Lushika 30:9 - BIBLIYA NTAGATIFU OMU MASHI

⁹ Nyamubâho, Nyamuzinda wâwe akukômeza, emirimo yâwe yoshi eyôloloke: emburho y’omu nda yâwe, emburho y’omu bintu byâwe, n’ey’omu ishwa lyâwe. Bulya nêci, Nyamuzinda asbubiyumva asîmire okukubona omu busîme, nka kulya ali asîmire okubona basho omu busîme,

Lushika 30:9 ပူးပေါင်းရင်းမြစ်များ

Izaya 62:4

Barhakacikuderha mpu we «Cijandagwa!» n’ecihugo câwe cirhakaciderhwa mpu «Bigûkà!» Ci wakâderhwa «Nshâgi yâni», n’ecihugo «Muhya», ebwa kubà Nyakasane akurhonya, n’ecihugo câwe câbona owâciyanka.

Izaya 62:5

Nka kulyâla omulamba anayanka omunyere, kwo n’owâkuyûbaka akuyanka nâwe; na nka kulya omuhya-mulume anashagaluka omuhya orhuhimire, kwo na Nyamuzinda wâwe âshagaluka we orhumire.

Izaya 65:19

Nacîshingira Yeruzalemu nnashagaluke erhi lubaga lwâge lurhuma; murhakaciyumvikana ndûlù erhi cihôgêro.

Yeremiya 31:27

Ensiku ziyîruka, kwo Nyakasane adesire, nayâliza abantu n’ebintu omu bûko bwa Israheli, n’ebwa Yûda nka kula banagalagaza emburho omu ndikè.

Yeremiya 31:28

Nka kulya niene nabahanaga, nakundula, nanashereza, nabamalîra; kwo n’okwo, niene nâshubibayîmanza, mbahebemwo omûka, kanwa ka Nyakasane.

Yeremiya 32:41

“Omwîshingo gwâni guli omu kubarhabala, nâbayûbakira muli eci cihugo: bo bulonza bwâni boshi obwo”.

Yeremiya 33:9

Yeruzalemu lyâbà izîno lya mwishingo bwenêne, na lya cikengwa embere z’agandi mahanga goshi g’en’igulu, hano gayumva ebi nâjira gâgwârhwa n’obwôba bwenêne bulya aminjà nâkolera Yeruzalemu guli mwandu.

Ben Levi 26:4

Amashwa ganayeramwo emburho zâgwo, n’emirhi eyânekwo amalehe gâyo.

Ben Levi 26:6

Nâhira omurhûla omu cihugo cinyu, mwâkaz’ihunga na ntâye wamufudusa, ensimba z’ebiryanyi, nazilibirhakwo omu cihugo cinyu, n’engôrho erhakacigera omu cihugo cinyu.

Sofoniya 3:17

Nyakasane Nyamuzinda wâwe ali haguma nâwe: ali murhabâzi muhimanyi! Ashagalusire n’omwîshingo we rhumire, obuzigire bwâge bukuhîre akalamo kahyâhya, adwîrhe abanda empûndu we rhumire.

Luka 15:32

“Ci kwàli kurhuyâmânîne okujira olusiku lukulu n’okushagaluka, bulya mulumuna wâwe àli afîre, lêro afûsire; àli ahezire, lêro abonesire!”»

Yowane 15:11

“Mmubwîzire ebyo byoshi, nti lyo obushagaluke bwâni bummubâmwo, lyo n’obushagaluke bwinyu bubà bwimâna”.

Lushika 28:4

Yâbà eri ngishe emburho y’omu nda yâwe, emburho y’ebintu byâwe, n’emyêzi enkafu yâwe erimwo n’eyi ecibuzi byâwe birimwo kwo na kwo.

Lushika 28:63

Kulya Nyamubâho ali asîmire okukuha obusîme n’obwôloloke, kwo na kandi ayumva asîmire okukuheza n’okukushandâza. Bamushugulamwo eci cihugo mwajiyîmamwo.

Lushika 30:8

Wêhe washubiyumva izù lya Nyamubâho, Nyamuzinda wâwe onakulikire aga marhegeko gâge nkurhegesire ene goshi.

Lushika 7:14

Wabà mugishe kulusha agandi mashanja goshi, emwâwe erhakabà ngumba ya mulume erhi ya mukazi erhi omu bintu byâwe.