Lushika 33:19 - BIBLIYA NTAGATIFU OMU MASHI

¹⁹ Amashanja gakaziyishigashaniriza oku ntondo, ganarherekêre enterekêro y’obushinganyanya, bulya gâyunjula obugale bw’omu nyanja n’ebinja bifulisirwe omu mushenyi.

Lushika 33:19 ပူးပေါင်းရင်းမြစ်များ

Murhondêro 49:13

Zabuloni ayûbasire oku burhambi bw’enyanja, hala amârho gasîka; lubibi na Sidoni.

Ennanga 107:22

Banarherekêre enterekêro z’okumukuza, n’ebijiro byâge babiyimbe n’enshagadu.

Ennanga 2:6

Erhi: «Niene nayimikaga Omwâmi wâni oku Siyoni», «Oku ntondo yâni ntagatîfu».

Ennanga 4:5

Muyôbohe n’irhondo murhacijiraga ecâha, n’amango mukola muli aha ncingo, mucîje emurhima, muhulike!

Ennanga 4:6

Murherekêre enterekêro z’okuli, mucîkwêbe omu maboko ga Nnâmahanga!

Ennanga 51:19

Enterekêro yâni, Yâgirwa, guli murhima gwadwa mukò, omurhima gwarhanya gunavungunyusire, orhankagukabulira, Nyakasane.

Lubungo 15:17

Wàbahêka, oj’ibasimika oku ntondo y’obwâmi ebè ndâro yâwe, ndâro yagwikagwa n’okuboko kwâwe, Yâgirwa!

Izaya 2:3

Mashanja manji gayîsh’ilongôlerayo, gaderhe, mpu: «Yîshi rhusôkere e­ bwa ntondo ya Nyakasane, ebwa nyumpa ya Nyamuzinda wa Yakôbo. Arhuyigîriza enjira zâge, nîrhu rhushimhe enjira zâge!» Bulya e Siyoni yo irhegeko lirhenga, n’e Yeruzalemu yo erhenga akanwa ka Nyakasane.

Izaya 60:16

Wayish’iyonka amonka g’amashanja, wâyish’iyonka amabêre g’abâmi, onamanye oku niene Nyakasane nie Mucunguzi wâwe, n’oku Omuyôkozi wâwe ye Ciri-misî Ntwâli ya Yakôbo.

Izaya 60:5

Hano obona okwôla washagaluka, omurhima gwâwe gwarhwangûka, gushagaluke, bulya amagale g’omu nyanja galêrhwa emunda oli, n’amahirhi g’amashanja bayisha bagalundûlire emunda oli.

Mikeyo 4:2

igulu lyoshi lyayishilibirhirayo linaderhe mpu: «Yishi rhuyinamukire oku ntondo ya Nyakasane, yishi rhujè omu ka-Nyamuzinda ka Yakôbo. A­rhuyigîrize enjira zâge, lyo nîrhu rhuyishimba. Bulya e Siyoni yo erhenga irhegeko, n’e Yeruzalemu erhenge akanwa ka Nyakasane»!

Lushika 32:13

Amugerana omu birhondo by’ecihugo, amulîsa oku myâka y’omu ishwa, amulumîsa oku bûci bw’omu ibuye, oku rhuvurha rhw’omu ibâle lizibuzibu.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.