Lushika 31:11 - BIBLIYA NTAGATIFU OMU MASHI

¹¹ “amango Israheli yêshi ayishirilola obusù bwa Nyamubâho, Nyamuzinda wâwe halya hantu acîshozire yêne, onaderhere olu Lushika omu marhwiri ga Israheli yêshi”.

Lushika 31:11 ပူးပေါင်းရင်းမြစ်များ

2 Bâm 17:37

Mushimbe akanwa, mushimbe obulonza bwâge, na galya marhegeko amuyandikiraga mukagashimba ngasi lusiku munacilange murhaharâmagya bazimu.

2 Bâm 23:2

Mwâmi anacisôkera ebwa ka-Nyamuzinda, ali boshi n’olubaga lw’e Yûda loshi n’olw’e Yeruzalemu, ali boshi n’abadâhwa n’abalêbi, kuguma n’olubaga loshi kurhenga oku munyinyi kuhika oku mukulu kulusha, anacibasomera, nabo erhi bâna rhezirage amarhwîri, birya binwa bya ecitabu c’Amalaganyo barhôlaga omu ka-Nyamuzinda.

Nehemiya 8:13

Oku lusiku lwa kabiri, abashamuka b’emilala y’ishanja lyoshi, abadâhwa n’abaleviti banacishubuzagya eburhambi bwa Ezra ye wali mwandisi, mpu bayige ebinwa by’Amarhegeko.

Nehemiya 8:18

Bakasoma omu citabu c’oburhegesi bwa Nyamuzinda ngasi lusiku, kurhenga oku lusiku lurhanzi kuhika oku lusiku luzinda. Bajira olwo lusiku lukulu miregerege nda n’oku lusiku lwa kali munâni bafundika nk’oku Amarhegeko gadesire.

Nehemiya 9:3

Oku ngasi muguma anali halya ayîmanzire, banacisoma omu citabu c’oburhegesi bwa Nyakasane wâbo Nyamuzinda, kasanzi kaguma k’omulegerege. Akandi kasanzi bahûnamwo obwonjo oku byâha byâbo n’akandi baharâmya Nyamubâho Nyamuzinda wâbo.

Ennanga 84:7

Hano bayikira akabanda kûmu, bâkahindula nshôko, n’enkuba mpangûka ekabumbe mugisho.

Lubungo 34:24

“Bulya hano mbà namakungusha amashanja goshi embere zâwe, mbà namayûshûla ecihugo câwe, ntâye ciru n’omuguma waderhe mpu ayâgalwa n’ecihugo câwe amango warherema, ogendilola obusù bwa Nyakasane, Nyamuzinda wâwe, kasharhu omu mwâka”.

Ebijiro 13:15

Erhi bayûs’isoma Amarhegeko n’Abalêbi, abakulu b’esinagogi babarhumiza, mpu: «Bene wîrhu, akabà hali oku mwabwîra olubaga, mukuderhe».

Ebijiro 15:21

“Bulya, kurhenga mîra, omu ngasi lugo, Mûsa ajira abahanûzi b’amarhegeko gâge bakâgasoma omu masinagogi ngasi lwa Sabato”».

Lushika 12:11

Ago mango, n’aho hantu Nyamubâho, Nyamuzinda winyu acîshoga mpu ho abêza izîno lyâge ho mwakazilêrha ngasi ebi namurhegesire byoshi: enterekêro zinyu z’embâgwa n’ezindi nterekêro, entûlo zinyu, ensholôlo z’omu nfune zinyuna ngasi binjà wâbà walaganyize Nyamubâho omu ciragâne;

Lushika 12:14

ci halya hantu Nyamubâho acîshoga omu ishanja linyu liguma, hône wakazirherekêrera enterekêro zâwe z’embâgwa n’okukola ngasi ebi nakurhegesire.

Lushika 12:5

Ci halya Nyamuzinda winyu acîshoga omu mashanja ginyu mpu ahireho izîno lyâge n’okulibezaho ho mwakaziyisha n’okumulongezaho.