Lushika 25:15 - BIBLIYA NTAGATIFU OMU MASHI

¹⁵ Okaziyôrha ogwêrhe omunzani guyumânîne gunashingânîne, okaziyôrha ogwêrhe omulengo mugumagumà gunashingânîne, ly’olamiramwo cirya cihugo Nyamubâho, Nyamuzinda wâwe akuhà.

Lushika 25:15 ပူးပေါင်းရင်းမြစ်များ

Ennanga 34:12

Bâmina, yishi muyumve, yishi mmuyigîrize okukenga Nyakasane.

Lubungo 20:12

Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

Ezekiyeli 45:10

Mubè n’eminzâni eshingânîne, na efa eshingânîne na ebati eshingânne.

Ben Levi 19:35

Murhahîra mukalenganya, abè omu kutwa olubanja, nîsi erhi omu kutwa olubibi, kandi erhi omu milengo ya kantu kalebe.

Amosi 8:5

Mwe mudwîrhe mwaderha, mpu: «Lêro mangaci omwêzi gubalusire gwazika, lyo rhuguza engano yîrhu, n’oku lwa-Sabato, rhuyukîrize engano yîrhu? Rhwanyihya olugero, rhuyûshûle engulo, omunzâni rhwagujira kundi kundi, rhubarhebe.

Befezi 6:3

ly’obona iragi onalame myâka minji en’igulu.

Lushika 11:9

Ntyôla mwalamira nsiku nyinji muli eco cihugo Nyamubâho alaganyagya basho n’obûko bwâbo, cihugo cihululamwo amarhà n’obûci.

Lushika 17:20

Kuderha mpu alekicîbona enyanya za bene wâbo, aleke n’okucîyeguyla kuli ago marhegeko mpu agagera eburhambi, ekulyo erhi ekumosho. Na ntyo, ye n’abâna bâge, analama nsiku nyinji oku ntebe y’obwâmi omu karhî k’Israheli.

Lushika 25:14

Orhahebaga mirengo ibirhi omu mwâwe: omunene n’omusungunu.

Lushika 4:40

Olange amarhegeko gâge n’engeso zâge nkurhegesire ene, nti lyo obêrwa woyo na bagala bâwe, lyo munalamira omu cihugo Nyamubâho Nyamuzinda wâwe akuhîre mpu cibè câwe ensiku zoshi.

Lushika 5:16

«Okazikenga sho na nyoko nka kulya Nyamubâho Nyamuzinda wâwe akurhegekaga, ly’olama nsiku nyinji onabone omugisho mwa cirya cihugo Nyamubâho Nyamuzinda wâwe akuhà».

Lushika 5:33

Mushongêze enjira Nyamubâho, Nyamuzinda winyu anamuyêrekaga lyo mubona akalamo; mwabona omugisho n’akalamo mw’eci cihugo mwâjirhôla.

Lushika 6:18

Okazijira ebishingânîne n’ebiyinjihire omu masù ga Nyamubâho, lyo oyumva obusîme onayanke cirya cihugo cinjà-cinjà Nyamubâho alahiriraga basho

1 Petro 3:10

Bulya ngasi olonzize okusîma obuzîne n’okubona ensiku z’obuholo, alange olulimi lwâge okuderha kubî, n’akanwa kâge karharhengamwo nderho za bulyâlya;