Lushika 30:1 - BIBLIYA NTAGATIFU OMU MASHI

¹ Amango ebinwa byoshi byayunjula emund’oli, omugisho n’obuhanya nkuyeresire, erhi wakanakazibirhimanya omu murhima gwâwe, omu karhî k’amashanja goshi Nyamubâho, Nyamuzinda wâwe abà amakuhabulira,

Lushika 30:1 ပူးပေါင်းရင်းမြစ်များ

Murhondêro 4:14

«Lolà oku wamampiva muli lîno ishwa nnangwâsirwe ncîfulike hali na nâwe, nkolaga nâbà karharhinda na karhebera muno igulu, owanambugâne hali amango akanyîrha.»

1 Bâm 8:34

Yâgirwa onabayumvirhize n’oku oli omu malunga onabarhege okurhwiri, obabalire olubaga lwâwe lw’Israheli onashub’ilugalula muli cinôla cihugo wahâga b’îshe wâbo.

2 Nganîro 30:9

Ebwa kubà erhi mwankagomire Nyamubâho, bene winyu na bagala binyu banahashibona obwonjo emwa balya babahimaga, ciru banabagalule muno cihugo, bulya Nyamubâho, Nyamuzinda winyu ali wa lukogo na wa bwonjo, arhanamurhenzekwo obusù bwâge, nka mwankashubira emunda ali.

Nehemiya 1:9

“ci nka mwankanashub’iyagalukira emunda ndi, mukanashub’ishimba amarhegeko gâni, mukanakaz’ijira oku ganamuhûnyire, ciru akabà mwashandîre kuhika ebuzinda bw’igulu, nanashub’ibashubiza halya hantu nacîshogaga nti ho nahira Izîno lyâni”.

Izaya 46:8

Mukayîbuka okwo, muzibuhe omurhima! Mucij’emurhima, ezi ndyâlya!

Yeremiya 29:14

“Nâleka munshange, kanwa ka Nyakasane. Empira zinyu nâziga­lula, nnâmubuganyazo kurhenga omu mashanja goshi na kurhenga n’emunda namuhabulîre yoshi, kanwa ka Nyakasane. Nâmugalula ahâla mwâli erhi mu­shandabana”».

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Yeremiya 8:3

N’oku banyi balobôka muli obwo bûko bw’emihera, ngasi aha nakabahabulira, ye kudesire Nyakasane w’Emirhwe, olufù lwâbà lwo lukulu aha buzîne.

Ezekiyeli 18:28

Anacîshozire okuleka enjira y’amabî akazâgijira, kukwânîne alame, arhankafà.

Ezekiyeli 6:9

Okubundi obwôla, ngasi bàfumire olufù bamulimwo, bânashubikaz’inkengêra emwa galya mashanja bàjaga emwâbo, bali bantu nâlumîsa omurhima gwandekaga n’amasù gâbo g’obugonyi, agajag’icîshwêkera oku bazimu. Bâkaziyumva olushologorho kuli bwo bônene erhi galya mabî gâbo goshi bajira garhuma.

Zakariya 10:9

Nabashandâzize omu mashanja nka kula banamira emburho, cikwône bâkaz’inkengera mw’ebyo bihugo by’ihanga. Bâlama eyo munda baguma n’abâna bâbo, buzinda babuligaluka.

Luka 15:17

“Acîjamwo, erhi”: “Bashi banga babà aha mwîrhu badwîrhe bayigurha, nâni oku nafira eno munda n’ishali!”

Lushika 28:28

Nyamubâho akulikirakwo isirhe, obuhurha, anakudundaguze omurhima,

Lushika 28:64

Nyamubâho akushandabanya omu karhî k’amashanja goshi, kurhenga oku cikwi c’igulu kuhika oku cindi, n’eyo munda wajigashaniza bandi bandi banyamuzinda, balya murhayishi, ôli we ôli basho, banyamuzinda ba mirhi na ba mabuye.

Lushika 29:27

“Nyamuzinda kushugula abashugwire omu cihugo câbo n’oburhè, n’omungo, n’omutula, abazunguza omu cindi cihugo, nk’okûla biyôsire buno”».

Lushika 29:28

Ebifulike biri bya Nyamubâho, Nyamuzinda wîrhu ci kwône ebifulûle biri bîrhu rhwe n’abâna bîrhu, byanayôrha biri bîrhu, lyo rhushimba ebinwa by’olu Lushika byoshi.

Lushika 30:15

Lolà oku nkuyeresire ene akalamo n’omugisho, olufù n’obuhanya.

Lushika 30:19

Arnalunga n’igulu bo bacaliho ntôzire ene nti bakuyagîrize: nkuyeresire akalamo n’olufù, omugisho n’obuhanya. Cìshoge akalamo ly’olama mwe n’iburha lyâwe,

Lushika 32:36

(Bulya Nyamubâho ayishihôla olubaga lwâge. Ci kwône abambali bôhe lukogo ababêra), hano abona bârhà enjingo hano abona harhaciri ntagengwa harhanaciri mujà.