Lushika 32:43 - BIBLIYA NTAGATIFU OMU MASHI

⁴³ Mwe malunga, muciyigîrize haguma naye, na bene Nyamuzinda bamuharamye! Mwe mashanja, mucîyigîrize haguma n’olubaga lwâge, n’entumwa za Nyamuzinda ziderhe obuzibu bwâge. Bulyâla ayishihôla omukò gw’abambali, anagalulire abashombanyi bâge amakwânane gâbo. Abamushomba abagalulira ebyâbo, anakangûle ecihugo c’olubaga lwâge.

Lushika 32:43 ပူးပေါင်းရင်းမြစ်များ

Murhondêro 12:3

Nagisha abakugisha, nahana n’abakakuhehêrera. N’amashanja g’igulu goshi gagishwa muli we».

1 Bâm 8:43

Oyôla muntu w’ecigolo onamujirire nka okwôla anadwîrhe akulakira ly’amashanja goshi ga hanôla igulu gamanya izîno lyâwe, gakurhînye nk’olubaga lwâwe lwa bene Israheli, banamanye oku izîno lyâwe lidwîrhe lyaderhwa muli eno nyumpa nayûbakaga.

2 Bâm 9:7

Omalîre omulala gwa nawinyu Ahabu, na kuli Yezabeli nacihôla omukò gw’abalêbi, abarhumisi bâni n’omukò gwa ngasi bandi barhumisi ba Nyamubâho.

Ayubu 13:24

Cirhumire onfulika obusù bwâwe? Cirhumire ondola nka mwânzi wâwe?

Ennanga 22:27

Abakenyi nabo bâlya banayîgurhe, n’abalongereza Nyakasane, kukuza bâmukuza, emirhima yâbo elame ensiku n’amango.

Ennanga 58:10

Enyungu zinyu mâshi, oku zirhaciyumva idûrhu ly’olurhadu, zimanyulwe n’idûrhu ly’empûsi.

Ennanga 65:3

Bulyâla abakusengera, kuyumvîrhiza obayumvirhiza. N’emund’oli yo ngasi muntu ayêrekîre, erhi byâha byâge birhuma.

Ennanga 79:10

Ewani, cici cankarhuma abapagani baderha, mpu: «Ngahi Nnâmahanga wâbo aligi?» Boshi bamanye, nîrhu rhucîbonere oku nêci wacîhôlire gulya mukò gwa bambali bâwe gwabulagagwa.

Ennanga 79:9

Orhulwîrekwo mâshi Nyamuzinda, Muciza w’abantu; irenge ly’izîno lyâwe lirhume warhurhabâla, onarhukûlir’ebyâha.

Ennanga 85:1

Gwârhi omukulu w’abimbiza. Lulanga. Lwa bene Korè.

Ennanga 85:3

Olubaga lwâwe walubabalîre obubî bwâlwo, ebyâha byâlwo wabibwikira birhag’iboneka.

Izaya 1:24

Co cirhumire, Nyakasane Nyamuzinda w’Emirhwe, Nyamwegemerwa w’Israheli okudesire: Nêci: nkolanacîhôla oku bashombanyi bâni, nageza olwihôlo omu bânzi bâni!

Izaya 1:25

Nâkulambûlirakwo okuboko kwâni, nâkushukûla wêshi, nkurhenzekwo izinga lyâwe lyoshi.

Izaya 11:10

Mw’olwo lusiku, ecikundukundu ca Yese cayâlagala, cibè cêrekane c’embaga; amashanja gacilongeza aha nshi n’aha nyanya, n’endâro yaco yayunjul’irenge.

Izaya 19:23

Olwo lusiku, habà omulimbwa gwarhenga e Mîsiri guje e Asîriya; ab’e Asîriya bakâj’e Mîsiri n’abanya-Mîsiri baj’e Asîriya, n’abanya-Mîsiri bâkaz’irhumikira Asîriya; gwâbà mugisho omu kâgarhî k’igulu.

Izaya 19:25

Nyakasane Nyamuzinda w’Emirhwe ânabagishe aderhe, erhi: «Agishwe Mîsiri, lubaga lwâni, n’Asîriya, mukolo gw’amaboko gâni, n’Israheli, cigabi câni c’omwîmo».

Izaya 44:22

Nazazize amabî gâwe nka lwikungu, n’ebyâha byâwe nka citù. Shubira emunda ndi, bulya nie nakuyôkolaga.

