Lushika 23:21 - BIBLIYA NTAGATIFU OMU MASHI

²¹ Omuntu w’embuga wanamuhà oluhozo agalulakwo obunguke, ci mwene winyu yêhe omuhè oluhozo buzira kulinga bunguke, lyo Nyamubâho, Nyamuzinda wâwe akugishira entûlo zâwe mw’eci cihugo wagendiyanka.

Lushika 23:21 ပူးပေါင်းရင်းမြစ်များ

Murhondêro 28:20

Yakôbo arhôla omuhigo ederha, erhi: «Akabà Nyamuzinda ali haguma nâni, akanananga muli eyi njira najà, akakaz’impa omugati nalya n’emishangi nakayambala,

Ayubu 22:27

Wamanamusengeraga anakuyûmve, n’emisengero yâwe oyiyikirize emunda ali

Ennanga 15:5

Arhahogeza bunguke, arhanalya mpyûlo mpu aheze omwêru-kwêru. Oyôrha ntyo, ntà mango ankahuligana.

Ennanga 50:14

Okaz’ibâgira Nnâmahanga enterekêro y’okumukuza, onakaz’ijuha Nnâmahanga endagâno omulaganya.

Ennanga 56:12

Nyamuzinda oyu ncîkubagîre: ntà bwôba bungwêrhe: kurhi zânjira engonyi?

Ennanga 61:8

Ayôrhe arhegeka omu masù ga Nyamuzinda, omurhumîre oburhonyi n’obudahemuka bikaz’imulanga.

Ennanga 76:11

Edomu àkukuza omu burhè bwâge, n’abanyi bàsigîre omu Emati, bakujirira olusiku lukulu.

Lubungo 22:24

Okahôza ow’omu lubaga lwâni ensaranga, mukenyi oli akâwe, orhamujiriraga ihanzè, orhamulongezagyakwo bunguke.

Ezekiyeli 18:8

arhahôza ehirugu hyâge omu kulonza obunguke, arhahambira bunguke, afunya okuhoko kwâge oku mabî, atwa emmanja n’obushinganyanya embere z’abantu,

Yônà 1:16

Abo bantu banacirhungwa n’obwôba embere za Nyamuzinda, bamurherekêra enterekêro banahiga emi­gabo.

Yônà 2:9

Bala barherekêra abazimu, bône bacihegeza iragi lyâbo.

Mateyo 5:33

Kandi mwayumvîrhe oku abà mîra babwîzirwe, mpu: Irhondo omanye wankalahira ebîrà, ci okakomezeza Nyakasane endahiro zâwe.

Lushika 14:29

Okubundi obwo, hanajira abayish’irya: Omuleviti (bulya arhajira mwanya arhanajira kashambala haguma nâwe), ecigolo, enfunzi n’omukana w’oku mwinyu, balya banayîgurhe. Na ntyo, Nyamubâho, Nyamuzinda wâwe âkugisha agishe na ngasi mukolo enfune zâwe zakanarhangira.

Lushika 15:3

Omuntu w’ecigolo wanamulyûza, mwene winyu yêhe wanamulekera ngasi hyâwe agwêrhe.

Lushika 23:18

Bâli ba Israheli barhâbemwo ow’ecishungu c’emulinzi, bene Israheli nabo kwo na kwo barhabemwo ow’entazi y’emulinzi.

Lushika 23:22

Erhi wankahà Nyamubâho, Nyamuzinda wâwe omulagi, orhalegereraga bwaguyukiriza, bulyâla oburhabêsha Nyamubâho, Nyamuzinda wâwe akulyûzabwo, obone wamacîbarhuza ecâha.

1 Samweli 20:16

k’izîno lya Yônatani linakolaga lyahirigirha omu nyumpa ya Daudi? Akabà arhali ntyo, ecihango ca Nyamubâho cinakuyîrhe wâni Daudi!»