Lushika 28:12 - BIBLIYA NTAGATIFU OMU MASHI

¹² Nyamuzinda akuhakûlira omuhako gwâge ahakamwo ebinja, amalungu mpu garhengemwo enkuba yabombêza idaho lyâwe amango gakwânîne, anagishe emirimo yâwe yoshi. Mashanja manji gayishikazikuhuna mpu ogahoze ci wêhe orhakajà emwâbo mpu olihoza.

Lushika 28:12 ပူးပေါင်းရင်းမြစ်များ

1 Bâm 18:1

Erhi kugera nsiku zirhali nyi, enyuma za myâka isharhu, akanwa ka Nyakasane karhindakwo Eliya mpu: «Genda ociyêreke Ahabu bulya nkola naniesa enkuba omw’igulu.»

Ayubu 38:22

K’okola ohisire aha olubula lubîkwa, aha enguli zâlwo zibêra, k’okola ohahisire?

Ennanga 135:7

Ye rhenza ebitù kurhenga enyuma z’ebihugo, ahindule emilazô eshube nkuba, n’empûsi ayishâze aha yali ecifulisire.

Migani 22:7

Mugale orhegeka abakenyi, ohûna mpu bamuhoze, ye mujà w’owamuhozagya.

Ezekiyeli 34:26

“Nâbajira boshi, kuguma n’àbà­ bali eburhambi, babè mugisho; nâkaz’ibaniekeza enkuba amango gakwânîne, zâbà nkuba za mugisho”.

Ben Levi 26:4

Amashwa ganayeramwo emburho zâgwo, n’emirhi eyânekwo amalehe gâyo.

Lushika 11:14

ecihugo cinyu nacihà enkuba amango gakwânîne, enkuba mpangûka n’enkuba y’oku lugaze, na ntyo wanahaka engano yâwe, erivayi lyâwe n’amavurha gâwe.

Lushika 14:29

Okubundi obwo, hanajira abayish’irya: Omuleviti (bulya arhajira mwanya arhanajira kashambala haguma nâwe), ecigolo, enfunzi n’omukana w’oku mwinyu, balya banayîgurhe. Na ntyo, Nyamubâho, Nyamuzinda wâwe âkugisha agishe na ngasi mukolo enfune zâwe zakanarhangira.

Lushika 15:10

Nka wamuhà, omuhè n’omurhima nkana, bulyâlya okwôla kwarhuma Nyamubâho, Nyamuzinda wâwe akugisha omu mirimo yâwe yoshi n’omu ngasi mukolo gw’amaboko gâwe.

Lushika 15:6

Amango Nyamubâho, Nyamuzinda wâwe abà amakugisha nka kulya anakulaganyagya, mashanja manji gakulya omwenda gasige ecikinja, ci wêhe orhabalye mwenda, warhegeka mashanja manji, ci wêhe orharhegekwe nago.

Lushika 23:20

Orhahîra okahôza mwene winyu akantu mpu ayishikugalulira obunguke, bubè bunguke oku nfaranga, bubè bunguke oku biryo nîsi erhi kandi kantu kakarhengakwo obunguke.

Lushika 28:24

Enkuba yania omu cihugo câwe, Nyamubâho ayijire kabè katulo gunabè mushenyi, bikazirhenga e malunga byanakuhonerakwo, bikushabûle.

Lushika 28:44

Wabona wekola wamusengera ci arhaciri ye wakusengcra, obone ye kola ôli oku mbêre nâwe oku nyuma.