Lushika 31:27 - BIBLIYA NTAGATIFU OMU MASHI

²⁷ “Bulya ntahabiri isîna lyâwe n’oku ôbà cikanyi cirhagomba, erhi mugomera Nyamuzinda ene nancizîne ndi haguma ninyu, kurhi rnwayishijira amango nâbà nafîre”».

Lushika 31:27 ပူးပေါင်းရင်းမြစ်များ

2 Nganîro 30:8

Murhabâga ba cikanyi cirhagomba aka basho; herezi Nyamubâho okuboko, yîshi ebwa nyumpa yâge eyi ajiraga nyimâna ensiku zoshi, munakolere Nyamubâho, Nyamuzinda winyu, lyo omuliro gw'obukunizi bwâge gumurhengakwo.

Nehemiya 9:16

Ci ababusi bîrhu bôhe, baluza obucîbone, baniola igosi, barhashimbaga amarhegeko gâwe.

Nehemiya 9:29

Ntâko orhajiraga mpu lyo bashub’igaluka emunda oli, cikwône oku buhwinja bwâbo barhayumvagya amarhegeko gâwe, bakabulira amahano gâwe, nobwo go gahâna obuzîne kuli ngasi yêshi onagashimba, bakaz’icigûkumula ebirhugo, baniola ecikanyi c’igosi, balahira okuyumva.

Ennanga 78:17

Kurhahangaga barhashub’igwîra babîhira Ow’Enyanya, n’okumugayikiza omu mpinga.

Ennanga 78:8

Barhanabâga ishanja lya bagoma, ba cabira-bahana, aka bashakulûza wâbo. Lyo lyàli iburha lya murhima guli nka gwa ngoko, omurhima gwâbo gurhàli gusêzire kuli Nnâmahanga.

Izaya 30:9

Bulya luli lubaga lugoma, bali bâna balyâlya, bâna barhalonza okuyumva amarhegeko ga Nyakasane.

Izaya 48:4

Bulya nyîshi oku ôbà cigamba, - oku ecikanyi câwe kwo cizibuha nka cûma n’oku obusù bwâwe buli bwa mulinga,

Yeremiya 5:23

Cikwône olu lubaga lugwêrhe omurhima gw’entumva n’abagoma bagalusire banagenda.

Ezekiyeli 20:21

Ci abôla bâna bacîhindula kuli nie, barhashimbaga amarhegeko gâni, barhalangaga barhanashimbaga engeso zâni, ezi bâli bagwâsirwe okushimba lyo balama nazo; bahemukira ensiku zâni za Sabato. Okubundi nanacibà n’olukengêro lw’okuderha oku nkola nabadubulirakwo obukunizi bwâni, nti mbayûkizekwo oburhè bwâni omwôla irungu.

Ebijiro 7:51

«Mwe bacikanyi-cirhagomba, aga marhwiri n’emirhima erhakembûlagwa, muyôrha mulahira okuyumva Mûka Mutagatîfu! Kulya basho bâli kwo munali ninyu!

Lushika 31:26

«Muyanke ecitabu c’olu Lushika. Mucîgwâse aha burhambi bw’omucîmba gw’endagâno ya Nyamubâho, Nyamuzinda winyu. Cibêreho cinabe caliho w’okukuyagîriza.

Lushika 32:20

Aderha erhi: Nabafulika obusù bwâni, ndolage kurhi byababêra. Bulya lyabîre iburha ligalugalu, bâna barhagwêrhi oku bakacîkubagirwa.

Lushika 9:13

Oku bundi Nyamubâho ambwîra erhi: «Nabwîne lula lubaga, luli lubaga lwa cikanyi cirhagomba

Lushika 9:24

Muyôrha mugomera Nyamubâho kurhenga olusiku amumanyaga.

Lushika 9:4

Amango Nyamubâho, Nyamuzinda wâwe abahiva wanasinza, orhaderhaga omu murhima, erhi: «Bushinganyanya bwâni bwarhumire Nyamubâho ampisa eci cihugo omu ikumi ly’eminwe», n’obwo Nyamubâho ahivire ago mashanja wanasinza erhi bubî bwâbo burhuma.

1 Samweli 12:15

Ci kwônene erhi mwakabula kushimba izù lya Nyamubâho, okuboko kwâge kwanamugombya nka kula kwagombagya ababusi binyu.