Lushika 4:27 - BIBLIYA NTAGATIFU OMU MASHI

²⁷ Nyamubâho àmushandabanya omu mashanja n’abâsigala muli mwe barhabè banga. Omu karhî k’amashanja emunda Nyamubâho amulukîriza.

Lushika 4:27 ပူးပေါင်းရင်းမြစ်များ

Murhondêro 11:4

Banacibwîrana mpu: «Ewa yâgi: Rhuyûbake olugo, kandi rhuhirekwo enkingi yahika oku nkuba malunga. Ntyo nîrhu rhwanakâderha oku nîrhu rhuli balume là, na kandi okwôla kwanarhuma rhurhacishandabana omu igulu».

Murhondêro 34:30

Oku bundi Yakôbo anacibwîra Simoni na Levi, erhi: «Mwamampiraga omu maganya garhali go wâni! Mwamanshombanya n’abantu bayûbaka muli cino cihugo. Abanya Kanâni n’Abaperiziti: oku abantu ngwêrhe niono barhali banganaci, bakolaga bacîhira haguma bantabâlire, banyirhe, bamperêrekeze ntyo nie n’omulala gwâni».

Nehemiya 1:3

Banacinshuza, mpu: «Balya barhengaga bujà b’emisigala, n’abandi bantu barhindibukîre omwo cihugo bajaga, emitungo ya Yeruzalemu yahongosire n’emihango yâge yasingonosire n’omuliro».

Ennanga 106:27

mpu akabà arhabashandâzizi omu banya-mahanga, akanaba arhabahabulîri omu bihugo bya bene!

Ennanga 44:11

We warhumire rhwayâka ababisha, kwarhuma abashombanyi barhushokôla barhama.

Ennanga 44:12

Kwo warhuhânyire nka bibuzi byaj’ibâgwa, wanarhushandâza omu karhî k’amashanja.

Izaya 17:6

Harhacibonekane ebirhali bisigaliza by’okurhumbûla, nka kula banahungumula amalehe g’omuzêti: malehe abirhi erhi asharhu oku irhwêrhwè, anni erhi arhanu omu mashami g’omulehe. Kwo adesire ntyo Nyakasane Nyamuzinda w’Israheli.

Yeremiya 16:13

Nkolaga nâmuhulusa muli eci cihugo, mujè omu cihugo murhishi, ôli mwe, ôli basho: eyo munda mwajikolera abandi ba nyamuzinda b’obwîhambi, mûshi na budufu, bulyâla ntâmufîre bwonjo.

Ezekiyeli 11:16

Co carhuma ogend’iderha ntyâla, erhi: Ntyâla kwo amâderha Nyakasane Nyamubâho, erhi: Nêci nabahesire kulî omu mashanja, nabashandabinye omu bihugo b’ihanga, nanabà kulî bwo lwâkiro mango masungunu eyôla munda bâli bajire.

Ezekiyeli 12:15

“Ntyo bamanya oku nie na ndi Nyamubâho, hano mbahêka omu mashanja nnangalibashandabanya omu bihugo b’ihanga”.

Ezekiyeli 20:23

Ci kône kandi nabala­mbulirakwo okuboko, omwôl’irungu, omu kuhiga nti nkola nâbashandabanya omwôla irungu bajè emwa amashanja, bashandabane omu bihugo b’ihanga.

Ezekiyeli 22:15

Nâkushandabanya emwa amashanja, najikuhira eyi n’eyi omu bihugo by’ihanga, nâheza obubî buli ekarhî kâwe.

Ezekiyeli 32:26

“Eyôla munda eri Mesheki, Tubali n’omwandu gwâbo gw’engabo, ebyûsho byâbo bimuzongolosire; ezôla ntakembulwa zoshi engôrho yaziyîsire; n’obwo bâli bamâhira ecôbà omu igulu ly’abazîne”.

Daniyeli 9:7

Yâgirwa Nyakasane kuli we obushinganyanya, na kuli rhwe, obusù buyunjwîre nshonyi nk’oku onabwîne kuli rhwe ene. kwo binali oku bantu b’e Yûda, oku bantu b’e Yeruzalemu n’abà omu Israheli boshi, oku bantu bali hôfi n’abâli kuli muli birya bihugo wabakungushiraga erhi bugoma n’amabî bakujiriraga garhuma.

Hozeya 9:17

Nyamuzinda wâni abakabulira, bulya barhamuyumvagya, bâbà mihabuka ekarhî k’agandi mashanja.

Ben Levi 26:33

Ninyu namushandabanya omu mashanja, ngal’immuyômolera engôrho omu nyuma zinyu; ecihugo cinyu câhagulwa, n’engo zinyu ziyôrhe nkunûnû y’irungu.

Zakariya 7:14

Nabashandabanya omu mbaga za ngasi lubero barhayishigi. Basiga ecihugo câbo ciri bwâmwa, n’enyumpa zâbo, cirhacijibwamwo erhi kurhengwamwo na ndi. Ecihugo câbo càli cinjinja c’okulamwamwo bàcihindula irungu.»

Lushika 28:36

W’oyo n’omwâmi wayîmika, Nyamubâho akuhêka omu ishanja orhayishi, ôli we, ôli basho, eyo munda wagashanizayo banyamuzinda bandibandi, ab’omurhi n’ab’ibâle.

Lushika 29:28

Ebifulike biri bya Nyamubâho, Nyamuzinda wîrhu ci kwône ebifulûle biri bîrhu rhwe n’abâna bîrhu, byanayôrha biri bîrhu, lyo rhushimba ebinwa by’olu Lushika byoshi.

Lushika 30:3

Nyamubâho, Nyamuzinda wâwe anagalula empira zâwe, anakubabalira, anashubikushubûza orhenge omu karhî k’amashanja Nyamubâho, Nyamuzinda wâwe àli erhi akushandabanyize.

Lushika 32:26

Nakadesire nti: «Nabashemba-shemba, nti nazâza izîno lyâbo omu karhî k’abantu»,