Lushika 33:2 - BIBLIYA NTAGATIFU OMU MASHI

² Aderha, erhi: Nyamubâho arhengaga e Sînayi, abamolekera kurhenga e Seyiri, alangaza anali oku ntondo ya Parani. Ho ali ayishire kurhenga oku mbugânano kurhenga e mukondwè gwa Kadeshi kuhika oku Mirhezi.

Lushika 33:2 ပူးပေါင်းရင်းမြစ်များ

1 Bâm 11:18

Erhi barhenga e Madiyani bajà e Parani, barholayo ngasi balume b’omwôla Parani, banacijà e Mîsiri emwa Faraoni mwâmi w’e Mîsiri, mwâmi w’e Mîsiri, anacihà Hadadi enyumpa n’ebiryo anahiga ciru n’okumuhà amashwa.

Ennanga 50:2

Nyamuzinda abalagazize kurhenga e Siyoni, ntondo yâge nyinjinjà.

Ennanga 68:17

Mwe birhondo by’entuli, cici cirhumire mwayâgalwa n’entondo Nyamuzinda àcîshozire mpu ayûbakekwo? Eyi àcîshozire mpu abêrekwo ensiku zoshi?

Ennanga 68:18

Engâlè za Nyamuzinda bihumbi n’ebihumbi, Nyakasane amâbunguluka oku Siyoni, amâj’omw’idubiro lyâge.

Lubungo 23:20

«Nârhuma malahika wâni embere zâwe aj’akulanga omu njira, anakuhise ahantu narheganyize.

Daniyeli 4:13

Omurhima gwago gurhacibaga murhima gwa muntu, guhâbwe omurhima gw’ensimba na byanda nda bigere erhi eyôsire ntyôla. 4, 10: Omulanzi: ye malahika. 2. 13: Byanda nda: kwo kuderha myâka nda.

Habakuki 3:3

Nyamuzinda ayishire kurhenga e Temani, Nyamuzinda Mwimâna ayishire ebwa ntondo za Parani. Obukuze bwâge bubwikire amalunga, n’igulu lyoshi liyunjwîre irenge lyâge.

Mibalè 10:12

Bene Israheli bashubihira njira, barhenga omw’irungu lya Sînayi, cirya citù cagendiyimanga omw’irungu lya Parani.

Ebijiro 7:53

Mwe mwahîrwe na bamalahika Amarhegeko, murhanagashimbaga».

2 Bakorinti 3:7

Erhi obujà-bugo bw’olufù, bwàli buyandisirwe oku mabuye, bujiraga irenge lingana halya, ciru bene Israheli barhankalozire Mûsa ebusù erhi bulangashane b'obusù bwâge burhuma, n’obwo kugera bwageraga,

2 Bakorinti 3:9

Bulyâla, erhi abâga obujà-bugo bw’olwayâga bwàli irenge, kurhi obujà-bugo bw’olwayâza bwakabulaga kubona irenge lilushire?

Bagalasiya 3:10

Nabo balya bacîkubagira ebijiro by’amarhegeko, bali omu kaga k’okuyish’ihehêrerwa, bulya kuyandisirwe, mpu: Ahehêrerwe ngasi yêshi orhasêra oku biyandisirwe omu citabu c’Amarhegeko byoshi.

Bagalasiya 3:19

Irhegeko lirigi lya bici? Lyadwîrhwe erhi byâha birhuma, kuhika liyishe lirya iburha lyalaganyibagwa eciragâne; lyamanyisibwa na bamalahika oku bulagizi bw’omwimangizi.

Bagalasiya 4:24

Luli lwinganyo olwo: abo bakazi zo ndagâno oku ziri ibiri. Entanzi, yarhengaga oku ntondo Sînayi, n’iburha lyâyo liri lya bujà: ye Hagari, -

Lushika 5:22

Byo binwa Nyamubâho abwîraga endêko yinyu yoshi oku ntondo ebyo, abiderha n’izù linene, omu karhî k’omuliro, omu citù n’omwizimya: orhanayûshulagakwo bici; abiyandika kuli nnambi ibirhi za mabuye anazimpêreza.

2 Tesalonika 1:7

n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge,

Bahabraniya 12:20

Bulya bàrhankahashire eri irhegeko, mpu: Ngasi owankahumakwo eyi ntondo, ciru yankaba nsimba, anabandwe amabuye.

Bahabraniya 2:2

Bulya akabà obujà-bugo bwa bamalahika bwayunjwîre na ngasi wadesire mpu abugomera erhi mpu arhabuyumva, ahâbirwe obuhane bumukwânîne,

Yûda 1:14

Ka­ndi bo Henoki, shakulûza wa kali-nda kurhenga Adamu, alêbaga erhi aderha, erhi: «Loli oku Nyakasane ayishire n’ebihumbi n’ebihumbi by’abatagatîfu bâge,

Mafulûlo 5:11

Nashub’ibona nanayumva izù lya Ba­malahika mwandu mwandu bâli bazungulusire entebe, n’erya zirya Nsimba na balya Bagula; bâli rhulorho n’orhulorho na bihumbi n’ebihumbi,