Lushika 3:4 - BIBLIYA NTAGATIFU OMU MASHI

⁴ Rhwanyaga emirhundu yâge yoshi, ntà murhundu rhurhabanyagaga: mirhundu makumi gali ndarhu yoshi: ecihugo ca Argobu coshi, akarhwa-bwâmi ka Og e Bashani.

Lushika 3:4 ပူးပေါင်းရင်းမြစ်များ

1 Bâm 4:13

Bene Geberi enyanya ly’e Galadi kuhika oku cishagala c’e Yayiri emwa bene Menashè, abayûbaka e Galadi. Ali arhegesire ecihugo c’e Argobu cibà e Bashani, bishagala binene makumi gali ndarhu, bizonzirwe n’e­ byôgo n’empamikizo y’amarhale.

Mibalè 21:35

Banacimuhima, n’abagala n’olubaga lwâge lwoshi. Harhasigalaga ciru n’omuguma ozîne n’ecihugo câge bacirhôla.

Lushika 3:13

Bene Menashè baguma n’abahà olundi luhande lwa Galadi na Bashani yêshi, bwo bwàli bwâmi bwa Ogu. (Argobu yêshi haguma na Bashani yêshi, kwo bamuderha mpu cihugo ca Barefayimi.

Lushika 3:14

Yayiri mwene Menashè, erhi àmayanka omurhundu gw’Argobu gwoshi kuhika oku lubibi lw’Abanya-Geshuri n’Abanya-Makà, ebyo bishagala babiyîrika izîno lyâge, byakaziderhwa mpu «bishagala bya Yayiri» kwo binaciderhwa kuhika ene.)

Lushika 3:3

Nyamubâho, Nyamuzinda wîrhu arhuhà Og, mwâmi w’e Bashani ntyôla, arhuhà ye n’olubaga lwâge; rhwabahima barharhengagamwo owalobôka.

Lushika 3:5

Eyo mirhundu yoshi yali eyûbasirwe buzibu-zibu yoshi yali ezongolosirwe n’ebyôgo birîrî n’emihango yalikwo enyumvi nkomokomo, rhurhaganjiri emirhundu erhàli miyûbakire, nayo yali mwandu.

Lushika 4:47

Banali bayansire ecihugo câge, n’ecihugo ca Ogu, mwâmi w’e Bashani, bombi bali bâmi bamoriti babaga ishiriza lya Yordani, e bushoshôkero bw’izûba,

Yozwe 12:4

Kandi ecihugo ca Ogu, mwâmi w’e Bashani, ali muguma omu Barefayimi babaga aha Ashtaroti n’aha Edreyi.