Lushika 34:8 - BIBLIYA NTAGATIFU OMU MASHI

⁸ Bene Israheli balaka, bashîba Mûsa omu Kabanda ka Mowabu, nsiku makumi asharhu, n’ensiku z’okulaka omu kushîba Mûsa zanacihika

Lushika 34:8 ပူးပေါင်းရင်းမြစ်များ

Murhondêro 50:10

Erhi bahika aha Goren-Ha-Atadi, ishiriza lya Yordani, babanda endûlù yashakanya, Yozefu ashub’ishîba îshe nsiku nda.

Murhondêro 50:3

Bajira ogwo mukolo nsiku makumi anni, bulya zo nsiku banakolêsa ezo nka bashîga omugavu. Abanyamisiri bàmulakira nsiku makumi gali nda.

2 Samweli 11:26

Erhi mukà Uriya ayumva oku ibà anafîre, ajà omu mishîbo.

Izaya 57:1

Omushinganyanya amâherêrekera, na ntâye ciru n’omuguma omushibirîre; abantu bajira aminjà badwîrhe bahirigirha, n’okwôla kurhama­nyikini! Nêci, bubî budwîrhe bwarhuma omushinganyanya ahirigirha!

Mibalè 20:29

Olubaga loshi lwabona oku Aroni anafîre, n’enyumpa y’Israheli yoshi yanacishiba Aroni nsiku makumi asharhu.

Ebijiro 8:2

Abantu barhînya Nnâmahanga babisha Stefano, banamulakira bwenêne.

Lushika 34:7

Mûsa ali akola agwêrhe myâka igana na makumi abirhi erhi afà: amasù gâge gacikazigibona bwinjà bwenêne n’emisî yâge erhalisâginyiha.

Lushika 34:9

Yozwè, mugala wa Nuni ali ayunjwire murhima gwa bugula, Mûsa ali erhi amuhizirekwo amaboko. Bene Israheli bakazimuyumva, banakazijìra nk’oku Nyamubâho anarhegekaga Mûsa.

1 Samweli 25:1

Oku bundi Samweli anacifà, olubaga lwoshi lwashûbûzanya, bamushîba bwenêne, bamubisha omu ishwa lyâge aha Rama. Enyuma ly’aho, Daudi alîkûla ayandagalira omu irungu lya Parani.