Lushika 33:13 - BIBLIYA NTAGATIFU OMU MASHI

¹³ Kuli Yozefu aderha, erhi: Ecihugo câge Nyamubâho acigishire. Co cirimwo ebinja by’emalunga enyanya. Co cigwêrhe n’ebindi binjà by’ekuzimu.

Lushika 33:13 ပူးပေါင်းရင်းမြစ်များ

Murhondêro 27:27

Ayêgera, ahôbera îshe, îshe ayisa obwehe bw’emyambalo yâge. Amugisha ntyâla: «Nêci obwehe bwa mugala wâni, kwo buli nk’obwehe bw’ishwa liyêra, ishwa eri Nyamubâho agishire.

Murhondêro 27:39

Oku bundi, îshe Izaki ashuza ederha, erhi: «Woyo ekulî n’ebihugo biyera yo wayûbaka, kuli n’olumè lurhoga oku nkuba.

Murhondêro 48:5

Abà bâna bâwe baburhiragwa e Mîsiri embere nyîshe aha burhambi bwâwe, bakola bâna bâni: Efrayimu na Menashè bakola b’omu bâna bâni aka Rubeni na Simoni.

Murhondêro 48:9

Naye omugala, erhi: «Bo bâna Nyamuzinda ampîre eno munda abo». Îshe ashuza erhi: «Obanderhere mbagishe».

Ayubu 29:19

Emizî yâni ekazihika oku lwîshi, n’olumè lw’obudufu lukazigwa oku lwasi lwâni.

Ennanga 110:3

Mpu: «Kurhenga okuburhwa kwâwe oli n’obukulu omu bulangashane bw’obutagatìfu: niene nakuburhaga embere z’omucêracêra nka lumè.»

Ennanga 148:7

Murhondêrere en’igulu mwamukuza, mwe biryanyi by’omu mîshi, ninyu mwe nyanja.

Migani 19:12

Okukaliha kwa mwâmi kwo kuyôrha nka mululumo gwa ngoromora, okurhonya kwâge kwo kuyôrha nka lumè oku byâsi.

Migani 3:20

Emisima bumanye bwâge bwayihûmbaga, n’olumè bitù bikazilurhoza.

Izaya 18:4

Bulyâla ntya kwo Nyakasane ambwîzire, erhi: «Kurhenga aha ndi, nakâlâba burhadûndagana, nk’idûrhu likali omu bulangashane, nka citù, c’olumè omu idûrhu amango basârûla».

Hozeya 14:5

Nâfumya obugoma bwâbo nâshubibazigira n’omurhima gwoshi; bulya obukunizi bwâni bwahwîre kuli bo.

Mikeyo 5:7

Omusigala gwa Yakôbo gwabêra omu mbaga, omu karhî k’embaga nyinji, nka ntale eri omu nsimba z’emuzirhu, nka mwâna wa ntale omu busô bw’ebibuzi: ngasi ah’agera erhi na kulabarha n’okuvungunyula, na ntâye wamufulumuka.

Zakariya 8:12

Nabadubulirakwo omurhûla: emirhi yayâna emizâbîbu, obudaka bwayêra emhurho, enkuba yârhoga nyinji bwenêne emalunga. Ago minjà goshi nâgashobôza omusigala gw’olubaga lwâni.

Mibalè 1:32

Bene Yozefu, Bene Efrayimu, oku balondana n’oku emilala yâbo ekulikirana, omu kushimba enyumpa za bashakulûza bâbo, omu kuganja amazîno n’irhwe lya ngasi muguma kurhenga oku muntu wa myâka makumi abirhi kujà enyanya, ngasi balume bankanahêkaga emirasano.

Lushika 32:2

Ihano lyâni lihone nka nkuba, akanwa naderha karhoge nka lumè, nka hishîshîrha oku hyâsi, nka cihonzi oku musihe.

Lushika 33:14

Cirimwo ebinja izûba liyêza hano igulu n’ebinja omwêzi gumeza,

Lushika 33:28

Israheli ayûbaka ahantu h’omurhûla. Liri hâgo hâgo iriba lya Yakôbo, linadomêrere ecihugo c’engano n’idivayi, n’amalunga gâge ganakazirhoza olumè.