Lushika 32:17 - BIBLIYA NTAGATIFU OMU MASHI

¹⁷ Bakazâgirherekêra bashetani n’obwo barhali Nyamuzinda, bakazirherekêra banyamuzinda barhayishi, bahyâhya mâshi, ba lishinjo-lishinjo, balya basho barhagashanizagya.

Lushika 32:17 ပူးပေါင်းရင်းမြစ်များ

Lubungo 32:8

“Barhalegamire okurhenga omu njira nabayerekaga, batuzire enshusho y’akanina bafukamire embere zâyo banaderha”, mpu: “Israheli alà Nyamuzinda wâwe, owakurhenzagya omu cihugo c’e Mîsiri.”»

Izaya 44:8

Murhajugumaga, murhayôbohaga! Ka ntakubwîraga n’okukumanyisakwo kurhenga mîra? Muli bahamîrizi bâni; ka hali owundi nyamuzinda kuleka nie? Nanga, ndi wundi Kabuye! Ntâye mmanyire ciru n’omuguma!

Yeremiya 10:15

Birhabà cici, amango g’okuhanwa kwâbyo, byahirigirha.

Yeremiya 19:4

kulya kubà banyâsire, n’ahôla hantu bahahindwîre ha bene, barherekîreho enshangi kuli banyamuzinda bw’obwîhambi b’emahanga, balyâla barhàli bayîshi ôli bo bône ôli b’îshe, ôli abâmi b’emwa Yûda. Ahâla hantu bahabumbire mukò gw’abêru-kwêru.

Yeremiya 44:3

Amabî bàjizire g’okungayîsa go gàrhumire, kulya kugendigashâniza n’okukolera banyamuzinda b’obwîhambi b’emwa bene, balyâla bône barhayishi n’ôli mwe n’ôli basho.

Ben Levi 17:7

Irhondo barhacihiraga bakagashâniza abazimu bàrhuma bahemuka. Liri irhegeko lya kuyôrha ensiku n’amango kuli bo n’oku bûko bwâbo.

Amosi 5:25

“Enterekêro n’entûlo, ka mwazimpire omu irungu mw’erya myâka maku­mi anni yoshi, wâni nyumpa y’Israheli”.

1 Bakorinti 8:4

Kuziga oku gw’enyama zarherekîrwe abazimu, rhumanye oku enshushano y’omuzimu erhali cici en’igulu, na ntà wundi Nyamuzinda kuleka olya muguma.

Lushika 13:8

“ba muli balya banyamuzinda b’amashanja gali eburhambi bwinyu, gabè ga kuli erhi ga hôfi, kurhenga oku cikwi kuhika oku cindi cikwi c’igulu”,

Lushika 28:64

Nyamubâho akushandabanya omu karhî k’amashanja goshi, kurhenga oku cikwi c’igulu kuhika oku cindi, n’eyo munda wajigashaniza bandi bandi banyamuzinda, balya murhayishi, ôli we ôli basho, banyamuzinda ba mirhi na ba mabuye.

Lushika 32:21

Barhumire nâbà mitula y’irumbi lyâbo mpu banyamuzinda, banjijire burhè n’amarumbi gâbo; nâni nkolaga najira babè mitula y’irumbi mpu lubaga.

1 Timoteyo 4:1

Mûka Mutagatîfu akudesire n’obwâlagale oku, omu nsiku nzinda, baguma bâhakana obuyêmêre, bashimbe abazimu b’okurhebana n’enyigîrizo za shetani;

Mafulûlo 9:20

Ci abantu basigalaga, abarhahungumukaga n’âbo banyamanjà, barhaderhaga ciru mpu bacîyunjuze oku bijiro by’amaboko gâbo: barhalekaga okukâgashâniza abashetani n’enshushano z’amasholo, n’ez’amarhale n’emiringa, n’ez’amabuye n’emirhi, n’obwo oku ziri zirhankabona, zirhankayumva, zirhankanacishegûla.

Bacîranuzi 5:8

Bakazicîshoga abandi ba-nyamuzinda bahyâhya, nka kula bacîshoga emigati; ntà mpenzi, nt’itumu ciru n’eriguma byacibonekaga emw’ebihumbi by’amakumi anni ga bene Israheli.