cihululamwo amarhà n’obûci.

Lushika 8:1

Aga marhegeko mmuhîre ene, mugalange bwinjà goshi, mugashimbe lyo mulama, muyôloloke munaje muli cirya cihugo Nyamubâho alaganyagya basho, muciyanke cibè cinyu.

Yozwe 1:7

“Kuguma kône, ozibuhe onarhwâlihe, okazikola omu kushimba oburhegesi boshi nka kulya Mwambali wâni Mûsa anakurhegekaga. Omanye wankadungukira oli eburhambi bw’ekulyo oli ebwa kumosho, lyo ohashibêrwa na ngasi aha wankajà hoshi”.

Yozwe 23:6

«“Mulange munashimbe buzibu ngasi byoshi byayandikagwa na Mûsa omu citabu c’oburhegesi, buzira kuderha mpu mwadungukira ebwa kulyo nîsi erhi ebwa kumosho”.

2 Petro 2:21

Bulya kwankabire kukulu kuli bo okurhamanya enjira y’obushinganyanya ah’okuyimanya na buzinda bagal’ileka eryôla irhegeko litagatîfu bahâbagwa.