Lushika 27:13 - BIBLIYA NTAGATIFU OMU MASHI

¹³ “N’eyi yindi milala mwabona, oku yanagendiyimanga oku ntondo ya Ebali, etulagule: omulala gwa Rubeni, ogwa Gadi n’ogwa Azeri, ogwa Zabuloni, ogwa Dani n’ogwa Nefutali”».

Lushika 27:13 ပူးပေါင်းရင်းမြစ်များ

Murhondêro 29:32

Lea arhôla izîmi, aburha murhabana, amuyîrika izîno lya Rubeni, bulya, gwârhi yêne: «Nyamubâho anabwîne amalibûko gâni, lêro ibanie ansîma».

Murhondêro 30:20

Lea ederha, erhi: «Nyamuzinda ampîre oluhembo lwinjinja, lêro ibanie ankuza bulya y’oyu namaburhira barhabana ndarhu». Amuyîrika erya Zabuloni.

Lushika 11:29

N’amango Nyamubâho, Nyamuzinda wâwe abà amakuhisa mw’eci cihugo wajamwo mpu ociyanke cibè câwe, onahire omugisho oku ntondo ya Ebali.

Lushika 27:12

«Amango mwâbà mwamayikira Yordani, eyi milala eri aha yanayimanga oku ntondo ya Garizîmi egishe olubaga. Omulala gwa Simoni n’ogwa Levi, ogwa Yûda n’o­ gwa Isakari, ogwa Yozefu n’ogwa Benyamini.

Lushika 27:14

Abà­ leviti banajà eluhya babwîre bene Israheli boshi, erhi:

Lushika 27:4

N’amango mwâbà mwamayikira Yordani, munagwîke ago mabuye oku ntondo ya Ebala, nk’oku mmurhegesire ene munagashîge engwa.

Yozwe 8:33

Israheli yêshi abagula bâge, bali bayimanzire olunda n’olundi lwa omucîmba gw’amalaganyo ga Nyakasane, ebigolo, n’abandi b’embuga, n’abandi bantu b’olubaga, bayimanga cihimbi ciguma olunda lw’entondo Garizîmi, ecindi cihimbi olunda lw’entondo ya Ebali, nka kulya Mûsa omurhumisi wa Nyakasane anarhegekaga mîra galya mango agishaga bene Israheli.