Lushika 30:3 - BIBLIYA NTAGATIFU OMU MASHI

³ Nyamubâho, Nyamuzinda wâwe anagalula empira zâwe, anakubabalira, anashubikushubûza orhenge omu karhî k’amashanja Nyamubâho, Nyamuzinda wâwe àli erhi akushandabanyize.

Lushika 30:3 ပူးပေါင်းရင်းမြစ်များ

Murhondêro 28:15

Ndi haguma na nâwe, nakulusa ngasi hoshi wankanaja, nanashub’ikugalula muli eci cihugo, bulya ntakuleke kuhika nyujuze ebi nakulaganyagya».

Murhondêro 48:21

Oku bundi Israheli abwîra Yozefu, erhi: «Lolà oku nkola naling’icîfîra. Cikwône Nyamuzinda âyôrha ali haguma ninyu, anamushubize omu cihugo ca bashakulûza binyu.

1 Nganîro 16:35

Mumuyâkûze, mpu: Nyamuzinda Mucunguzi wîrhu, orhucize, orhulîkûze oku mashanja g’ihanga onarhushûbûze. Hano rhukola rhwakukuza, rhwakaziderha Izîno lyâwe litagatîfu, rhucîshingire okukugashâniza.

Nehemiya 1:9

“ci nka mwankanashub’iyagalukira emunda ndi, mukanashub’ishimba amarhegeko gâni, mukanakaz’ijira oku ganamuhûnyire, ciru akabà mwashandîre kuhika ebuzinda bw’igulu, nanashub’ibashubiza halya hantu nacîshogaga nti ho nahira Izîno lyâni”.

Ayubu 42:10

Ago mango Ayubu akazâg’isengerera abîra bâge, Nyakasane ashubiyinjihya akalamo kâge. Obwo, anamugalulira kabirhi kulusha obuhirhi bwâge bwo

Ennanga 107:3

Balyâla àhamagaliraga ndêko nguma kurhenga omu mahugo, kurhenga emahanga g’ebushoshôkero bw’izûba kuhika emunda lizikira, kurhenga emahanga g’e mwênè kuhik'emukôndwe.

Ennanga 147:2

Nyamwagirwa, mûbasi wa Yeruzalemu, ashûbûza olubaga lw’Israheli.

Izaya 27:12

Olwo lusiku, Nyakasane ârhangira okuhûla emyâka yâge, kurhenga oku lwîshi lwa Efrata kuhika aha lushûmo lw’e Mîsiri. Ninyu mwâyîsh’ijà mwarhôlagulwa muguma muguma, mwe, bene Israheli.

Izaya 43:5

Orhayôbohaga, bulya ndi haguma nâwe. Iburha lyâwe nâlirhenza Ebushoshôkero, nâlishûbûza kurhenga Ebuzikiro.

Izaya 54:7

Nabâga nka nakuleka hisanzi hitya, ci nâshub’ikuyankirira n’olukogo lunji.

Izaya 56:8

“Kwo adesire ntyâla Nyakasane Nyamubâho, oshûbûza bene-Israheli bâli bashandabîne: Nâshûbûliza abandi haguma na balya bâli bamâshubûka.”»

Yeremiya 12:14

Kwo adesire ntya Nyakasane: Bo ndesire abalungu bâni babî, balya bàhumaga oku kashambala nahâga olubaga lwâni lw’Israheli. Lâba oku nâbashugula omu cihugo câbo. (Cikwône enyumpa ya Yûda narhangiyishugula omu karhî kâbo).

Yeremiya 23:3

Nâshubuza niene ebibuzi byâni byasigîre, kurhenga omu bihugo byoshi nali mbishandabanyize, nabigalula omu lwâbuko: byaburhana biyôloloke.

Yeremiya 29:14

“Nâleka munshange, kanwa ka Nyakasane. Empira zinyu nâziga­lula, nnâmubuganyazo kurhenga omu mashanja goshi na kurhenga n’emunda namuhabulîre yoshi, kanwa ka Nyakasane. Nâmugalula ahâla mwâli erhi mu­shandabana”».

Yeremiya 31:10

Mwe bihugo by’e mahanga, yumvi akanwa ka Nyakasane! Munakayâlize oku birhwa biri kulî; mukaziderha erhi: «Nyakasane alirhanziri shandâza Israheli, lêro amâshubimukumakuma erhi àmushîbirira nka kula lungere ashîbirira ebibuzi byâge.

Ndûlù 3:22

Olukogo lwa Nyakasane lurhacîkwa, obuzigire bwâge burhaheka.

Ndûlù 3:32

Bulya ciru ankamubabaza, kurharhuma arhamubabalira omu lukogo lwâge lunene.

Ezekiyeli 11:17

Co carhuma ogend’iderha, erhi: Ntyâla kwo adesire Nyakasane Nyamubâho: Nâmushûbûza murhenge ekarhî k’ezôla mbaga, nâmukula mweshi muli birya bihugo mwâli mushandabinemwo, namuhà ecihugo c’Israheli.

Ezekiyeli 36:24

Nâkurhenza omu mashanja, nâkushûbûza kurhenga omu bihugo byoshi nkushubize omu cihugo câwe.

Ezekiyeli 39:28

“Bayishimanya oku nie na ndi Nyamubâho, Nyamuzinda wâbo hano bâkengêra kurhi nabalekaga bujà emwa amashanja na kandi kurhi namâshubibashubûza nti bajè omu cihugo câbo buzira kuleka ciru n’omuguma eyôla munda”.

Mikeyo 7:19

Kandi oshubirhufa bwonjo, olabarhe amabî gîrhu, ebyâha bîrhu byoshi obikwêbe emuhengere.

Zakariya 10:9

Nabashandâzize omu mashanja nka kula banamira emburho, cikwône bâkaz’inkengera mw’ebyo bihugo by’ihanga. Bâlama eyo munda baguma n’abâna bâbo, buzinda babuligaluka.

Barom 11:23

Nabo bakabà barhabêziri omu kubula obuyêmêre kwâbo, abashubiza omu mashami g’omurhi; bulya Nnâmahanga arhankabula obuhashe bw’okushub’ibashubizamwo.

Barom 11:26

Na ntyôla Israheli yêshi âcunguka, nk’oku biyandisirwe, mpu: Omuciza arhenga e Siyoni; ye warhenza obubî muli Yakôbo.

Barom 11:31

nabo kwo na kuguma, bunôla bali bagomi erhi obwonjo mwaberîrwe burhuma, mpu lyo nabo bayish’ibabalirwa.

Lushika 13:17

“ebyakanyagwa byoshi, onabilunde omu ngo y’emuhanda, omurhundu oguyôkere kuguma n’eminyago yago yoshi, gwoshi ogurhûle Nyamubâho, Nyamuzinda wâwe. Gushube bigûkà by’ensiku zoshi birhaciyûbakwe”.

Lushika 4:27

Nyamubâho àmushandabanya omu mashanja n’abâsigala muli mwe barhabè banga. Omu karhî k’amashanja emunda Nyamubâho amulukîriza.