Lushika 24:13 - BIBLIYA NTAGATIFU OMU MASHI

¹³ onamugalulireco izûba lizika lyo naye agwîshira omu cirondo câge anakugishe; bwanabà bushinganyanya kuli we omu masù ga Nyamubâho, Nyamuzinda wâwe.

Lushika 24:13 ပူးပေါင်းရင်းမြစ်များ

Murhondêro 15:6

Abramu ayêmêra Nyamubâho, naye Nyamubâho erhi abà amamuganjira birya, amuyêreka oku kwoshi kunali k’okuli.

Ennanga 112:9

Arhahimwa kuhâna n’okushîbirira abakenyi, obushinganyanya bwâge burhakahwa kuderhwa, irenge lyâge kugandâza lyanagandâza.

Lubungo 22:25

Erhi wankarhôla ecirondo c’owinyu cikînja, onamugalulireco câjîngwè, izûba lirhacizonga,

Izaya 58:8

Ntyo wânalangashana nka buce bwa sêzi, ebibande byâwe byanafuma dubaduba, obushinganyanya bwâwe bwanakaz’ikushokolera, n’irenge lya Nyakasane lyanakaz’ikukulikira.

Ezekiyeli 18:12

owakazilibuza abakenyi n’abarhindibusire, owakazizimba, orhagalula ecikinja ca bene, okazilola oku bazimu, okazijira amabî,

Ezekiyeli 18:16

arhâkazilibuza ndi, arhâkazilya ecikinja, arhâkazizimbè, ânakazihana omugati gwâge oku mushalye, ânakaziyambika oli bushugunu omushangi;

Ezekiyeli 18:7

arhalibuza ndi, agalula ngasi ehi alîre cikinja, arhazimba, ashalûla omushalye, ayambika oli bushugunu,

Ezekiyeli 33:15

oyôla muntu mubî erhi anka­lyûla omwenda gwâge, erhi akagalula ebi anyagaga, erhi akanashimba amarhegeko gahâna akalamo, buzira kucishubira omu byâha, okuli ânalama, arha­nkacifa.

Daniyeli 4:27

mwâmi aderha, erhi: «K’arhali cihugo ca Babiloni ecîra, Babiloni munene bwenêne oyu niene nayûbakaga nti mwo nadêkereza obwâmi bwâni n’obuhashe bwâni, kandi nti abè irenge ly’obukulu bwâni?»

Amosi 2:8

Kulya kubà banagwîshire eburhambi bwa ngasi luhêrero oku myambalo barhôlaga cikinja, na bulya bananywe amamvu g’ababatwirîre olubanja omu mwa nyamuzinda wâbo.

Befezi 4:26

Mukunire, ci murhajiraga câha: izûba lirhazikaga n’obukunizi bucimmugwêrhe.

Lushika 24:12

N’erhi akabà mugunda wahozagya birya, orhajagigwîshira onacigwêrhe cirya cikinja câge;

Lushika 24:15

Okwânîne omuhè ngasi lusiku oluhembo lwâge, orhanazigaga izûba lyazika arhalubona; bulyâla ali mugalugalu n’omurhima kwo gumuli kw’olwo luhembo. Na ntyo arhakuhamagaliri Nyamuzinda, obone camabà câha.

Lushika 6:25

«Obushinganyanya bwîrhu bw’obu: okulanga bwinjà n’okushimba aga marhegeko goshi, embere za Nyamubâho, Nyamuzinda wîrhu, nk’oku yêne arhurhegesire.»

Yakôbo 1:27

Idini licîre lirhanalikwo ibala omu masù ga Larha Nyamuzinda, muliyumvagye: okukarhandûla enfûzi n’abakana omu malibuko gâbo, n’okucîlanga buzira izâbyo en’igulu.