Lushika 33:28 - BIBLIYA NTAGATIFU OMU MASHI

²⁸ Israheli ayûbaka ahantu h’omurhûla. Liri hâgo hâgo iriba lya Yakôbo, linadomêrere ecihugo c’engano n’idivayi, n’amalunga gâge ganakazirhoza olumè.

Lushika 33:28 ပူးပေါင်းရင်းမြစ်များ

Murhondêro 27:28

Nyamuzinda akushobôze olumè lw’oku nkuba, n’amashwa gashushagîre, engano nyinji n’idivayi linji.

Murhondêro 27:37

Izaki ajà omu kanwa ashuza Ezau, erhi: «Namujizire murhambo wâwe, namuhîre bene wâbo nti babè bambali, namuhîre engano n’amamvu mwandu. Bicigi nankacikujirira mwâna wâni?»

Murhondêro 27:39

Oku bundi, îshe Izaki ashuza ederha, erhi: «Woyo ekulî n’ebihugo biyera yo wayûbaka, kuli n’olumè lurhoga oku nkuba.

1 Bâm 5:5

Bene Yûda na bene Israheli bayôrha n’omurhûla buzira kadugundu; ngasi muguma adêkerera omu lukoma lwâge lw’emizâbîbu n’olwa emitini, kurhenga Dani kuhika Bersheba, amango goshi Salomoni ali oku bwasi.

Ennanga 68:26

Abimbiza bo bashokwîre, abazihi b’ennanga bazinda nyuma: n’aha karhî kâbo, abâna-nyere bayisha babûha empanda, mpu:

Lubungo 33:16

Bicigi bankacimanyirakwo oku niono rhwe n’olubaga lwâwe, rhurhonyire omu masù gâwe? K’arhali kugenda haguma nîrhu oku kwarhuma, n’okubona niono n’olubaga lwâwe rhurhashushini n’agandi mashanja gabà hano igulu?»

Migani 19:12

Okukaliha kwa mwâmi kwo kuyôrha nka mululumo gwa ngoromora, okurhonya kwâge kwo kuyôrha nka lumè oku byâsi.

Migani 3:20

Emisima bumanye bwâge bwayihûmbaga, n’olumè bitù bikazilurhoza.

Izaya 48:1

Yumvi, wâni nyumpa ya Yakôbo, mwe mulimbira izîno ly’Israheli, mwe mwarhengaga omu mîshi ga Yûda, mwe mukazilahira oku izîno lya Nyakasane munashenge Nyamuzinda w’Israheli ci arhali nk’oku kukwânîne kunashingânîne.

Yeremiya 23:6

Omu mango gâge Yûda âcira, na Israheli âdêkerera n’omurhûla. Lâba izîno bâkazimuderha: «Nyakasane, Bushinganyanya bwîrhu.»

Yeremiya 33:16

Muli ago mango nâyôkola Yûda na Yeruzalemu arhûlûle. Eci­shagala cinyu baciyîrika elya «Nyamuzinda-okuli-kwîrhu».

Yeremiya 49:31

Kanyi, Nyakasane okudesire, muhamire kuli bala bantu barhacîgonza cici, abakâgicîkêbwa mpu bacîlamira omu murhûla, abarhajira lumvi, barhajira kahamikizo, balama omu lwihwêko!

Ezekiyeli 34:25

“Nâjira haguma nabo endagâno y’omurhûla; nârhenza ensimba nkali omu cihugo, bagendiyûbaka n’omurhûla omu irungu, banakaz’irhegeka omu mizirhu.”

Zakariya 14:11

ho abantu bâcitwire ecirâlo. Hobe ayish’ihwa omu cihugo n’abantu bâcîbêrera omu Yeruzalemu n’omurhûla.

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.

Mibalè 23:9

Bulya, kurhenga okw’irhwêrhwè ly’aga mabuye namamubona. Kurhenga okw’irhwêrhwè ly’orhurhondo, namamulolêreza. Luli lubaga luyûbasire hâgo hâgo, lurhankanaja oku mubalè gw’agandi mashanja.

Lushika 11:11

Ecihugo wajamwo mpu ogendiyanka côhe ciri cihugo ca rhubanda n’ebirhondo bidômerwa n’enkuba y’oku nkuba.

Lushika 12:10

Mukolaga mwayikira Yordani, mwagendibêramwo cirya cihugo Nyamubâho, Nyamuzinda winyu amuhà mpu muciyîmemwo. Amucinga oku babisha bamulieburhambi muyûbake n’omurhûla.

Lushika 32:2

Ihano lyâni lihone nka nkuba, akanwa naderha karhoge nka lumè, nka hishîshîrha oku hyâsi, nka cihonzi oku musihe.

Lushika 32:8

Amango ow’Enyanya agabiraga amashanja akashambala, amango abêrulaga bene omuntu akubûlira amashanja olubibi nk’oku omubalè gwa Bene Israheli gunali.

Lushika 33:12

Kuli Benyamini, aderha, erhi: Benyamini ali murhonyi wa Nyamubâho, Ye anayegemîre burhahuligana. Ow’enyanya ye mulanga ensiku zoshi, ho anabêra aha karhî k’amalango gâge.

Lushika 33:13

Kuli Yozefu aderha, erhi: Ecihugo câge Nyamubâho acigishire. Co cirimwo ebinja by’emalunga enyanya. Co cigwêrhe n’ebindi binjà by’ekuzimu.

Mafulûlo 21:27

Murhakajà cihemusire, murhakalabarha muntu okola ebibî erhi oderha obu­nywesi, ci balya bayandisirwe omu citabu c’obuzîne c’Omwâna-buzi bônene.