Lushika 28:4 - BIBLIYA NTAGATIFU OMU MASHI

⁴ Yâbà eri ngishe emburho y’omu nda yâwe, emburho y’ebintu byâwe, n’emyêzi enkafu yâwe erimwo n’eyi ecibuzi byâwe birimwo kwo na kwo.

Lushika 28:4 ပူးပေါင်းရင်းမြစ်များ

Murhondêro 22:17

"nkolaga nakuyunjuza migisho, iburha lyâwe naliluza nka nyenyêzi z’oku nkuba na nka mushenyi gw’omu nyanja n’eryo iburha lyâwe lyakâhima omuhango gw’abashombanyi bâlyo".

Murhondêro 39:5

Kurhengera ago mango amujiraga murhambo w’enyumpa yâge na mulanzi w’ebyâge byoshi, Nyamubâho agisha enyumpa y’olya Mumîsiri, erhi Yozefu orhuma: omugisho gwa Nyamubâho gwagwârha ngasi ebi anajiraga byoshi, omu nyumpa n’omu mashwa.

Murhondêro 49:25

Oku buhashe bwa Nyamuzinda wa sho, yêne akurhabâle, oku buhashe bw’Ogala byoshi, yêne akugishire. Emigisho y’emalunga enyanya, omugisho gw’omu nyenga y’ekuzimu, emigisho y’enda n’ey’ibêre,

Ennanga 107:38

Abagisha baluga bwenêne, abahà na bintu birhali binyi.

Ennanga 127:3

Kàli abâna ngalo ya Nyakasane, akarhenga omu nda luhembo.

Ennanga 128:3

Mukâwe kwo ali nka muzâbîbu guyâna bwenêne omu mwâwe. Abâna bâwe kwo bali nka mirhô ya muzêti, bazungulusire ecîbo omu bululi bwâwe.

Migani 10:22

Mugisho gwa Nyakasane gugaza omuntu, emisî yône-yône erhajira cici.

Migani 13:22

Omugula, binjikulu, asigira akashambala kâge, ebi abahwinja basiga, mushinganyanya obiyîmamwo.

Migani 20:7

Omushinganyanya, ilabarha lyâge, lya mudahemuka; abâna asiga, abasiga bany’iragi.

Ben Levi 26:9

Nayêrekera emunda muli, njire muburhe munayôloloke, nanywâna na ninyu.

Lushika 28:11

Muli eci cihugo Nyamuzinda acîgashiraga embere za basho mpu àkuhâco, Nyamuzinda akugaza ojagalîre birugu: emburho y’omu nda yâwe, emburho y’omu bintu byâwe, n’emburho y’omu kwâwe.

Lushika 28:18

Yâbà ehehêrîrwe emburho y’omu nda yâwe, emburho y’omu kwâwe, iburha ly’enkafu zâwe n’ery’ebibuzi byâwe.

Lushika 28:3

Wâbà oli mugishe eka, wâbà oli mugishe omu ishwa.

Lushika 28:5

Lwâbà lugishe olurhanda lwâwe n’endugiro yâwe.

Lushika 7:13

Akusîma anakugishe oyôloloke; agisha emburho y’omu nda yâwe n’emburho y’omu ishwa lyâwe, engano yâwe, idivayi lihyâhya lyâwe, amavurha gâwe, emyêzi enkafu zâwe zirimwo, n’abânabuzi b’ebibuzi byâwe, muli cirya cihugo alaganyagya basho mpu abahà.

1 Timoteyo 4:8

Bulya okushîbirira emisî y’omubiri kurhagwêrhi kamalo kanene; ci okukombêra oburhumisi bwa Nnâmahanga kukwânana muli byoshi, bulyâla kwalaganyizibwe obuzîne bwa bunôla n’obwaciyisha.