Lushika 23:11 - BIBLIYA NTAGATIFU OMU MASHI

¹¹ Erhi engabo yâwe yakaba erimwo omuntu orhacîri erhi bilôrho bya budufu birhuma, akwânîne arhenge omu cihando, arhanacishubiremwo.

Lushika 23:11 ပူးပေါင်းရင်းမြစ်များ

Ennanga 51:2

Amango omulêbi Natani àjaga emunda Daudi ali kulya kubà anacîhemwîre kuli Betiseba.

Ennanga 51:7

Okengêre oku naburhagwa omu bubî, omu câha nayâlalagwa omu nda ya nyâmà.

Ezekiyeli 36:25

Nâkukangûla n’amîshi minjà, ntyo wânabà mwinjà; nâkurhenza kwo ngasi izinga ly’amabî gâwe n’erya abazimu bâwe boshi.

Ben Levi 11:25

Ngasi yêshi wabarhule omurhumba gwâbyo, agwâsirwe okushuka emyambalo yâge, erhi anaciyosire muhemule kuhika bijingo.

Ben Levi 14:9

Olusiku lwa kali nda anashub’imôma amôya gâge goshi: Emviri, obwânwa, engohe, acimômêse enyôya zoshi anacîshuke yênene, omubiri goshi n’emishangi yâge na ntyo erhi amarhengakwo ecizira coshi.

Ben Levi 15:11

Ngasi boshi, oyo muntu ankahumakwo, n’obwo arharhanzir’ikalaba enfune zâge n’amîshi, abôla bakola ba kushuka emyambalo yâbo na kandi bônene bali bakucîshuka n’amîshi bagal’inayôrha bazizire kuhika bijingo.

Ben Levi 15:13

Amango oyo kashululu amahubamwo okushulula, anaganja nsiku nda embere z’okushukûlwa kwâge, kandi naye ali wa kushuka emyambalo yâge, na wa kucîshuka omubiri n’amîshi gahulula, lyoki ankalokôlwa.

Ben Levi 15:16

Omulume ogeza emburho ali wakushuka omubiri gwâge gwoshi n’amîshi, agal’iyôrha azizire kuhika bijingo.

Ben Levi 15:5

Owankahuma oku ncingo yâge, ali wa kugend’ishuka emyambalo yâge, na yêne ali wakucîshuka n’amîshi, agal’iyôrha azizire kuhika bijingo.

Ben Levi 22:6

kwo kuderha oku ngasi ocîshomya mpu ahuma kuli ebyôla, anayôrhe azizire kuhika bijingo, arhankalya bwangà bwimâna, ci arhang’igenda ashuke omubiri gwâge n’amîshi.

Mateyo 3:11

“Niehe ndwîrhe nammubatiza n’amîshi, nti lyo mucîyunjuza. Ci kwônene owâyisha enyuma zâni andushire, ntakwânîni okumushwêkûla enkwêrho: ye wâmmubatize muli Mûka Mutagatîfu n’omu Muliro”.

Lushika 23:10

Irhondo okaba wajihandira abashombanyi bâwe, wacinga obalwîse, onacîlange oku ngasi kabî.

Lushika 23:12

Hano ashinga gakola mafuluko, anacishuka, anashubire omu bihando izûba lizika.

Bahabraniya 10:22

rhuyegerage n’omurhima gurhalimwo bulyâla omu buyêmêre bwimâna; emirhima yîrhu ecêsibwe ngasi bubî buyirimwo, n’emibiri yîrhu eshukwe n’amîshi gashongwîre.

1 Petro 3:21

A­gwo mîshi lwàli lwîganyo lw’obubatizo bummuciza bunôla ninyu, arhali omu kurhenza izinga ly’omubiri, ci omu kushenga Nnâmahanga n’omurhima gucîre, obufûke bwa Yezu Kristu burhumire;

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,