Lushika 4:35 - BIBLIYA NTAGATIFU OMU MASHI

³⁵ We wahirwe okubona ebyo byoshi kuderha mpu omanye oku Nyamubâho ye Nyamuzinda w’okuli na ntà wundi aha nyuma zâge.

Lushika 4:35 ပူးပေါင်းရင်းမြစ်များ

2 Samweli 22:32

Bulya ndi wundi Nyamuzinda okuleka Nyamubâho, ndi wundi ibuye Nyamwegemerwa kulusha Nyamuzinda wîrhu?

2 Samweli 7:22

Kuli okwôla oganze, yâgirwa Nyamubâho, bulya ntâye oli akâwe na ntà wundi Nyamuzinda aha nyuma zâwe, omu kulola ebi rhwanayumvîrhe n’amarhwîri gîrhu.

1 Bâm 8:60

“na ntyôla amashanja goshi g’igulu ganamanya oku Nyakasane yêne ye onali Nyamuzinda ntà wundi kulusha ye”.

2 Bâm 19:19

“Ci kônene waliha, Nyamubâho, Nyamuzinda wîrhu, nkusengîre orhuyôkole, orhukûle omu maboko gâge, na ntyo agandi mashanja gamanyire ho oku wêne we na Nyamubâho, oku wêne we onabà Nyamuzinda”».

1 Nganîro 17:20

“Yâgirwa Nyakasane, ntâye ciru n’omuguma oli akâwe. Kwo kunali ntà wundi Nyamuzinda abà nyuma zâwe, nk’oku rhwanayumvîrhe baderha”.

Ennanga 100:3

Mumanye oku Nyakasane ye Nyamuzinda, Yêne warhulemaga nîrhu rhuli bâge, rhuli ishanja lyâge, rhunali bibuzi by’okw’irango lyâge.

Ennanga 58:11

Omushinganyanya acishinge abona encuku zahanwa, ahulire n’igâ omu mukò gw’endyâlya.

Ennanga 83:18

Enshonyi zibabumbe bajemwo ecikango cirhafuma, enshonyi zibagwarhe zinabahêke.

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Lubungo 8:10

Bàbilundika birundo-birundo, ecihugo coshi cayunjula kabayo.

Lubungo 8:6

Aderha, erhi: «Irhondo.» Mûsa àmushubiza, erhi: «Najira nk’okwo onadesire: Lyo omanya oku ntà wundi oli aka Nyakasane, Nyamuzinda wîrhu,

Lubungo 9:14

Bulya lêro nkola narhuma amahanya gâni goshi kuli we, kuli bambali bâwe n’oku lubaga lwâwe lyo omanya oku ntâye oli akâni omu igulu lyoshi.

Izaya 43:10

Mwe bahamîrizi bâni, kwo adesire Nyakasane, mwe murhumisi wâni nacîshogaga, nti lyo mumanyîrira bwinjà, munyêmêre munayumve oku nie nyôrha mbâho: embere zâni ntà nyamuzinda wabumbîrwe, n’enyuma zâni ntâye wânacibeho.

Izaya 44:6

Kwo adesire ntyâla Nyakasane, mwâmi w’Israheli, muyôkozi wâge, Nyakasane Nyamuzinda w’Emirhwe: Nie murhanzi, nie na muzinda, ntà wundi nyamuzinda kuleka nie!

Izaya 44:8

Murhajugumaga, murhayôbohaga! Ka ntakubwîraga n’okukumanyisakwo kurhenga mîra? Muli bahamîrizi bâni; ka hali owundi nyamuzinda kuleka nie? Nanga, ndi wundi Kabuye! Ntâye mmanyire ciru n’omuguma!

Izaya 45:18

Bulyâla kwo adesire ntyâla Nyakasane, owalemaga amalunga, Nyamuzinda wabumbaga anajira igulu, ye wanaliyimanzagya. Arhalilemaga mpu liyôrhe bwêrûlè, ci àlibumba mpu baliyûbakemo. Nie Nyakasane, ntà wundi!

Izaya 45:22

Muyêrekerage emunda ndi, lyo mucira mwe bihugo byoshi by’en’igulu! Bulya nie Nyamuzinda, ntà wundi!

Izaya 45:5

Nie Nyakasane, ntà wundi, kuleka nie, ntà wundi nyamuzinda! Nakuyîmisire, n’obwo orhanyîshi,

Marko 12:29

Yezu amushuza, erhi: «Irhegeko lirhanzi lyo eli: “Yumva, Israheli. Nyakasane Nyamuzinda wîrhu yênene Nyamuzinda”;

Marko 12:32

Olya mushamuka w’ihano amubwîra, erhi: «Nêci, Mwigîriza, odesire oku binali: “oku Nyamuzinda ali muguma yênene n’oku ntà wundi aha nyuma lyâge”.

1 Bakorinti 8:4

Kuziga oku gw’enyama zarherekîrwe abazimu, rhumanye oku enshushano y’omuzimu erhali cici en’igulu, na ntà wundi Nyamuzinda kuleka olya muguma.

1 Bakorinti 8:6

kwône kuli rhwe rhwêne hali Nyamuzinda muguma yêne, ye Larha, ye na cisisi c’ebintu byoshi, ye mwanalemeragwa, na Nyakasane muguma yêne, ye Yezu Kristu, orhuma byoshi bihabà, onarhuma rhuhabà.

Lushika 32:12

Nyamubâho yêne wamuherhe, ntà nyamuzinda w’emwa bene bâli bo naye.

Lushika 32:23

Nabalashirakwo amahanya, nabayukizakwo emyampi yâni.

Lushika 32:39

Mulolage oku niono, niono ndi ye, n’oku ntà wundi oli Nyamuzinda haguma nâni. Niene nie nyîrha nie nanciza, amango namashûrha, niene nanfumya, (na ntâye wakakûla owundi omu nfune zâni).

Lushika 33:26

Ntâye oli aka Nyamuzinda wa Yeshuruni, ye olya ojà wagera e malunga mpu akurhabâle ntyo, n’obuhashe bwâge alambagire oku bitù.

Lushika 4:39

Okwaninage omanye ene onakazikurhimanya omu murhima gwâwe: Nyamubâho, ye Nyamuzinda oku nkuba enyanya na hano nshi oku igulu, yêne ntà wundi.

Lushika 6:4

Yumva wâni Israheli: Nyamubâho Nyamuzinda wîrhu yêne Nyamubâho.

Lushika 7:9

Okolaga wamanya oku Nyamubâho, Nyamuzinda wâwe ye Nyamuzinda w’okuli, ye Nyamuzinda mutabêsha ye bîkirira endagâno yâge n’obuzigire bwâge kuhika oku iburha lya kali cihumbi abîkira abantu bamuzigira banashimba amarhegeko gâge.

1 Samweli 2:2

Ntà mwimâna aka Nyamubâho, na ntà muntu oli nka ye, na nt’ibuye lizibu aka Nyamubâho.