Lushika 3:17 - BIBLIYA NTAGATIFU OMU MASHI

¹⁷ Araba na Yordani lwâbà lubibi lwâbo, kurhenga e Kinereti kuhika oku nyanja ya Araba, oku nyanja y’omunyu omu marhambi ga Pisiga e bushoshôkero bw’izûba.

Lushika 3:17 ပူးပေါင်းရင်းမြစ်များ

Murhondêro 13:10

Loti ayînamula amasù, abona olubanda lwa Yordani lwàli ludômerirwe bwinjà hoshi. Okwo kwabâga embere Nyamubâho ashâbe Sodomo na Gomora, olwo lubanda kwo lwàli nka busâni bwa Nyamubâho, nk’ecihugo c’e Mîsiri kujà elunda lw’e Sowari.

Murhondêro 14:3

Abâla bazinda bayankira omuhigo omu kabanda ka Sidimi yo enaligi nyanja y’omunyu.

2 Bâm 14:25

Ashubiyumanyanya embibi z’Israheli, kurhenga oku muhango gwa Hamati kuhika oku nyanja y’Araba omu kushimba akanwa ka Nyamubâho, Nyamuzinda w’Israheli, aka aderhaga omu kanwa k’omulêbi Yônà, mugala wa Amitayi, owayûbakaga e Gati-Heferi.

Ezekiyeli 47:8

Anacimbwîra erhi: Agôla mîshi gadwîrhe gajà ebwa cihugo c’e buzûka-zûba; gayandagalira omu Araba, okubundi gagend’icîkwêba omu nyanja, gânahwera omwôla mîshi g’enyanja lyo gayinjihya agôla mîshi g’enyanja.

Mibalè 23:14

Amujâna ebw’Ishamba ly’Abalâlîzi, okw’irhwêrhwè ly’entondo ya Pisga; ayûbakakwo mpêrero nda, kuli ngasi luguma arherekerêrakwo mpanzi nguma na ngandabuzi nguma.

Luka 5:1

Lêro lusiku luguma erhi olubaga lumulundûkîre mpu luyumve oluderho lwa Nnâmahanga, erhi naye ayîmanzire eburhambi bw’enyanja y’e Jenezareti,

Lushika 4:49

na kuli Araba yoshi, ishiriza lya Yordani ebushoshôkero.

Yozwe 12:3

omu Araba, kuhika eburhambi bw’e buzûka-zûba bw’enyanja ya Kinereti, kuhika oku burhambi bw’e buzûka-zûba bw’enyanja y’Araba, enyanja y’Omunyu, olunda lwa Bet-ha-Yeshimoti; n’olunda lw’e mukondwè omu marhambi g’entondo ya Pisga.

Yozwe 13:27

N’omu kabà­nda ka Bet-Harami, Beti-Nimra, Sukoti na Safoni, musigala gw’obwâmi bwa Sihoni, mwâmi w’e Hesboni; Yordani n’ecihugo câge, kuhika oku buzinda bw’enyanja ya Kinereti, olunda lw’e buzûka-zûba lwa Yordani. Gwo mwanya gwâbo ogwo.

Yozwe 15:2

Olubibi lwâbo, lw’e mukondwè lwàli kurhenga oku buzinda bw’enyanja y’Omunyu, oku mushosho gudwîrhe gwalola e mukondwè;

Yozwe 15:5

Olubibi lw’ebuzûka-zûba yali enyanja y’omunyu kuhika oku Yordani.

Yozwe 18:19

Olubibi lwanacigera oku mwandagalo guli olunda lw’e­ mwênè lwa Beti-Hogla, olubibi oku mushosho guli olunda lw’emukondwè oku nyanja y’omunyu, olunda lw’obuzinda bwa Yordani, omu kâgarhî: lwo lwàli lubibi lw’emukondwè olwo.

Yozwe 19:35

Engo zâbo nzibu zàli: Sidimi, Seri, Hamati, Rakati,

Yozwe 3:16

Lêro obwo amîshi gahulula kurhenga enyanya, gayimanga, gajira ecirimbirimbi cigali hantu hanene bwenêne, hôfi n’olugo lwa Adama, oluli aha burhambi bwa Sortani; nago agakazagibungulukira ebwa nyanja y’Araba, yo nyanja y’omunyu, ago mîshi gahuba goshi. N’olubaga lwayikirira aha ishiriza lya Yeriko.