Izaya 60:6

Amasò g’engamiya gakuzunguluka, kuguma n’orhunina rhw’engamiya z’e Madiyani n’ez’Efa. Abarhenga e Saba boshi bayisha bakudwîrhîre amasholo n’enshangi, banayishe bayimba irenge lya Nyakasane.

Izaya 66:10

Cîshingi mweshi na Yeruzalemu, shagaluki erhi ye orhuma, mweshi mwe mumuzigira! Yunjuli busîme haguma naye, mweshi mwe mwâli omu mishîbo haguma naye!

Yeremiya 13:14

Okubundi mbahukuze baguma oku bâbo, abashamuka na bagala bâbo burhalondôla, kanwa ka Nyakasane, buzira lukogo, buzira bwonjo, nâbashangula.

Yeremiya 51:36

Ntya kwo Nyakasane aderhîre Yeruzalemu, erhi: «Niene nkolaga nakulwakwo, nacikwihôlera, nkola naganya olwîshi lwâge, nfuke n’enshôko zâge.

Ndûlù 2:5

Nyakasane anacîjizire nka mushombanyi wîrhu, amirangusize Israheli oku caligumiza haguma n’enyumpa zâge nyinjinjà zoshi, ebyôgo byâge abihebire oku idaho, ajà alumîza oburhè hoshi hoshi omu lubaga lw’e Yûda.

Ezekiyeli 16:63

lyo okaziyôrha wayîbuka, enshonyi zikugwârhe, n’omukucihaba oku wajira, kubè kuhulika ohulika amango nâbà namakubabalira ngasi mabî wanajizire, kwo adesire Nyakasane Nyamubâho.

Ezekiyeli 25:14

Nâcîhôla kuli Edomu n’okuboko kw’olubaga lwâni Israheli, bâlibuza Edomu nk’oku obukunizi n’oburhè bwâni binali, na ntyo bânamanya oku luli lwihôlo lwâni, kwo adesire Nyakasane Nyamubâho.

Luka 19:27

Nabo abashombanyi bâni bàlahiraga mpu ntabè nnawâbo, mubandêrhere, munabanigire omu malanga gâni».

Luka 2:32

bulangashane bw’okumolekera amashanja goshi n’irenge ly’olubaga lwâni lw’Israheli».

Barom 12:19

Murhakâg’icihôla mwenene, bîra bâni, ci muleke obukunizi bwa Nyamuzinda bwône buyish’icihôla, bulya kuyandisirwe, mpu: Okucîhôla kuli kwâni! Niene nayîsh’ilyûla ngasi muntu nk’oku akwânîne. Nyakasane okudesire.

Lushika 32:35

Olwihôlo n’oluhembo biri byâni, amango okugulu kwâbo kwarhereza. Bulyâl’olusiku lwâbo lw’okuhanyagala luli hôfi; nehi babîkîrwe hiyishire buhena.

Mafulûlo 15:2

Nabona n’eri nka nyanja yalangashana enali ngushe haguma n’omuliro, nabona na balya bàhimaga waciryanyi n’enshushano yâge n’enumero y’izîno lyâge, erhi bayimanzirekwo eyôla nyanja yalangashana, banafumbasire ennanga za Nyamuzinda.

Mafulûlo 15:4

Ndi orhankakurhînya, Nyakasane, akanakuza izîno lyâwe? Bulya wêne­ne we mwimâna, n’amashanja goshi gayish’iharâmya embere zâwe, ku­lya kubà akanwa kâwe kâjire kamanyibwa»

Mafulûlo 18:2

Anaciyâkûza n’izù linene, erhi: «Alundusire, alundusire Babiloni mukulu! Ashubire lûsho lwa bashetani, ishûbûkiro lya ngasi muzimu lya ngasi muzimu mubî, n’ishubûkiro lya ngasi kanyunyi kabî, [ishûbûkiro lya ngasi nsimba ehumânya] kalya karhankakwirirwa,

Mafulûlo 18:20

Simagi n’okwôla abîre, mwe malunga; ninyu mwe bimâna, mwe ntumwa n’abalêbi, kwo na kwo; kulya kubà ene Nyamuzinda amuyâza ammuyêzize.

Mafulûlo 19:2

bulya oku adesire erhi kwo binali, erhi kunashingânîne; ye watwâga olubanja lw’olya mukazi w’ecishungu washerêzagya igulu n’okuhusha kwâge, anacîbuka omungo gw’omukò gwa bambali bâge».

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»