Lushika 32:3 - BIBLIYA NTAGATIFU OMU MASHI

³ Kulya kubà lyo nacîtakîra izîno lya Nyamubâho; mwoyo mukuze Nyamuzinda wîrhu.

Lushika 32:3 ပူးပေါင်းရင်းမြစ်များ

1 Nganîro 17:19

“Nyakasane kulya kubà onzigira co carhumire wajira ebyo birhangâzo binjà byoshi, mpu lyo oyêrekana obukulu bw’irenge lyâwe”.

1 Nganîro 29:10

Daudi anacikuza Nyakasane embere z’endêko y’abantu boshi bàhali, aderha, erhi: «Oyagirwe Nyakasane, Larha Nyamuzinda w’Israheli, kurhenga emyâka n’emyâka.

1 Nganîro 29:11

Yâgirwa, wêne we nn’obukulu n’obuhashe, irenge, okurhwâliha n’obwâmi w’e nnabyo, byoshi omu mpingu na bano igulu bibà byâwe. Muhànyi, we mwâmi, we Nnahano orhegeka igulu, obuhirhi n’irenge kuli we birhenga.

1 Nganîro 29:13

Co cirhumire, Nyamuzinda wîrhu, rhukukuzize n’okugashâniza Izîno lyâwe likulu bwenêne.

Ennanga 150:2

Kuzagi ye oku birhangâzo byâge, Kuzagi ye oku bukulu bwâge bunji

Lubungo 20:24

Oyîsh’inyubakira oluhêrero lw’obudaka wakârherekêrakwo embâgwa n’enterekêro zâwe z’omurhûla, ebibuzi n’enkafu zâwe na ngasi bantu nânamanyise izîno lyâni, nâyisha ah’oli nkugishe.

Lubungo 33:19

Nyakasane àmushuza, erhi: «Nageza aminjà gâni goshi embere zâwe, nnanyakulize izîno lya Nyakasane embere zâwe. Mbabalira oyu nnonzize okubabalira, nnambêra lukogo oyu nnonzize okubêra lukogo!»

Lubungo 6:3

Nabonekîre Abrahamu, Izaki na Yakôbo nka Nyamuzinda Ogala-byoshi, ci Izîno lyâni lya Nyamubâho ntalimayisagyâbo.

Yeremiya 10:6

Orhagerwa ndi Nyakasane, oli mukulu, liri likulu izîno lyâwe ligala byoshi.

Yeremiya 23:6

Omu mango gâge Yûda âcira, na Israheli âdêkerera n’omurhûla. Lâba izîno bâkazimuderha: «Nyakasane, Bushinganyanya bwîrhu.»

Mateyo 1:23

Alà omubikira ayish’ibà nda, aburha omwâna: bayish’imuhà izîno lya Emanuweli, kwo kuderha: Nyamuzinda - haguma - nîrhu.

Yowane 17:26

Nabamanyîsize izîno lyâwe, nanacibamanyîsalyo, lyo obuzigire wa­nzigîre bubà muli bo, lyo nâni mbà muli bo».

Yowane 17:6

Abantu warhenzagya igulu obampà, nabamanyisize izîno lyâwe. Bâli bâwe, wabampa, banashimba akanwa kâwe.

Befezi 1:19

mubone na bukulu buci burhajira Lugero obuhashe bwâge bwarhuhîre, rhwe bemêzi. Obwo buhashe bw’emisî yâge

Lushika 3:24

«Nti Yâgirwa Nyamubâho, warhondîre okuyêreka mwambali wâwe obukulu bwâwe n’obuhashe bw’okuboko kwâwe; woyo, ntà w’emalunga erhi w’enigulu wakakuhikakwo oku ikola n’oku bijiro bilushîne,

Lushika 5:24

“mwambwìra, mpu: Nyamubâho, Nyamuzinda wîrhu amarhuyêreka irenge n’obukulu bwâge, rhwamâyumva izù lyâge omu karhî k’omuliro; mpu nêci ene rhwamaja rhwabona oku Nyamubâho anaderhêza omuntu n’omuntu agalilama”.

Mafulûlo 15:3

Erhi badwîrhe bayi­mbà olwimbo lwa Mûsa mwabambali wa Nyamuzinda n’olwimbo lw’Omwâna-buzi, mpu: «Ebi wajizire biri bya kusômeza birhanali busha, Nyakasane, Nyamuzi­nda Nn’amahanga goshi! Enjira zâwe zishingânîne zinayumânîne, Yâgirwa Mwâmi w’amashanja!