Lushika 32:49 - BIBLIYA NTAGATIFU OMU MASHI

⁴⁹ «Sôkera oku ntondo ya Nebo, ntondo eri omu birhondo bya Abarimu, omu cihugo ca Mowabu, ah’ishiriza lya Yeriko, onalole bwinjà ecihugo ca Kanâni nahà Bene Israheli nti cibè câbo.

Lushika 32:49 ပူးပေါင်းရင်းမြစ်များ

Murhondêro 17:8

Nakuhà w’oyo n’iburha lyâwe ecîra cihugo oyubasiremwo, ecihugo ca Kanâni coshi, câbà câwe ensiku zoshi, nâni nâbà nie Nyamuzinda wâwe».

Izaya 33:17

Amasù gâwe gâkasinza mwâmi omu bwinjà bwâge, gakâbona ecihugo cigaligali.

Yeremiya 22:20

Yinamukira e Libano oyâkûze, oku Bashani, olîkirekwo izù, oyakûlize oku Abarimu bulya abîra bâwe bahimirwe.

Ben Levi 14:34

Amango mwahike omu cihugo c’e Kanâni, cirya nammuyîmikamwo, erhi nankahira ecinyolo c’olushomyo muli nyumpa nguma ya muli eco cihugo mwagabîrwe,

Mibalè 27:12

Nyamubâho abwîra Mûsa, erhi: «Osôkere kuli eyi ntondo y’Abarim onalâbe ecihugo nahà bene Israheli.

Ebijiro 7:45

Erhi babà bamacihâbwa, balarha bacihêka omu cihugo banyagaga galya mashanja Nnâmahanga alibirhagakwo embere zâbo, Yozwe ye wali cirongozi câbo; byàbà ntyo kuhika amango ga Daudi.

2 Bakorinti 5:1

Rhumanyire oku erhi eci cihando rhubâmwo hano igulu cankashabûka, rhugwêrhe enyumpa yayûbakagwa na Nyamuzinda, mûbako gw’ensiku n’amango gurhàjiragwa na nfune za muntu, gunali omu irunga.

Lushika 3:27

Sôkera oku busongerwe bwa Pisiga, olikire amasù olunda lw’e emwênè, n’olw’emukondwè n’ebushoshôkero bw’izûba, ocîbonere n’agâwe masù, bulya orhayikire oyu Yordani.