Lushika 28:16 - BIBLIYA NTAGATIFU OMU MASHI

¹⁶ Wabà oli muhehêrere eka, wâbà oli muhehêrere n’omu ishwa.

Lushika 28:16 ပူးပေါင်းရင်းမြစ်များ

Murhondêro 5:29

Amuyîrika erya Nûhu, omu kuderha, erhi: «Oyu ayishirhurhûliliza oku mukolo n’omurhamo gw’amaboko gîrhu, bulya Nyakasane ahehêrire obudaka».

1 Bâm 17:1

Eliya w’e Tishibiti omu Galadi abwîra Ahabu erhi: «Nyakasane Nyamuzinda w’Israheli, oyu nkolera, ye ndahîre. Mw’eyi myâka yoshi, harhabà lumè, harhabè nkuba nka ntacikuderha.»

1 Bâm 17:12

Nyamukazi amushuza erhi: «Alame Nyakasane Nyamuzinda wâwe, ciru ntagwêrhi mugati muyôce; ngwêrhe hishâno hisungunu hyône omu hyungu na rhuvurha rhusungunu omu hibindi; niono nayisha narhôlogola rhushali rhubiri na hano ngaluka nanabirheganya rhubirye nie na mugala wâni, na buzinda bw’aho rhucîfire.»

1 Bâm 17:5

Eliya anacigenda obwo, ajira nk’oku Nyakasane anamubwîraga, aj’ihanda oku lwîshi lwa Keriti ishiriza lya Yordani.

Ayubu 24:18

Ola ali nk’owaj’ayêrêra oku mîshi, aha ayûbaka harharhenga bijâci by’abantu b’omu cihugo, ci ye arhankagera omu njira ejîre ebwa lukoma!

Migani 3:33

Enyumpa y’omumînya ebà ehehêrîrwe na Nyakasane, enyumpa y’abashinganyanya yôhe ebà ngishe.

Izaya 43:28

Lêro nanacikolera abakulu b’aka-Nyamuzinda kâni nka banyankola-maligo; nalekêrera Yakôbo nti bamuherêrekeze n’Israheli nti bamujâcire.

Yeremiya 14:18

Erhi nacija omu mashwa, lâba enkumba engôrho yajijire erhi nacishubira omu lugo, lâba enkumba ishali lyajijire; Omudâhwa n’omulêbi, nabo bagezire omu cihugo, bahabire byo bici ebi!

Yeremiya 26:6

“aka ka-Nyamuzinda kwo nakajira kulya najiraga Silo, n’olu lugo nalujira lubè cêrekane cayêreka amashanja goshi g’igulu, kurhi olugo luhehêrerwa”».

Yeremiya 44:22

Nyakasane arhakacirembîre kasanzi obubî bw’ebijiro binyu, amânabona ebikabulirwa mwajiraga: kwo n’ecihugo cinyu canahindusire irungu ntyo, cashuba ca côbà, cihehêrere, ecirhabamwo bantu nk’oku biri ene.

Yeremiya 9:11

Mugula ohi wakayumva ebyo? Na kandi, ôhi Nyakasane abibwîzire mpu abimanyise abandi? Cirhumirage ecihugo cishâbwa. Cinayôcibwa nka mpinga erhagerwamwo na muntu?

Ndûlù 1:1

Yajêwe! Alà gulya murhundu gwayunjulaga bantu mîra oku gukola guyoôsire gwône! Gulya gwagwêrhe irenge kulya omu gandi mashanja, gukola guli nka mukana. Nnjo erhi ali muluzi-nyere okulîre ebishagala, lêro akolesibwe obukûkuru bw’abajà.

Ndûlù 5:10

Ecikoba c’omubiri gwîrhu cikola cirhuyôca nka kuno barhurhogeza omu cibeye c’omuliro, erhi kulumwa n’ishali kurhuma.

Yoweli 1:4

Ngasi ehi akashôlero kàsizize omu myâka, hyâlìbwa n’enzige; ehi enzige zisizize hyâlibwa n’ebizindêre; ehi ebizindêre bisizize, hyâlìbwa n’amahanzi.

Yoweli 2:3

Embere zâbo, muliro, enyuma zâbo, nayo muliro. Ecihugo kwo ciri embere zâbo nk’ishwa lya Edeni, enyuma zâbo ekola mpinga bwâmwa! Ntâco câbafulumuka.

Zakariya 5:4

Nyakasane w’Emirhwe adesire oku yêne orhumire obwo buhanya: «bwâjà omu nyumpa ya ngasi cishambo n’eya ngasi muntu ocîgasha ebîrà oku izîno lyâni; bwâbêra muli yo bunasherêze byoshi, ciru n’emitungo n’amabuye gâyo.»

Malakiya 2:2

akabà murhayumvîrhi murhanashibiriri okukaziharâmya irenge l’izîno lyâni, namuhehêrera, Nyakasane w’Emirhwe okudesire. Ciru mîra narhangiraga okuhana iburha linyu.

Malakiya 4:6

Ye wâhindula emirhima y’ababusi eyêrekere abâna bâbo, n’ey’abâna eyêrekere ababusi bâbo, lyo ndekiyishiherêrekeza ecihugo cinyu.

Lushika 28:55

Kuderha mpu akanajira muguma mulibwo ahakwo erya nyama y’abâna bâge adwîrhe alya: bulyâla arhasigalane akantu mw’okwôla kugorha bakugorha na muli okwôla kulibuza omubisha akulibuza omu mirhundu yâwe yoshi.