Lushika 24:15 - BIBLIYA NTAGATIFU OMU MASHI

¹⁵ Okwânîne omuhè ngasi lusiku oluhembo lwâge, orhanazigaga izûba lyazika arhalubona; bulyâla ali mugalugalu n’omurhima kwo gumuli kw’olwo luhembo. Na ntyo arhakuhamagaliri Nyamuzinda, obone camabà câha.

Lushika 24:15 ပူးပေါင်းရင်းမြစ်များ

Ayubu 31:13

Akabà nalyalyanyize mwambali wâni erhi mwambalikazi wâni, erhi nabula okuhemba nk’oku binali?

Ayubu 31:38

Akabà obudaka bwâni bwankampêka lubanja n’emigâku yâbo elake haguma nabo,

Ayubu 34:28

Balibuza omukenyi kuhika emirenge yâge yamuhikako, bamugayîsa ntyo erhi ayumva endûlù z’abîrhôhye.

Ayubu 35:9

Abâli omu malibuko, barhahwa kuyâma, Abâli omu mazibu g’ababisha, banayâkûze, bahûne owabalikûza,

Ayubu 7:2

Kulîra omujà acîfinja ahâli ecîhôho kulîra omulimyà alingùza oluhembo lwâge,

Ennanga 24:4

Omuntu w’amaboko mêru-kwêru n’ow’omurhima gucîre, olya orhahîra omurhima gwâge oku by’obunywesi, orhanalahira binyoma.

Ennanga 25:1

Lwa Daudi. Emund’oli yo nyêrekîze omurhima gwâni, Yâgirwa Nnâmahanga.

Ennanga 86:4

Oshagaluse omurhima gwa mwambali wâwe, bulyâla emund’oli, Nyakasane yo ndengerize omurhima gwâni.

Izaya 5:7

Nêci! olukoma lw’emizâbîbu lwa Nyakasane Nyamuzinda w’Emirhwe, yo nyumpa y’Israheli; nabo abantu ba Yûda, yo mburho arhonyagya. Abalingakwo obushinganyanya, ci bôhe babà banyankola-maligo; abalonzakwo oburhondekezi, ci zâbà ndûlù.

Yeremiya 22:13

Ali muhanya oyûbaka enyumpa yâge buzira bushinganyanya, n’ebyumpa by’enyanya buzira kuyâza, omuntu okolêsa owâbo busha, buzira kumuhà oluhembo.

Ben Levi 19:13

Orhahîra okarhindibuza omulungu, orhahîra wamunyaga ehyâge: oluhembo lw’omulimya lurhayôrhaga omu mwâwe kuhika olusiku lwakulikira.

Ben Levi 25:35

Erhi omulungu wâwe ankakena akanakaz’ikuhûna, onakaz’imurhabâla, abè mubunga erhi cigolo; ntyo naye anahash’okulama bwinjà aha burhambi bwâwe.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Mateyo 20:8

Erhi kucibà bijingo, nnakà w’olukoma abwîra omwambali, erhi: «Hamagala abakozi, obahè oluhembo, orhangirire oku bazinda kuhika oku barhanzi­rhanzi».

Marko 10:19

Oyishi amarhegeko: Orhahîra kanigana, orhahîra okahusha, orhahîra okazimba, orhahîra okahamîriza obunywesi, orhahîra okalya ebya bene, okaz’ikenga sho na nyoko».

Lushika 15:9

Omanyâge wakanabêza omu murhima gwâwe ezi nkengêro mbî, mpu: «Omwâka gwa kali nda ogûla guyiruka, gwo mwâka gw’okubabalira!» okazinga amalanga embere za mwene winyu mukenyi, n’okabula bwamuhà akantu, akanakuyamira emwa Nyamuzinda obone wamahemuka n’ecâha

1 Timoteyo 5:18

Bulya Amandiko gadesire, mpu: Empanzi ehûla emburho orhayishwêkaga akanwa; na kandi, mpu: Omukozi akwânîne oluhembo lwâge.

Yakôbo 5:4

Ka murhabwîni oku oluhembo mwayimaga abakozi basârûlaga amashwa ginyu ludwîrhe lwabanda endûlù n’oku emirenge y’abo basârûzi yahisire omu marhwiri ga Nyakasane Nyamuzinda w’emirhwe?