Lushika 24:16 - BIBLIYA NTAGATIFU OMU MASHI

¹⁶ Ababusi barhayirhwe erhi bâna bâbo bàrhuma, n’abâna barhayirhwe erhi bîshe bàrhuma. Ngasi muguma ayîrhirwa obubî bwâge yêne.

Lushika 24:16 ပူးပေါင်းရင်းမြစ်များ

2 Nganîro 25:4

ci arhayîrhaga abagala, nk’oku binayandisirwe omu burhegesi, omu citabu ca Mûsa oku Nyamubâho ahânyire elira irhegeko erhi: «Abâna barhankafîra abâna bâbo, n’abâna barhankafîra b’îshe; ci ngasi muguma akazifa erhi câha câge cirhuma.»

Ezekiyeli 18:20

Owajizire kubî ye wânkanafà; omwâna arhâkazibarhulè amabî g’îshe, kuguma n’îshe w’omwâna arhânkabarhula omuzigo gw’omwâna wâge, omushinganyanya ahemberwa obushinganyanya bwâge n’omubî ahanirwa obubî bwâge.

Ezekiyeli 18:4

Lolagi: Obuzîne boshi buli bwâni, ôli obuzîne bw’îshe w’omwânarhabana, oli obuzîne bw’omwâna­rhabana boshi buli bwâni. Owajizire ecâha ye wâkanafa.

Daniyeli 6:24

Okubundi mwâmi ashagaluka yêshi yêshi erhi Daniyeli orhuma, anacirhegeka mpu bakûle Daniyeli mulya bulumba bw’entale. Banacikûla Daniyeli mulya bulumba, barhabonaga kuli ye ciru n’ecibande ciguma, ebwa kubà alicikubagire Nyamuzinda.

Mibalè 26:11

Ci kwône bene Korè barhafaga).

1 Samweli 22:16

Mwâmi aderha, erhi: «Ahimeleki kukwânîne ofè we na omulala gwa sho».